ကိုယ်ရေးကိုယ်တာ အချက်အလက်ဆိုသည်မှာ..

မင်္ဂလာပါ

ဒီနေ့ စာဖတ်သူအားလုံးကို မိတ်ဆက်ပေးချင်တဲ့အကြောင်းအရာကတော့ ကိုယ်ရေးကိုယ်တာအချက်အလက်(Personal data) အကြောင်းပဲဖြစ်ပါတယ်။ နေ့စဉ်နှင့်အမျှတိုးတက် ပြောင်းလဲနေတဲ့ ကမ္ဘာပေါ်မှာ ဖန်တီးမှုအသစ်အသစ်တွေလည်း အမြဲဖြစ်ပါ်နေပါတယ်။ ဖန်တီးမှုအများစုဟာ ရှိပြီးသားပစ္စည်းတွေ၊ အကြောင်းအရာတွေနဲ့ အချက်အလက်တွေကို ပေါင်းစည်းကာ ပိုမိုကောင်းမွန်သော အသစ်အသစ်တွေကို ဖန်တီးကြခြင်းဖြစ်ပါတယ်။ အချက်အလက်(Data) ဆိုတာ ကျွန်တော်တို့ လူအဖွဲ့အစည်းအတွင်းမှာ အလွန်ကိုအရေးပါသောအရာတခုဖြစ်ပါတယ်။

အချက်အလက်(Data) ဆိုတာကို အလွယ်ဆုံးအဓိပ္ပာယ်ဖွင့်ဆိုရလျှင် တစ်ဦးချင်းအချက်အလက် (သို့မဟုတ်) စုစည်းထားသော အချက်အလက်များဟု သတ်မှတ်ပါတယ်။ ဥပမာပေးရသော် လူတစ်ဦးချင်းစီ၏ မွေးနေ့၊ အသက်၊ နာမည်၊လိပ်စာ၊ နေ့စဉ်အပူချိန်များ၊ ဈေးနှုန်းများ၊ တစ်နေရာမှ တစ်နေရာသို့ အကွာအဝေးများ၊ အကြောင်းအရာလေ့လာချက်များ၊ ရုပ်ပုံများ စသည်ဖြင့် အမျိုးအစား စုံလင်စွာသည် အချက်အလက်များဖြစ်ပါတယ်။

အထက်တွင်ပြောပြခဲ့သည်အတိုင်း အချက်အလက်(Data) တွင်ပါဝင်သော ကိန်းဂဏန်းများ၊ အကြောင်းအရာများသည် ရိုးရှင်နိုင်ပါတယ်။ ရိုးရှင်သည့်အချက်အလက်တွေက ကျွန်တော်တို့ရဲ့ နေ့စဉ်ဘဝတွင် အမြဲအသုံးပြုနေကြပါတယ်။ ကျွန်တော်တို့ဘဝ မွေးဖွားသည့်အချိန်တွင် ကျွန်တော်တို့၏ မွေးဖွားသောနေ့ကိုမှတ်ထားကြပါတယ်။ ကျွန်တော်တို့က နှစ်စဉ်နှစ်တိုင်း ကျွန်တော်တို့နေထိုင်ခဲ့သော အသက်များကို မှတ်ထားကြပါတယ်။ ဆိုလိုတာကတော့ ကျွန်တော်တို့တွေက အချက်အလက်တွေနဲ့အတူ နေ့စဉ်ရှင်သန်နေထိုင်နေကြခြင်းဖြစ်ပါတယ်။

ထိုရိုးရှင်းသော အချက်အလက်တွေက တစ်ခုချင်းအနေဖြင့် အဓိပ္ပာယ်ကြီးကြီးမားမားဖော်ဆောင်မပေးသော်လည်း အချက်အလက်များစွာကို စုစည်းလိုက်သာအခါ လွန်စွာအသုံးဝင်သော အချက်အလက်များဖြစ်ပေါ်လာပါတယ်။ ကျွန်တော်တို့ဘဝတစ်လျှောက်လုံးကို ဖော်ပြနိုင်သည်မှစ၍ စီးပွားရေး လုပ်ငန်းတခုလုံး၏ အရှံးအနိုင်၊ အကျိုးအမြတ်တွေအထိ ဖော်ပြနိုင်ပါတယ်။ အချက်အလက်တွေက ကျွန်တော်တို့ လူအဖွဲ့အစည်းရဲ့ သမိုင်းများပင်ဖြစ်ပါတယ်။

