ဝက်ငယ်လေးများတွင် အဖြစ်များသော ဝက်ငယ်ချေးဖြူရောဂါ (Piglet Diarrhea or White Scour) ကိုကာကွယ် ကုသနည်း

ချေးဖြူရောဂါသည် အီးကိုလိုင်(E.coli) ခေါ် ဘက်တီးရီးယားပိုးကြောင့် ဖြစ်ပွားပြီး အခြားရောဂါပိုးများ ဝင်ရောက်လာပါက ရောဂါပိုဆိုးစေပါသည်။

ဝက်ငယ်လေးများ၏အသက် ရက်သားမှ ၂ပတ်အတွင်း တွင် ချေးဖြူရောဂါ စတင်ဝင်ရောက် ဖြစ်ပွားတတ်သဖြင့် ကာကွယ်ကုသနည်းကို ဖော်ပြပေးပါမည်။

ရောဂါဖြစ်ပွားသည့် အကြောင်းအရင်းများမှာ-

- မွေးဖွားပြီး ၂-၃ရက်အတွင်း ချက်တိုင်မှ ပိုးဝင်ခြင်း၊

- သောက်ရေနှင့် အစားအစာများမှတဆင့် ရောဂါပိုးဝင်ရောက် ခြင်း၊

- နို့သီးတံ၊ နို့အုံများ ညစ်ပတ်ခြင်း၊

- သန့်ရှင်းရေး ညံ့ဖျင်းခြင်း၊

- ပတ်ဝန်းကျင်ညစ်ပတ်ခြင်းတို့ကြောင့် ရောဂါဝင်ရောက်နိုင်ပါ သည်။

ရောဂါလက္ခဏာများမှာ-

- ဦးစွာ အဖြူရောင်ဝမ်းအရည်ကျဲများသွားခြင်း၊

- ၄င်းနောက် ဝမ်းဖြူဝမ်းပျစ်များသွားခြင်း၊

- ဖင်ပိုင်းတွင် ချေးဖြူအပျစ်များကပ်၍ ပေကျံနေတတ်ခြင်း၊

- ဝက်ခြံကြမ်းခင်းတွင်လည်း ချေးဖြူအပျစ်များဖြင့် ညစ်ပတ်နေခြင်း၊

- ဝက်ငယ်ခန္ဓာကိုယ် အားယုတ်လျော့ခြင်း၊

- နို့စို့ပျက်ခြင်း၊

- အစာစားနှုန်း လျော့ကျခြင်းများတွေ့ရတတ်ပြီးသေဆုံးသည်အထိ ဖြစ်ပွားနိုင်ပါသည်။

ကာကွယ်ခြင်း

- ဝက်ငယ်ချက်တိုင် အမြန်ကျက်စေရန် ဆေးဝါးများထည့် ပေးခြင်း၊

- အစာခွက်၊ရေခွက်များ သန့်ရှင်းရေးပုံမှန်လုပ်ပေးခြင်း၊

- ပိုးသတ်ဆေးများ စနစ်တကျ ဖျန်းပေးခြင်း၊

- ဝက်ခြံသန့်ရှင်းရေး ကောင်းစွာလုပ်ပေးခြင်းတို့ဖြင့် ရောဂါကာကွယ်နိုင်ပါသည်။

ကုသခြင်း

- ပဋိဇီဝဆေးထိုးပေးခြင်း၊ တိုက်ပေးခြင်းဖြင့် ကုသနိုင်ပါ သည်။

- နို့အုံသန့်ရှင်းရေးလုပ်ပေးခြင်း၊

- ရောဂါဖြစ်ပွားသော ဝက်ငယ်များအား သီးခြားထားပြီး ဆေးကုသပေးခြင်း၊

- မွေးမြူရေးခြံကို သန့်ရှင်းအောင်ထားခြင်း၊

- ပိုးသတ်ဆေးဖျန်းခြင်းဖြင့် ရောဂါသက်သာနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...