သီပေါမြို့အနီးတဝိုက်၌ စိုက်ပျိုးထုတ်လုပ်သည့် နာနတ်သီးများကို နာနတ်သီးခြောက်ပြုလုပ်ရန် ဝယ်ယူနေ

    ရှမ်းပြည်နယ်မြောက်ပိုင်း၊ သီပေါမြို့အနီးတဝိုက်၌ စိုက်ပျိုးထုတ်လုပ်သည့် နာနတ်သီးများကို နာနတ်သီးခြောက်ပြုလုပ်ရန် ဝယ်ယူနေကြောင်း ဒေသခံများထံမှသိရသည်။

သီပေါမြို့အနီး နမ့်ယမ်းရွာ၌ နာနတ်ဧက (၂၀၀) စိုက်ပျိုးထားသည့် တောင်သူတစ်ဦးက

နာနတ်သီးက တစ်နှစ်ပတ်လည်လုံး စိုက်လို့ရပါတယ်။ ကျွန်တော်တို့ ဒေသကတော့ မတ်လ၊ ဧပြီလ၊ မေလတွေမှာ အဓိက စိုက်ပျိုးလေ့ရှိကြပါတယ်။ မြန်မာနိုင်ငံမှာ နာနတ်သီးပမာဏအများဆုံး ထွက်ရှိနေတာကတော့ ကျွန်တော်တို့ ရှမ်း/မြောက် သီပေါကပါ။ ကျွန်တော်တို့ဒေသမှာတော့ ရေပေးပြီးစိုက်ပျိုးတာ ရှားတယ်။ မိုးရေကိုပဲ အားထားပြီး စိုက်ပျိုးပါတယ်။ နာနတ်ပင်ပိုးကျတယ်ဆိုတာ မရှိသလောက်ရှားပါတယ်။ ပိုးသတ်ဆေး၊ မှိုသတ်ဆေးဆိုတာဖျန်းလည်း မဖျန်းပါဘူး။ သဘာဝအတိုင်းပဲ စိုက်ကြတယ်။ ကျွန်တော့်ခြံထွက် နာနတ်သီးတွေကိုဝယ်ယူနေတဲ့ သီရိလင်္ကာနိုင်ငံက ကုမ္ပဏီတစ်ခုကလည်း ရန်ကုန်ရွှေလင်ဗန်းစက်မှုဇုန်မှာ နာနတ်သီးခြောက်တွေ ထုတ်လုပ်ပြီးတော့ EU ဂျာမနီနိုင်ငံကို လက်ရှိတင်ပို့ရောင်းချနေပါတယ်။

ဟု ရှမ်းပြည်နယ်မြောက်ပိုင်း၊ သီပေါမြို့မှ နာနတ်ပင်စီးပွားဖြစ်စိုက်ပျိုးသူ ဦးစံလင်းက ဆိုသည်။

    နာနတ်သီး(အစို) Export တင်ပို့ခွင့်မှာ တရားဝင်မရရှိသေးဘဲ ပြည်တွင်းဈေးကွက်အနေဖြင့် ရန်ကုန်၊ သီရိမင်္ဂလာဈေးဈေးကွက်နှင့် မော်လမြိုင်၊ နေပြည်တော်၊ မုံရွာ၊ မန္တလေး များသို့ တင်ပို့ရောင်းချနေကြောင်း သိရသည်။

နာနတ်ပင်ကို တခြားနိုင်ငံတွေမှာတော့ ပင်တန်းစိတ်စနစ်နဲ့ စိုက်ကြတယ်။ ကျွန်တော်တို့နိုင်ငံမှာတော့ ပင်တန်းကြဲစနစ်နဲ့ စိုက်ပါတယ်။ နာနတ်ကတော့ အင်မတန်ဖြစ်လွယ်တဲ့အပင်ဖြစ်တာကြောင့် ဘယ်လိုထားထားပေါက်ပါတယ်။ ကျွန်တော်တို့ကတော့ ပင်ကြားကို (၉)လက်မ၊ တန်းကြားကိုတော့ (၃)ပေ/(၄)ပေ ခြားစိုက်ပါတယ်။ မျိုးတက်ကိုစိုက်လို့ရှိရင် (၁၀) လမှာ အသီးသီးတယ်။ မျိုးပွားကိုစိုက်လို့ရှိရင် လ (၂၀) မှာ အသီးသီးတယ်။ တောင်သူတော်တော်များများကတော့ မျိုးတက်နဲ့ စိုက်ကြတယ်။ အသီးကင်းစထိုးတဲ့အချိန်ကနေ ရက်ပေါင်း (၁၂၀) ကြားမှာ Export ဈေးကွက်ကို ပို့လို့ရတယ်။ Processing လုပ်ဖို့အတွက်ဆိုရင်တော့ ရက်(၁၂၀)နဲ့ ရက်(၁၅၀)ကြားမှာ ခူးလို့ရပါတယ်။

ဟု ဦးစံလင်းက ဆက်လက်ပြောသည်။

    နာနတ်သီးစိုက်ပျိုးသည့် စနစ်များစွာရှိသည့်အနက် မျက်ကြောမှမျိုးယူစိုက်ပျိုးခြင်း၊ နာနတ်မျိုးပင် တစ်ပင်လျှင် (၄)စိတ် ခွဲစိုက်ပျိုးခြင်း၊ တစ်သျှူးမျိုးပွားစနစ်ဖြင့် စိုက်ပျိုးခြင်း စသည့်နည်းလမ်းများကို အသုံးပြုစိုက်ပျိုးနိုင်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်” ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်