မင်းတပ်ကို စားနပ်ရိက္ခာထောက်ပံ့ရန် WFP ပြင်ဆင်နေ

    မင်းတပ်မြို့ရှိ စစ်ဘေးရှောင်ပြည်သူများအတွက် စားနပ်ရိက္ခာများထောက်ပံ့နိုင်ရန် ကုလသမဂ္ဂကမ္ဘာ့စားနပ်ရိက္ခာအစီအစဉ် WFP အနေဖြင့် နည်းလမ်းများရှာဖွေလျှက်ရှိကြောင်း မြန်မာနိုင်ငံဆိုင်ရာ ဒုတိယဌာနေကိုယ်စားလှယ် Mr. Marcus Prior က Green Way ကိုပြောသည်။ 

WFP ဟာမင်းတပ်မြို့ရဲ့ အခြေအနေကို အနီးကပ်စောင့်ကြည့်နေပါတယ်။ စားနပ်ရိက္ခာအထောက်အပံ့လိုအပ်ချက် ဖြစ်ပေါ်လာတဲ့အခြေအနေ၊ ဒေသအတွင်း မိတ် ဖက်အဖွဲ့အစည်းတွေကနေတစ်ဆင့်ပဲဖြစ်ဖြစ် WFP အနေနဲ့ ထိခိုက်နစ်နာရတဲ့ မိသားစု လူမှုအသိုင်းအဝိုင်းတွေထံကို အထောက်အပံ့တွေပေးပို့နိုင်မယ့် အခြေအနေတွေပေါ်မူ တည်ပြီး  အရေးပေါ်စားနပ်ရိက္ခာလိုအပ်ချက်တွေကို ကူညီပံ့ပိုးပေးနိုင်ဖို့ နည်းလမ်းတွေ ကိုရှာဖွေနေပါတယ်

ဟုပြောသည်။ 

    ချင်းပြည်နယ်တွင်း စိုက်ပျိုးနိုင်သော မြေယာ ၂၃ သိန်းကျော်ရှိသော်လည်း အသားတင် စိုက်ပျိုးမြေမှာ ၂ သိန်းသာရှိသည်။ အသားတင်စိုက်ပျိုးမြေထဲတွင် လယ်စပါးစိုက်ဧက ၂၅၅၈၉ ဧက၊ တောင်ယာစပါးစိုက်ဧက ၅၃၂၆၂ ဧကရှိပြီး တစ်ပြည်လုံး၏ ပျှမ်းမျှ စပါး အထွက်နှုန်းမှာ တင်း ၄၀ ကျော်သာရှိသည်။ ယင်းပမာဏသည် တစ်ပြည်လုံးစပါးအထွက်နှုန်းနှင့်နှိုင်းယှဉ်ပါက တင်း ၂၀ ခန့် လျော့နည်းနေခြင်းဖြစ်သည်။ ချင်းပြည် နယ်၏ စိုက်ပျိုးရေးလုပ်ငန်းမှာ မျိုးကောင်းမျိုးသန့်သုံးစွဲနိုင်မှု၊ စိုက်ပျိုးရေးနည်းပညာများ အသုံးပြုနိုင်ရန် အကူအညီများ လိုအပ်နေသည့်အတွက် မိရိုးဖလာစိုက်ပျိုး နည်းစနစ်များနှင့် ဗီဇယုတ်လျော့လာသဖြင့် သွေးသစ်လောင်းပေးရန်လိုအပ်နေသော ဒေသမျိုးများကိုသာ အဓိကထား စိုက်ပျိုးထုတ်လုပ်နေရသည်။ ထို့ကြောင့် ချင်းတောင်သူများ စစ်ဘေးရှောင်နေရသည့်အတွက် ယခုလိုမိုးရာသီစိုက်ပျိုးချိန်တွင် သီးနှံ စိုက်ပျိုးထုတ်လုပ်နိုင်ခြင်းမရှိပါက လာမည့်နှစ်များအတွက် စိုက်ပျိုးထုတ်လုပ်နိုင်ရန် မျိုးစေ့လိုအပ်ချက်များရှိလာမည်ဖြစ်ပြီး စားနပ်ရိက္ခာအခက်အခဲမှာ ပို၍ကြီးမာလာ ဖွယ်ရှိကြောင်း မင်းတပ်ဒေသခံ ကော်ဖီစိုက်ပျိုူးထုတ်လုပ်တင်ပို့ရောင်းချသူ အမည်မဖော်လိုသူ ဒေသခံတစ်ဦးက ပြောသည်။ 

အခုက  ဒီလိုဖြစ်ပြီးမှတော့ တောင်ယာတွေ ဘယ်သူမှ မလုပ်နိုင်တော့ဘူးလေ။ မလုပ်နိုင်တော့ဘူးဆိုတော့ ကျွန်တော်တို့ အပြင်ထွက်ဖို့အရေးကိုတောင်မှ တော်တော်လေးကို အခြေအနေအရ ဘယ်သူမှမထွက်ရဲတဲ့အနေထားမှာဆိုတော့ တောင်ယာလုပ်လို့မရတော့ဘူးပေါ့နော်။ ဆိုတော့ အဲ့လိုဟာမျိုးအနေထားနဲ့ဆိုရင် တော်တော်လေးကို အခက်အခဲဖြစ်လိမ့်မယ်။ အဲ့ဒါက ဒီတစ်နှစ်ထဲအတွက်မဟုတ်တော့ဘူး။ နောက်နှစ်၊ နောက်နှစ်တွေပါ ထိခိုက်မှုရှိမယ်။ မျိုးတွေက ဒီနှစ်ကရတဲ့ဟာတွေလည်း နောက်နှစ်ပြန်သုံးရတာ။ ဒီနှစ်မလုပ်ဘူးဆိုရင် ဘယ်ကမျိုး ပြန်သုံးမလဲ။ ဒါကအရေးကြီးလာပြီ။ ဒီနှစ်မှာ ခက်ခဲမှုထက် နောက်နှစ်ရဲ့ အခက်အခဲက ပိုပြီးတော့မှ များလာလိမ့်မယ်

ဟု ဒေသခံတစ်ဦးက ပြောသည်။

    ယခုအခါတွင် ဆက်သွယ်စုံစမ်းမှုများအရ မင်းတပ်တွင် စုစုပေါင်း စစ်ဘေးရှောင်ပြည်သူ ရှစ်ထောင်ကျော်ရှိလာပြီဖြစ်သည််။

မိမိဇော်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်