အစိမ်းရောင်လမ်းဧရာဝတီတိုင်းဒေသကြီး ၊ ဓနုဖြူမြို့နယ်မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းဆုကြည်နဲ့ တောင်သူ လယ်သမားများ မနက်ဖြန်မှာ တွေ့ဆုံသွားမှာဖြစ်ကြောင်း DVB မီဒီယာမှ ဖော်ပြထားကြောင်းသိရပါတယ်။
ဓနုဖြူမှာ ဒေသခံတောင်သူများအတွက် လယ်ယာစီးပွားဝန်ဆောင်မှုစင်တာ (Agri Business Service Center )ကို ဖွင့်လှစ်သွားမှာဖြစ်တဲ့အတွက် နိုင်ငံတော်အကြီးအကဲများမှ လာရောက်ဂုဏ်ပြုတက်ရောက်သွားမှာဖြစ်တယ်လို့ မြန်မာနိုင်ငံ ဆန်စပါးအသင်းချုပ်မှ ရုံးအဖွဲ့မှူး ဦးမြင့်လွင်က ပြောပါတယ်။
“လယ်ယာစီးပွားဝန်ဆောင်မှုစင်တာ (Agri Business Service Center )ကို နက်ဖြန်မှာ ဖွင့်လှစ်သွားမယ်။ အဲဒီစခန်းကြီးဖွင့်လှစ်တာကို လယ်သမားတွေကို ရှင်းလင်းတင်ပြတဲ့ပွဲမှာ နိုင်ငံတော်အကြီးအကဲပုဂ္ဂိုလ်တွေလည်း လာရောက်ဂုဏ်ပြုမယ်လို့ သိရပါတယ်”
အဆိုပါဖွင့်ပွဲနဲ့အတူ ဧရာဝတီတိုင်းဒေသကြီး ဓနုဖြူမြို့နယ် ဒေသခံတောင်သူလယ်သမားများနဲ့ တွေ့ဆုံဆွေးနွေးပွဲ ပြုလုပ်သွားမှာဖြစ်ကြောင်းလည်း သိရပါတယ်။
တောင်သူများအတွက် မျိုးစေ့၊ ထွန်ယက်ရေ ၊ စိုက်ပျိုးရေး၊ မြေသြဇာ၊ လယ်ထွန်စက်၊ ပိုးသတ်ဆေး နဲ့ ရိတ်သိမ်းစက် စတဲ့ဝန်းဆောင်မှုများကို လယ်ယာစီးပွားဝန်ဆောင်မှုစင်တာ (Agri Business Service Center )မှ သင့်တင့်တဲ့နှုန်းထားနဲ့ ဆောင်ရွက်ပေးသွားမှာဖြစ်ကြောင်းသိရပါတယ်။
အဆိုပါ လယ်ယာစီးပွားဝန်ဆောင်မှုစင်တာ (Agri Business Service Center )ကို Gold Delta CO.,Ltd.မှ ဖွင့်လှစ်သွားမှာဖြစ်ကြောင်းလည်း သိရပါတယ်။
တိုးတိုးခိုင်(ABM)
ဗွေဆော်ဦး ကြော်ငြာ
Aqua ဘူစတာ
Aqua ကယ်လဆီယမ်
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}