မြန်မာ့ဖရဲကိုဟောင်ကောင်ကိုတင်ပို့သွားမည်

Photo -

မြန်မာ့ဖရဲကိုဟောင်ကောင်ကိုတင်ပို့သွားမည်

လာမယ့်လအတွင်းမှာ မြန်မာ့ဖရဲကို ဟောင်ကောင်ကိုတင်ပို့သွားမှာဖြစ်ကြောင်း မြန်မာနိုင်ငံဖရဲ ၊ သခွား စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

မြန်မာ့ဖရဲကို ဟောင်ကောင်မှအမှာရှိတာကြောင့် နိုဝင်ဘာလအတွင်းမှာ တင်ပို့သွားမှာဖြစ်တယ်လို့ မြန်မာနိုင်ငံဖရဲ ၊ သခွားစိုက်ပျိုးထုတ်လုပ်တင်ပို့ရောင်းချသူများအသင်းမှ ဥက္ကဌ ဦးနိုင်ဝင်းကပြောပါ တယ်။

“ နိုဝင်ဘာလဆိုရင်တော့ အမှာလေးတွေလည်းရှိလာတော့ မြန်မာ့ဖရဲကိုတင်ပို့ပေးရတော့မှာ။ နောက် လထဲမှာဟောင်ကောင်ကို တင်ပို့ပေးရမယ်။ အခုကတော့ တရုတ်ကိုပဲတင်ပို့နေရတာပါ။ ဒီလလယ်လောက်ဆို တင်ပို့မှု အားကောင်းလာမှာပါ”

ယခင်လပိုင်းအတွင်းက ဖရဲတစ်တန်ကိုယွမ် ၉၀၀ ဝန်းကျင်သာရရှိခဲ့ပြီး ယခုရက်ပိုင်းအတွင်း မြန်မာ့ဖရဲတစ်တန်ကို ယွမ် ၁၅၀၀ မှ ၂၃၀၀ ယွမ်အထိစျေးနှုန်းများရရှိလာကြောင်း အဆိုပါအသင်းမှ သိရပါတယ်။

မြန်မာ့ဖရဲကို တရုတ်ကို အဓိကထားတင်ပို့နေပြီး အခြားပြည်ပစျေးကွက်များကိုလည်း တင်ပို့နိုင်ရန်အတွက် စီစဉ်ဆောင်ရွက်နေကြောင်း မြန်မာနိုင်ငံဖရဲ ၊ သခွားစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)




ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ခဝဲပွင့်တုန်း တန်ဆောင်မုန်း"