စပျစ်ခြံထဲက ဖျက်ပိုးနှိမ်နင်းရေး ဘဲတပ်သားများ

အဖြူ၊ အမည်းနဲ့ အညိုရောင်ဘဲတွေ ရောထွေးပါဝင်တဲ့ ဘဲအုပ်ကြီးတစ်စုဟာ တောင်အာဖရိကရဲ့ ဝိုင်မြို့တော် Stellenbosch ရှိ စပျစ်ခြံကြီးတစ်ခြံထဲကို လှည့်ကင်းပတ်ရင်း ပင်ကြိုပင်ကြားက ခရုနဲ့ ဖျက်ပိုးတွေကို ဖမ်းယူစားသောက်လျက်ရှိပါတယ်။ သူတို့ဟာ စပျစ်ခြံပိုင်ရှင်တွေ ဓာတုပိုးသတ် ဆေးနဲ့ ဓာတ်မြေဩဇာ သုံးရလွတ်အောင် တစ်ဖက်တစ်လမ်းကနေ ကူညီပံ့ပိုးနေကြတာပါ။

Vergenoegd Löw အမည်ရ စပျစ်ဝိုင်ခြံထဲမှာ လွှတ်ထားတဲ့ အိန္ဒိယဘဲမျိုး ကောင်ရေ ၅၀၀ ဝန်းကျင်လောက်ဟာ ဖျက်ပိုးနှိမ်နင်းရေးလုပ်သားတွေလည်း ဖြစ်ကြသလို ဝိုင်လာရောက်သောက်သုံးတဲ့ ခရီးသွားတွေကိုလည်း အသုံးတော်ခံပေးကြပါတယ်။

"ကျွန်တော်ကတော့ သူတို့ကို စပျစ်ခြံစောင့်တပ်သားတွေလို့ ခေါ်တယ်" လို့ စပျစ်ခြံမန်‌နေဂျာ Corius Visser က ရိုက်တာသတင်းဌာနကို ပြောပါတယ်။

ဝိုင်လုပ်ငန်းက ပြန်လည်ဖော်ထုတ်အသုံးချနေတဲ့ ဒီစိုက်ပျိုးရေးနည်းလမ်းမှာ ဘဲအုပ်တွေက အခရာကျလှပါတယ်။ ခြေတံရှည်ရှည်၊ လည်တံရှည်ရှည် အိန္ဒိယဘဲမျိုး ဖြစ်နေတာကြောင့် သူတို့ဟာ စပျစ်ရွက်တွေကြားက ခရုတွေကို အလွယ်တကူ လှမ်းမီနိုင်ကြပါတယ်။

ဘဲနဲ့ အခြားအိမ်မွေးတိရစ္ဆာန်တွေ စွန့်ထုတ်လိုက်တဲ့ မစင်တွေထဲမှာ မြေအာဟာရတွေ ပြည့်ဝပါဝင်နေတော့ ဒါကလည်း စပျစ်ခြံ သဘာဝနည်းအတိုင်း ရေရှည်တည်တံ့စွာ ကြီးထွားဖြစ်ထွန်းအောင် အထောက်အကူပြုနေပါတယ်။

ခေါင်းဆောင်နောက်ကနေ အခြားဘဲတွေ တစ်စီတစ်တန်း ချီတက်လိုက်ပါနေပုံက စပျစ်ပင်တွေကြားက တပ်စုကြီးသဖွယ်ပါပဲ။

"သူတို့ လှုပ်ရှားသွားလာကြပုံက အံ့ဩစရာကောင်းပါတယ်။ အတန်းလိုက် လမ်းလျှောက်ချီတက်နေတာဆိုရင် စစ်တပ်တစ်တပ်နဲ့တောင် တူနေပါတယ်" လို့ စပျစ်ခြံကို လာလည်သူ Merle Holdsworth က ပြောပါတယ်။

ဘဲတွေရဲ့ တစ်နေ့တာလုပ်ငန်းစဉ်ကတော့ မနက်ပိုင်းမှာ စပျင်ပင်တွေဆီသွားပြီး သီးနှံကာကွယ် ရေး လုပ်၊ ညနေပိုင်းကျ ဘဲခြံဆီ ပြန်လာပြီး ဘဲစာလုံးတွေ လာစားကြတာ ဖြစ်ပါတယ်။

ခြံလုပ်သား Yodell Scholtz ဟာ ခြံထဲက ဘဲတွေကို စောင့်ရှောက်မွေးမြူလာတာ နှစ်နှစ်ရှိပါပြီ။

"ဘဲတွေ မွေးရတာက မိမိကလေးကို စောင့်ရှောက်မွေးမြူရသလိုပါပဲ။ ဒါကြောင့် အလုပ်လုပ်ရတာ ပျော်စရာကောင်းတယ်" လို့ Scholtz က ပြောပါတယ်။

ဝေယံဟိန်း (B.Ag)

Ref: Army of pest-munching ducks keep South African vineyard blooming - Reuters

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more