အစာကုန်ကျမှု သက်သာစေပြီး စီးပွားရေးအရ တွက်ခြေကိုက်သော ရေချိုငါးများကို ရောစပ်မွေးမြူနည်း အပိုင်း(၂)

စီးပွားဖြစ်ငါးများကို ရောနှောမွေးမြူရာတွင် အစာကျွေးမွေးတတ်ဖို့လည်း အရေးကြီးလှသဖြင့် အစာကျွေးနည်းကို ဖော်ပြပေးလိုက်ပါသည်။

အစာကျွေးနည်းမှာ -

ရေပေါ်ငါးဖြစ်သော ငါးသိုင်းခေါင်းပွ (ငါးခေါင်းပွ)ငါးကို ဦးစားပေးမွေးသော ကန်များ၌ ရေလယ်တွင်ဝါးတိုင်များကို စိုက်ထားရပါမည်။ဝါးတိုင်များကို နိုင်လွန်ကြိုးဖြင့် တန်းထားပါ။
သင့်လျော်သည့် အကွာအဝေးတိုင်းတွင် ဝါးခြင်းကြား ကလေးများကို ရက်၍ သို့မဟုတ် အစဥ်အမြဲသုံးနိုင်ရန် ပလတ်စတစ်ခြင်းကလေးများကို ကြိုးတန်းတွင်ကြိုးဖြင့် ဆွဲထားပါ။
ကန်၏ ရေမျက်နှာပြင်အောက် ၁ ပေခွဲခန့်အထိ ကြိုးအရှည် ရှိရပါမည်။ ငါးများကို အစာကျွေးချိန်တွင် ငါး၏အစာများဖြစ်သော ဖွဲနု၊ပဲဖတ်၊ နှမ်းဖတ်များကို လှေဖြင့်သယ်ယူပြီး ထိုခြင်းကလေးများအတွင်းသို့ ထည့်၍ ကျွေးမွေးနိုင်ပါသည်။
ဖွဲနုကိုပါထည့်ကျွေးလျှင် ဆန်ကွဲများမပါရန် အထူးသတိပြုပါ။ဆန်ကွဲများသည် ရေအောက်သို့ရောက်လျှင် ပုပ်ပြီး ကန်မသန့်မရှင်း ဖြစ်တတ်ပါသည်။ ရေမသန့်ရှင်းမှုကြောင့် ငါးများသေကြေပျက်စီးနိုင်ပါသည်။
ဤသို့သောနည်းဖြင့်ကျွေးလျှင် ပထမဆုံး ရေပေါ်တွင် ကျက်စားလေ့ရှိသော ငါးသိုင်းခေါင်းပွ(ငါးခေါင်းပွ)များက ခြင်းဘေးမှဝိုင်းပတ်ပြီး အစာကိုစုပ်ယူစားကြပါလိမ့်မည်။
စားနေစဥ်အတွင်း အစာအချို့မှာ ရေအောက်သို့ တဖြည်းဖြည်းကျသွားပါမည်။ ကျသွားသော အစာများကိုသာ ရေလယ်မှ အနည်းစုမွေးမြူထားသည့် ငါးများဖြစ်သော ငါးမြစ်ချင်းနှင့် ရေအောက်မှငါးကြင်းတို့က စားကြရပါသည်။
ရေလယ်ငါးဖြစ်သော ငါးမြစ်ချင်း(ငါးမျက်ဆန်နီ)ကို ဦးစားပေး၍ ကောင်ရေများများထည့်ပြီး ငါးသိုင်းခေါင်းပွ(ငါးခေါင်းပွ)နှင့် ငါးကြင်းတို့က စားကြရပါသည်။ ရေလယ်ငါး မစားနိုင်ဘဲ ပိုသောအစာကို ရေအောက်ငါးများကစားနိုင်ပါသည်။
ရေအောက်ငါးဖြစ်သော ငါးကြင်းကို ဦးစားပေး၍ ကောင်ရေများများထည့်ကာ မွေးမြူသောကန်များတွင်မူ ဤကဲ့သို့ ခြင်းထဲသို့ထည့်၍ အစာကျွေးနေရန် မလိုတော့ပါ။
ဖွဲနုအစာများကို လုံး၍ဖြစ်စေ၊ နှမ်းဖတ်၊ ပဲဖတ်များကို လှေဖြင့်သယ်ယူပြီး ရေလယ်ထွက်၍ဖြစ်စေ ကန်အနှံ့အပြား ပစ်ချလိုက်ရန်သာ လိုပါသည်။
ရေအောက်သို့ တဖြည်းဖြည်းကျသွားသော အစာများကို ရေအောက်တွင်ရှိသော ငါးကြင်းများက ဦးခေါင်းများဖြင့် တိုးဝှေ့ထိုးဖွ၍ စားလေ့ရှိကြပါသည်။
ဤသို့ပြုလုပ်ခြင်းဖြင့် အစာများမှာ ရေပေါ်သို့ပြန်တက်လာကြသည်ကို ကောင်ရေနည်းသော ငါးမြစ်ချင်းနှင့် ငါးခေါင်းပွတို့ စားသောက်နိုင်ပါသည်။
ငါးစာများကို လှေမှပစ်ချလိုက်ကတည်းက တဖြည်းဖြည်း ရေအောက်သို့ကျလာသော ငါးစာများကို ရေအောက်သို့မရောက်မီ လမ်းခုလတ်မှဖြတ်၍ စားနိုင်ကြပါသေးသည်။

ဤကား ငါးမျိုးစုံ ရောစပ်မွေးမြူရာတွင် အစာကျွေးနည်းအမျိုးမျိုးဖြစ်ပါသည်။

အပိုင်း(၁) ကို အောက်ပါလင့်မှတဆင့် ဝင်ရောက်ဖတ်ရှုနိုင်ပါသည်။

https://bit.ly/3TwoS2p

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