တရုတ်နိုင်ငံသို့ ရေထွက်ကုန်ပစ္စည်းများတင်ပို့မှု ပိုမိုတိုးတက်ရန် ယူနန်နှင့် ရှန်ဟိုင်းအစိုးရအဖွဲ့များဖြင့် ဆွေးနွေးနေ

တရုတ်နိုင်ငံသို့ ရေထွက်ကုန်ပစ္စည်းများ တင်ပို့ရာတွင် ပိုမိုဖွံ့ဖြိုးတိုးတက်စေရန်အတွက် ယူနန်ပြည်နယ်နှင့် ရှန်ဟိုင်းပြည်နယ်တို့မှ အစိုးရအဖွဲ့များနှင့် ရန်ကုန်တိုင်းဒေသကြီးအစိုးရအဖွဲ့တို့အကြား ဆွေးနွေးမှုများ ပြုလုပ်လျက်ရှိကြောင်း ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောသည်။

နိုင်ငံ၏ ဒေသတွင်း ပြည်တွင်းထုတ်ကုန်တန်ဖိုး (GDP) အမြန်ဆုံး တိုးတက်စေရန်အတွက် ငါးမွေးမြူရေးကဏ္ဍ၊ ငါးလုပ်ငန်းကဏ္ဍ၊ ပင်လယ်ထွက်ကုန်စည်များမှ ပို့ကုန်များ တိုးမြှင့်နိုင်ရန် အင်မတန်အရေးကြီးသလို ယင်းကဲ့သို့ ဆောင် ရွက်နိုင်မှုသည် အချိန်တိုအတွင်း၌ တိုင်းပြည်၏ GDP ကို အမြန်ဆုံးတိုးမြင့်ပေးမည့် အခြေအနေတစ်ခုဖြစ်ကြောင်း သိရသည်။

"ဒီအပြင် ကျွန်တော်တို့ တရုတ်ပြည်ကို ကုန်စည်ပို့ဆောင်တဲ့နေရာမှာ ငါးလုပ်ငန်းကဏ္ဍ၊ ပင်လယ်ထွက်ပစ္စည်းတွေရဲ့ကဏ္ဍကို ပိုမိုဖွံ့ဖြိုးတိုးတက်စေနိုင်ဖို့အတွက်လည်း ကျွန်တော်တို့ ယူနန်နဲ့ ဆွေးနွေးနေတာရှိပါတယ်။ ဒီအပြင် ကျွန်တော်တို့ ရှန်ဟိုင်းဘက်နဲ့လည်း ကျွန်တော်တို့ တိုင်းဒေသကြီးအစိုးရဘက်က ဆွေးနွေးနေတာရှိပါတယ်။ ဒါက ဘာကြောင့်လဲဆိုတော့ ကျွန်တော်တို့ရဲ့ ငါးဈေးကွက်ကို ရန်ကုန်ကိုအခြေပြုပြီး ဆောင်ရွက်နိုင်ဖို့အတွက် ကျွန်တော်တို့ ကြိုးပမ်းဆောင်ရွက်နေတာ ဖြစ်ပါတယ်။" ဟု ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောသည်။

လက်ရှိတွင် ရန်ကုန်တိုင်းဒေသကြီး အစိုးရအဖွဲ့အနေဖြင့် ငါးလုပ်ငန်းအဖွဲ့ချုပ်နှင့်သော်လည်းကောင်း၊ ငါးလုပ်ငန်းနယ်ပယ်အသီးသီးတွင် လုပ်ငန်းဆောင်ရွက်နေသည့် ကမ်းနီး၊ ကမ်းဝေးရှိ ငါးဖမ်းနေသူများနှင့်သော်လည်းကောင်း ညှိနှိုင်းဆောင်ရွက်နေကြောင်း ရန်ကုန်မြို့ရှိ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်တွင် ဇွန်လ ၂၉ ရက်က ကျင်းပပြုလုပ်သည့် နိုင်ငံတော် ဒုတိယသမ္မတ ၁ နှင့် ပုဂ္ဂလိကလုပ်ငန်းရှင်များ ၂၈ ကြိမ်မြောက် ပုံမှန်တွေ့ဆုံပွဲ၌ ယင်းကဲ့သို့ ပြောကြားခဲ့ခြင်းဖြစ် သည်။

တရုတ်နိုင်ငံသို့ ရေထွက်ပစ္စည်းများဖြစ်သည့် မွေးမြူရေး ငါး၊ ပုစွန်များ တင်ပို့ရာတွင် အခက်အခဲများ တွေ့ကြုံနေရပါသဖြင့် အခက်အခဲများကို ဖြေရှင်းပေးရန်၊ ပြည်ပပို့ကုန် တိုးမြှင့်တင်ပို့နိုင်ရေးအတွက် တရုတ်နိုင်ငံနှင့် အစိုးရချင်း ဆက်သွယ်ဆောင်ရွက်ရမည့် လုပ်ငန်းစဉ်များတွင် ကုန်သွယ်မှုများ လွယ်ကူလျင်မြန်ချောမွေ့စေရေးအတွက် လိုအပ်သည်များကို ကြိုတင်ညှိနှိုင်း ဆောင်ရွက်ပေးရန်ကိုလည်း နိုင်ငံတော်သို့ တင်ပြတောင်းဆိုထားကြောင်း မြန်မာနိုင်ငံငါးလုပ်ငန်းအဖွဲ့ချုပ် ဒုတိယဥက္ကဋ္ဌ ဒေါက်တာတိုးနန္ဒာတင်က ပြောသည်။

ယင်းအပြင် ကြက်နှင့် ငါး နှစ်မျိုးတွဲ၍ မွေးမြူသော လုပ်ငန်းများမှထွက်သော ငါးများကို အစား အသောက်ဘေးကင်း လုံခြုံမှုမရှိဘဲ ပြည်ပသို့တင်ပို့ရန် အခက်အခဲများရှိသဖြင့် ယင်းကဲ့သို့ နှစ်မျိုးပေါင်း၍ မွေးမြူခြင်းကို ဥပဒေတစ်ရပ်ထုတ်၍ တားမြစ်ပေးပါရန်နှင့် ငါးမွေးမြူရေးလုပ်ငန်းတစ်ခုကို တိုင်းဒေသကြီး၊ ပြည်နယ်များတွင် ပရောဂျက်ကြီးအသစ်တစ်ခုဖြင့်စ၍ လုပ်ကိုင်နိုင်ရန်အတွက် ဘဏ်ချေးငွေများရရှိအောင် Project Bank ဖြင့် ချိတ်ဆက်ဆောင်ရွက်ပေးပါရန်တို့ကိုလည်း တင်ပြထားကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...