AMIAနွေကြက်သွန်အသစ်ပေါ်ရန် အချိန်နီးကပ်လာစဉ် ပြည်တွင်းဈေးကွက်တွင်ကြက်သွန်နီ ဈေးကျဆင်းနေခြင်းက စိုက်ပျိုးသူတောင်သူများအတွက် ဆုံးရှုံးမှုများစေသည်ဟု ကုန်သည်အချို့ ကပြောသည်။
ပြီးခဲ့သည့်နှစ်တွင် ဈေးကျဆင်းမှုကြောင့် ဆုံးရှုံးမှုများကြုံခဲ့ရသော်လည်း ယခုနှစ်ဈေးကွက်မျှော်လင့်ချက်ဖြင့် စွန့်စားစိုက်ပျိုးခဲ့သောတောင်သူများအတွက် လက်ရှိကြက်သွန်ဈေးက စိတ်ပျက်အားလျော့စေသည်ဟု မကွေးတိုင်းမှ ကုန်သည်တစ်ဦးကဆို သည်။
လက်ရှိ မိုးကြက်သွန်က ဈေးကွက်၀င်နေပြီး နယ်ဈေးကွက်တွင် ကြက်သွန်နီတစ်ပိသာ ပျှမ်းမျှ ကျပ် ၁,၅၀၀ ၀န်းကျင်သာ ဈေးဖွင့်နိုင်ကြောင်း မကွေးတိုင်းမှ ကုန်သည်ကပြောသည်။
ရန်ကုန်ဈေးကွက်တွင်လည်း ကြက်သွန်နီ လက္ကားဈေးက အမြင့်ဆုံး တစ်ပိသာ ကျပ်၂,၄၀၀ ၀န်းကျင်သာ ဈေးဖွင့်သည်။
"စစိုက်ပြီးဈေးကောင်းလာတော့ ဟုတ်ပြီထင်တာ။ အခုတော့ ဈေးကဆက်တိုက်ကျနေတော့ စိတ်ပျက်တယ်။ အကျိုးအမြတ်က မမျှော်နိုင်တော့ဘူး"ဟု ကြက်သွန်နီစိုက်ပျိုးသည့် တောင်သူတစ်ဦးက ပြော သည်။
မြန်မာနိုင်ငံအလယ်ပိုင်း မန္တလေး၊ မကွေး၊ စစ်ကိုင်းတိုင်းကြီး ၃ တိုင်းတွင် စိုက်ပျိုးသည့် ကြက်သွန်နီ ပြည်တွင်းစားသုံးမှုသာမက ထိုင်း၊ မလေးရှား၊ ဖီလစ်ပိုင်၊ ဗီဘယက်နမ် နိုင်ငံတို့ကိုတင်ပို့ရောင်းချသည်။ လက်ရှိ မြန်မာကြက်သွန်၀ယ်ယူနေသည့် ပြည်ပနိုင်ငံများက ပြည်တွင်းဈေးကျဆင်းမှုအပေါ်စောင့်ကြည့်ပြီး အ၀ယ်လျော့နည်းနေသည့် အခြေအနေမျိုးကြုံနေရသည်။
ထို့အပြင် ကြက်သွန်အသစ်ပေါ်ရန်နီးလာသဖြင့် ကုန်သည်နှင့် တောင်သူကြီးများမှ သိုလှောင်ကြက်သွန်များ ထုတ်ရောင်းမှုများခြင်းကလည်း ကြက်သွန်နီဈေးကျရန် တွန်းအားဖြစ်သည်။ ထို့ကြောင့် ပြီးခဲ့သည့်နှစ်ကုန်ပိုင်း ပြည်တွင်းဈေးဆက်တိုက်မြင့်တက်ခဲ့သော ကြက်သွန်နီက ယခုနှစ်ဆန်းပိုင်းမှစတင်ပြီး ဈေးပြန်ကျလာသည်။ လက်ရှိပြည်တွင်း ကြက်သွန်ဈေးကွက်အခြေအနေက ခန့်မှန်းရခက်သည်ဟုလည်း ကုန်သည်အချို့ကပြောသည်။
AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}