ငရုတ်သီးဈေးကွက် ရေရှည်ကောင်းမွန်စေဖို့ Quality ထိန်းသိမ်းစိုက်ပျိုးရန် အဓိကလိုအပ်

    ငရုတ်သီးဈေးကွက် ရေရှည်ကောင်းမွန်စေရေးအတွက် အရည်အသွေးထိန်းသိမ်းစိုက်ပျိုးရန် အဓိကလိုအပ်ကြောင်း မြန်မာ့ငရုတ် ဈေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရသည်။ 

ဒီလောက် မြန်မာပြည်ကငရုတ်သီးကို ဝယ်ယူနေကြတာ သူတို့နိုင်ငံတွေမှာရော မစိုက်ပျိုးတော့ဘူးလားဆိုတာမျိုးလေး တွေးစရာရှိပါတယ်။ နောက်ပိုင်းမှာ သူတို့ကိုယ်တိုင် စိုက်ပျိုးလာမယ့် အခြေအနေမျိုးလည်း ဖြစ်လာနိုင်သလို၊ ဈေးနှုန်း မကျဆင်းသွားအောင် ရေရှည်ထိန်းထားနိုင်ဖို့အတွက်က အရည်အသွေး Quality ကောင်းကောင်း စိုက်ပျိုးထုတ်လုပ်နိုင်ဖို့ သိပ်အရေးကြီးပါတယ်။

ဟု မြန်မာ့ငရုတ် ဈေးကွက်နှင့် နည်းပညာဖွံ့ဖြိုးတိုးတက်ရေးအသင်းဥက္ကဌ ဒေါ်ဥမ္မာကျော် က ပြောသည်။ 

    မြန်မာနိုင်ငံမှ ငရုတ်သီးကို တရုတ်နိုင်ငံ၊ ထိုင်းနိုင်ငံများသို့ အဓိကတင်ပို့ရောင်းချနေပြီး Covid-19 ဖြစ်စဉ်နှင့် လမ်းပန်းဆက်သွယ်ရေး အခြေအနေများအပေါ် မူတည်၍ ဈေးနှုန်းအပြောင်းအလဲရှိကြောင်း သိရသည်။ 

လတ်တလောဈေးကွက် အတက်အကျကတော့ ခန့်မှန်းလို့မရသေးပါဘူး။ အစတုန်းက ငရုတ်သီး (အနီ)က ဈေးပိုမြင့်တယ်။ အခုရက်မှာ ငရုတ်သီး (အစိမ်း)က ဈေးနည်းနည်းပြန်တက်လာတယ်။

ဟု ဒေါ်ဥမ္မာကျော် က ဆက်လက်ပြောသည်။ 

    လက်ရှိဈေးကွက်တွင်း ငရုတ်သီးအနီတောင့် တစ်ပိဿာလျှင် (၁၂၀၀)ကျပ်မှ (၁၃၀၀)ကျပ်၊ ငရုတ်သီးအစိမ်းတောင့် တစ်ပိဿာလျှင် (၁၅၀၀) ကျပ် ဈေးနှုန်းများဖြင့် လက်ကားရောင်းဝယ်ဖောက်ကားနေကြောင်း သိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

Read more