နယ်စပ်ရှိ ကုန်စည်ဒိုင်များကို အတွင်းဖက်သို့ ပြောင်းရွှေ့ရန်စဉ်းစားနေ

မြန်မာ့ကုန်ပစ္စည်းများ ဈေးနှိမ်ခြင်းကို ကာကွယ်ရန်အတွက် တရုတ်-မြန်မာ နယ်စပ်မြို့များရှိ သစ်သီးဝလံ ကုန်စည်ဒိုင်များကို နောက်ဆုတ်၍ နိုင်ငံအတွင်းဘက်သို့ ပြောင်းရွှေ့ရန် စဉ်းစားနေကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကုန်သွယ်မှုမြှင့်တင်ရေးဦးစီးဌာနမှ ညွှန်ကြားရေးမှူး ဒေါက်တာသက်လွင်ဦးက ပြောသည်။

သြဂုတ်လ ၂၇ ရက်က ရန်ကုန်မြို့ရှိ မြန်မာအပြည်ပြည်ဆိုင်ရာ ကုန်သွယ်မှုဗဟိုဌာနတွင် ပြုလုပ်သည့် သစ်သီးဝလံများ ပြည်ပဈေးကွက်တိုးမြှင့်တင်ပို့နိုင်ရေး ညှိနှိုင်းအစည်းအဝေးတွင် ယင်းကဲ့သို့ ပြောကြားခဲ့ခြင်းဖြစ်သည်။

"ဒီလမ်းတွေလုပ်ဖို့က ကျွန်တော်တို့လုပ်လို့မရဘူး။ ဒါ ပြည်နယ်၊ တိုင်းအစိုးရ တခြားဌာနတွေ ဖြစ်နေတယ်။ အဲ့တော့ ကော်မတီဖွဲ့ပြီးတော့ အတူတူညှိနှိုင်းပြီးတော့ လမ်းကြောင်းထပ်ရှာရမှာပေါ့။ မဟာဗျူဟာတွေတော့ တည်ဆောက်ရမှာပေါ့။ ဥပမာ ချင်းရွှေဟော်နဲ့ မူဆယ်ဆိုရင် တစ်လမ်းတည်းကနေ သိန်းနီရောက်မှ ခွဲသွားတာတွေ ချည်းပဲလေ။ အဲ့ဟာကို ကုန်စည်ဒိုင်တွေကို သူတို့အနှိမ်မခံရအောင် နောက်ပိုင်း တရားဝင်ပို့လို့ရတဲ့ပစ္စည်းတွေဆိုရင် နောက်ကိုဆုတ်ထားရင် ကျွန်တော်တို့အတွက် save ဖြစ်တာပေါ့။ နယ်စပ်ကျမှ မဝယ်နဲ့၊ သိန်းနီတက်ဝယ်လိုက်၊ မဝယ်ရင် ကျွန်တော်တို့ ချင်းရွှေဟော် ပို့မယ်။ ကိုယ့်မှာ ရွေးချယ်စရာရှိသွားတယ်။ ဟိုရောက်သွားရင် ရွေးချယ်စရာလမ်း မရှိတော့ဘူး။ ဂိတ်ဆုံးသွားပြီလေ။ ပြန်လာလို့လည်း မဖြစ်တော့ဘူး။ အဲ့လိုပုံစံ မဖြစ်အောင် ဒိုင်တွေကို နောက်ပိုင်း နောက်ကိုဆွဲထုတ်ဖို့ စဉ်းစားနေတယ်။" ဟု ညွှန်ကြားရေးမှူး ဒေါက်တာသက်လွင်ဦးက ပြောသည်။

ထို့ပြင် ကုန်စည်ဒိုင်များတွင် ကုန်စည်ပြပွဲကြီးများ ကျင်းပခြင်းကိုလည်း နောက်ပိုင်း၌ တရုတ်-မြန်မာနယ်စပ်မြို့ဖြစ်သော မူဆယ်မြို့တွင် လုပ်ဆောင်မည်မဟုတ်ပဲ လာရှိုးကဲ့သို့သော အတွင်းပိုင်းမြို့များတွင် ပြောင်းရွှေ့လုပ်ဆောင်သွားမည်ဖြစ်ကြောင်း သိရသည်။

