ပင်လုံးပြန့် သဘာဝ ပိုးသတ်ဆေး

ဒီတစ်ခါတော့ လွယ်လွယ် ကူကူ ဖျော်စပ် အသုံးပြု နိုင်တဲ့ ပင်လုံးပြန့် သဘာဝ ပိုးသတ်ဆေးတစ်မျိုးကို ဖော်ပြပေး လိုက်ပါတယ်။ Green Way ရဲ့ Facebook Page မှာလည်း စိုက်ပျိုးသူ တစ်ယောက်က မေးထားတာနဲ့ အားလုံး အတွက်လည်း အသုံးဝင်နိုင်မယ်လို့ ယူဆပြီး ရေးသားလိုက်ရပါတယ်။

ပါဝင်သောပစ္စည်း

ကြက်သွန်ဖြူ - ၃ ကျပ်သား

ရေနံဆီ - (၁-၂) ဇွန်း

ငရုပ်သီးစိမ်းအရင့် - ၁ ကျပ်ခွဲသား

ဂျင်း - ၁ ကျပ်ခွဲသား

ရေ - ၃ လီတာ (ရေသန့်ဗူး ၃ ဗူး)

ပြုလုပ်ပုံ နှင့် သုံးစွဲနည်း·        

.         ကြက်သွန်ဖြူ (၃) ကျပ်သားကို ညက်အောင် ထောင်းပြီး ရေနံဆီ (၁)ဇွန်း နှင့် တစ်ည စိမ်ပါ။

·         ငရုပ်သီးစိမ်းရင့် တစ်ကျပ်ခွဲသား နှင့် ဂျင်း တစ်ကျပ်ခွဲသား ကို ညက်အောင် ထောင်းထားပါ။

·         ရေ (၁) လီတာ မှာ ရွှေဝါဆပ်ပြာ ကွမ်းသီးလုံးခန့် ကို ရော၍ ဖျော်ပါ။ (အရည်-၁)

·         ကြက်သွန်ဖြူ နှင့် ရေနံဆီ အရောကို ရေ (၁)လီတာ နှင့် ရောပြီး အရည်ကို စစ်ယူပါ။ (အရည်-၂)

·         ထောင်းပြီးသား ငရုပ်သီးစိမ်း နှင့် ဂျင်း အရောကို ရေ (၁) လီတာ နှင့် ရောပြီး အရည်ကို စစ်ယူပါ။ (အရည်-၃)

·         အရည် သုံးမျိုးလုံးကို ရောစပ်၍ ပိုးကျသော စိုက်ခင်းမှာ ပက်ဖျန်း နိုင်ပါသည်။

·         ပင်လုံးပြန့် အာနိသင်ရှိ၍ သီးလုံး ဖောက်ပိုး၊ ထွာကောင်၊ ခူကောင် များအတွက် အထူးသင့်တော်သောဆေး ဖြစ်ပါသည်။

 မှတ်ချက်။ ။ ရေထပ်ရောစရာမလိုပဲ အသင့်ပက်ဖြန်း နိုင်သည့် အသင့်သုံး ပိုးသတ်ဆေးဖျော်ရည် အမျိုးအစား ဖြစ်ပါသည်။ Green Way အတွေ့အကြုံအရ ခြံကျဉ်းကျဉ်းလေးမှာသာ ပက်ဖြန်းဖူးပါသည်။ အောင်လည်း အောင်မြင်ပါသည်။ ဧက အကျယ် ကြီးများ အတွက် မူ မိမိ ကိုယ်တိုင် စမ်းသပ် ပြုလုပ် နိုင် ပါသည်။ မိမိတို့အတွေ့အကြုံကို လည်း ပြန်လည်ဝေမျှပေးစေလိုပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်