ဈေးကွက်အတွင်း “ဝါး”လိုအပ်ချက်များပြားနေ

    ပြည်တွင်းဈေးကွက်အတွင်း “ဝါး”လိုအပ်ချက်များပြား၍ ဈေးကွက်မှာ ရေရှည်ခိုင်မာမှုရှိနေကြောင်း မြန်မာနိုင်ငံ “ဝါး”စိုက်ပျိုးရေးအသင်းမှ သိရသည်။

နိုင်ငံရဲ့ “ဝါး”လိုအပ်ချက်ကိုက သန်းလေးရာလောက် လိုအပ်နေတာကိုး။ ကိုယ့်နိုင်ငံထဲ မှာတင် လိုအပ်ချက်ကများနေတာ။ မျှစ်ကလည်း သဘာဝအတိုင်း ထွက်နေတာတောင် တောက်လျှောက်ကို ဝယ်လက်ရှိနေတာ။ မျှစ်စက်ရုံတွေဆို မျှစ်ကို နေရာအနှံ့က လိုက်လံ ဝယ်ယူနေကြတယ်။ ဒါတောင် လိုအပ်ချက် အပြည့်အဝမရတာမျိုး တွေ့နေရတယ်။ နောက်တစ်ခုက ဝါးက စက်မှုကုန်ကြမ်းသီးနှံအမျိုးအစားတစ်ခုလည်း ဖြစ်သွားပြီဆိုတော့ နိုင်ငံတော်ရဲ့ ကူညီအားပေးမှုတွေလည်း အများကြီးဖြစ်ထွန်းလာဖို့ ရှိပါတယ်။

ဟု မြန်မာနိုင်ငံ “ဝါး”စိုက်ပျိုးရေးအသင်း ဥက္ကဌ ဦးကျော်ဝင်း က ပြောသည်။

    ဒေသအလိုက် ဈေးကွက်လိုအပ်ချက်ပေါ် မူတည်၍ ကြက်သောင်းဝါး၊ ဝါးပိုးဝါး၊ မျှစ်ချိုဝါး၊ သိုက်ဝါး၊ မျှင်ဝါး၊ ဝါးနက်ဝါး၊ ထီးရိုးဝါး စသည့် ဝါးအမျိုးအစားတို့မှ မျှစ်စို၊ မျှစ်ခြောက်၊ မျှစ်ချဉ်များ ထုတ်လုပ်ရောင်းချနေကြသည်။

သရက်၊ ဖရဲသခွားတို့ကို စိုက်ပျိုးထားတယ်ဆိုရင် ဒီအချိန်မှာ ခူးဆွတ်ရမယ့်အသီးက ခူးကိုခူးရမှာပဲ။ ကျန်တဲ့သီးနှံတွေလည်း ဒီအတိုင်းပဲ။ မျှစ်ကတော့ ဒီအချိန်မှာ ချိုးကို ချိုးရမယ်လို့ ကန့်သတ်ချက် မရှိဘူး။ တစ်ပေအရွယ်မှာ မျှစ်ချိုးမလား၊ ငါးပေအရွယ်မှ ချိုးမလား၊ ချိုးပြီးမှ မျှစ်စိမ်း မရောင်းဖြစ်ဘူးဆို ပြုတ်ပြီး ရောင်းလို့ရသေးတယ်လေ။ ပြုတ်ပြီး ရောင်းလို့မှ အဆင်မပြေဘူးဆို အခြောက်လှမ်းထားမလား၊ မျှစ်ချဉ်တည်လိုက်မလား အဆင်ပြေတယ်။ လွှင့်ပစ်လိုက်ရတယ်ဆိုတာ မရှိဘူး။ မျှစ်မချိုးဖြစ်လိုက်လို့ ဝါးဖြစ်သွားလည်း အသုံးတည့်တာပဲလေ။ လုံးလုံးဆုံးရှုံးတဲ့ အမျိုးအစားထဲမပါဘူး။

ဟု ဦးကျော်ဝင်း က ဆက်လက်ပြောသည်။

    ကမ္ဘာပေါ်တွင် “ဝါး” မျိုးစိတ်ပေါင်းများစွာရှိသည့်အနက်၊ မျိုးစိတ်ပေါင်း ၁၀၀ ကျော်ကို စီးပွားဖြစ် အသုံးပြုရန် စိုက်ပျိုးထုတ်လုပ်နေကြသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်