ထို့ကြောင့် လာမည့်နိုဝင်ဘာလတွင် ကျင်းပပြုလုပ်မည့် နှစ်နိုင်ငံနယ်စပ်ကုန်စည်ပြပွဲကို မူဆယ်မြို့တွင် ကျင်းပပြုလုပ်မည့်အစား လားရိူးမြို့တွင်ပြုလုပ်ရန် စီစဉ်ထားကြောင်း သိရသည်။

"အရင်က နယ်စပ်ကုန်စည်ပြပွဲတွေအကုန်လုံးက နယ်စပ်မှာသွားလုပ်တယ်။ နယ်စပ်သွားလုပ်တော့ ကျွန်တော်တို့ဘက်မှာ ဘာမှမပြည့်စုံဘူး။ ကျွန်တော်တို့ဘက်က လူတွေကလည်း ဟိုဘက်မှာ ထမင်းသွားစားတယ်၊ ဟိုဘက်မှာ အိပ်တယ်။ မနက်ကျမှ ကုန်စည်ပြပွဲလာတယ်။ ဟိုဘက်က တရုတ်ကလည်း မနက်ကျမှ ကုန်စည်ပြပွဲထလာတယ်ဆိုတော့ ကျွန်တော်တို့ နိုင်ငံအတွက် ဘာမှမကျန်ဘူး။ အခု ၁၁ လပိုင်းမှာ လားရှိုးမှာလုပ်လိုက်တော့ အတွင်းထဲရောက်သွားတယ်။ အတွင်းထဲရောက်သွားတော့ နယ်စပ်ကလူ၊ တရုတ်ပြည်က လာတက်မယ့်လူကလည်း လားရှိုးမှာ ညအိပ်ရမယ်၊ စားရမယ်၊ ဒီမှာပဲ ဝယ်ရပြုရမယ်။ အဲ့တော့ သူ့ပိုက်ဆံတွေ ကိုယ့်ဆီမှာကျန်ခဲ့မယ်။ တဖြည်းဖြည်းချင်း သူတို့ကို ဆွဲထည့်မှ ကိုယ့်နိုင်ငံအတွက် အကျိုးရှိမယ်"ဟု ဒေါက်တာသက်လွင်ဦးက ပြောသည်။

လက်ရှိ ရှမ်းပြည်မြောက်ပိုင်းဒေသတွင်း တိုက်ပွဲများ ဖြစ်ပွားနေခြင်းကြောင့် တရုတ်-မြန်မာနှစ်နိုင်ငံ အဓိကကုန်သွယ်မှုဆောင်ရွက်လျက်ရှိသော မူဆယ်နယ်စပ် ကုန်သွယ်ရေးဇုန်တွင် ကုန်သွယ်မှုပြတ်တောက်လျက်ရှိကြောင်း သိရသည်။

ထို့အပြင် တရုတ်-မြန်မာ နှစ်နိုင်ငံနယ်စပ်ကုန်သွယ်မှုတွင် နယ်စပ်သို့ရောက်ရှိသော ဆန်စပါး အပါအဝင် ဆန်ကွဲ၊ ပြောင်း၊ သကြား အစရှိသည်တို့မှာ တရုတ်နိုင်ငံ၏ တရားမဝင် ကုန်သွယ်မှုထိန်းချုပ်ရေးစီမံချက်ကြောင့် တစ်ဖက်နိုင်ငံသို့ တင်ပို့နိုင်ခြင်းမရှိဘဲ အချိန်ကြာမြင့်လာကာ စတင်ပျက်စီးသော အခြေအနေဖြစ်ပေါ်နေသဖြင့် မြန်မာကုန်သည်များ၊ တောင်သူကြီးများ ထိခိုက်နစ်နာလျက်ရှိကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...