အချက်အလက်များမျိုးစုံတွင် ကျွန်တော်အဓိကပြောပြသွားမည်က ကိုယ်ရေးကိုယ်တာအချက်အလက်

(Personal Data) အကြောင်းဖြစ်ပါတယ်။

ကိုယ်ရေးကိုယ်တာအချက်အလက်များတွင် ဥပမာ -

အမည် - လူတစ်ဦးကို မိမိကိုယ်တိုင်သတ်မှတ်သောအမည်၊ သူငယ်ချင်းများကခေါ်သောနာမည်၊ မိဘမှ သတ်မှတ်ပေးသောနာမည် စသည်ဖြင့်အမျိုးမျိုးရှိပါတယ်။ ဤကဲ့သို့ မျိုးစုံကွဲပြားနေသော်လည်း နာမည်တစ်ခုသည် လူတစ်ဦးကို ဘယ်သူဘယ်ဝါဖြစ်ကြောင်း အခြားသောသူများနှင့်ကွဲပြားစွာ သိရှိစေနိုင်သော အရေးပါသောအချက်အလက်ဖြစ်ပါတယ်။

ဆက်သွယ်ရန်အချက်အလက် - ဖုန်းနံပါတ်၊ နေရပ်လိပ်စာ၊ အီးမေးလ်လိပ်စာ ဒါမှမဟုတ် လူမှုမီဒီယာနာမည်စသည်တို့သည် လူတဦးကိုဆက်သွယ်ရန်အရေးပါသောအချက်အလက်များပဲ ဖြစ်ပါတယ်။

ငွေကြေးဆိုင်ရာအချက်အလက်များ - ဘဏ်အကောင့်အသေးစိတ်၊ ဘဏ်ကဒ်နံပါတ်များ၊ မိမိ၏ဝင်ငွေထွက်ငွေ၊ အခွန်ပေးဆောင်မှုမှတ်တမ်းများစသည်တို့ ပါဝင်ပါတယ်။

ဥပမာတွင် ပါဝင်သော ကိုယ်ရေးကိုယ်တာအချက်အလက်တွေက လူတစ်ဦးချင်းစီအတွက် လွန်စွာအရေးကြီးပါတယ်။ ဘာကြောင့်လဲဆိုတော့ ကျွန်တော်တို့၏နာမည်ကို လူသိခံလို့ရပါသည်။ သို့သော် ကျွန်တော်တို့၏ ဘဏ်အကောင့်နှင့်လျှို့ဝှက်နံပါတ်ကို တခြားသူများ အသိခံလို့မရပါ။

ထိုကဲ့သို့ ကျွန်တော်တို့၏ ကိုယ်ရေးကိုယ်တာအချက်အလက်များစွာတွင် တစ်ခြားသူများ အသိခံလို့မရသော အချက်အလက်များစွာရှိပါတယ်။

ကိုယ်ရေးကိုယ်တာအချက်အလက်များပေါက်ကြားမှုက ကျွန်တော်တို့ တစ်ဦးချင်းစီအတွက်ဆိုကျိုးများစွာရှိပါတယ်။ ဥပမာအားဖြင့် ကျွန်တော့လက်ကိုင်ဖုန်း လမ်းတွင်ကျပျောက်ခဲ့မည်ဆိုပါစို့။ မသမာသူ တစ်ဦးမှ ထိုဖုန်းကိုရရှိသွားပါက ဖုန်းထဲတွင်ရှိသောဖုန်းနံပါတ်များကို အသုံးပြု၍ ငွေကြေးလိမ်လည်ခြင်း (သို့) တခြားသောမသမာမှုများပြုလုပ်နိုင်ပါတယ်။

ဘဏ်ကဒ်ပျောက်သွားပါက ငွေကြေးဆိုင်ရာပြဿနာများဖြစ်နိုင်ပါတယ်။ ၎င်းတို့က ကျွန်တော်တို့၏ပစ္စည်းများမှ ကိုယ်ရေးကိုယ်တာအချက်အလက်များ ပေါက်ကြားခြင်းဖြစ်ပါတယ်။ တချို့သောအချက်အလက်တွေက ကျွန်တော်တို့ကိုယ်တိုင် မသိလိုက်ခင်တစ်ပါးသူများကို ပေးလိုက်မိခြင်းဖြစ်ပါတယ်။

ကျွန်တော်တို့က ကိုယ်ရေးကိုယ်တာအချက်အလက်များကို ထိန်းသိမ်းရန်အလွန်အရေးကြီးပါတယ်။

ဒါကြောင့် ကိုယ်ရေးကိုယ်တာအချက်များနေစဉ် ဘယ်လိုခိုးယူခံနေရသလဲဆိုတာနှင့် ဘယ်လိုထိန်းသိမ်းမလဲဆိုတာကို နောက်အပတ်မှာ ဆက်လက်ဖတ်ရှုပေးကြပါဦးဗျ။

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...