မြန်မာ့ကြက်သွန် ဈေးနှုန်းတည်ငြိမ်

    ယခုလက်ရှိအချိန်အတွင်း မြန်မာ့ကြက်သွန်ဈေးနှုန်းများမှာ အရောင်းအဝယ်အေးပြီးတည်ငြိမ်လျက်ရှိနေကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

    ကြက်သွန်ကုန်တင်ကားအဝင်အထွက်မှာ သင်္ကြန်ရက်ပိုင်းအတွင်း ခေတ္တပိတ်ထားတာကြောင့် လက်ကျန်ကြက်သွန်တွေကို ရောင်းဝယ်နေတာဖြစ်တဲ့အတွက် ဈေးနှုန်းမှာ အေးနေတာဖြစ်ကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးခင်ဟန်ကပြောပါတယ်။

အခုသင်္ကြန်ရက်ပိုင်းအတွင်းကတော့ ကြက်သွန်နီကုန်တင်ကား အဝင်အထွက်မရှိဘူး။ပိတ်ထားတာဆိုတော့ လက်ကျန်ရှိတဲ့ ကြက်သွန်နီတွေကိုပဲ ရောင်းနေရတာဆိုတော့ ဈေးနှုန်းက အရောင်းအဝယ်အေးနေတယ်။ တက်လည်းမတက်ဘူး

    ကြက်သွန်နီ ဆိပ်ဖြူရှယ်တစ်ပိဿာကို ၇၀၀ကျပ်၊ ဆိပ်ဖြူလတ်ကြီးတစ်ပိဿာကို ၇၀၀ ကျပ်၊ ဆိပ်ဖြူလတ်သန့်တစ်ပိဿာကို ၇၀၀ ကျပ်၊ ဆိပ်ဖြူလတ်ချော တစ်ပိဿာကို ၆၀၀ ကျပ်၊ မြစ်သားရှယ်(သစ်) တစ်ပိဿာကို ၈၀၀ကျပ်၊ မြစ်သားလတ်ကြီးတစ်ပိဿာကို ၁၁၀၀ ကျပ်၊ မြစ်သားလတ်သန့်တစ်ပိဿာကို ၁၁၀၀ ကျပ်၊ မြစ်သားလတ်ချောတစ်ပိဿာကို ၈၀၀ ကျပ်ရှိနေကြောင်း ဘုရင့်နောင်ကုန်စည်ဒိုင်ဈေးနှုန်းများအရ သိရပါတယ်။

    ကြက်သွန်နီကုန်တင်ကားများမှာ နယ်အစုံမှ ကားအစီးရေ (၃၀)ဝန်းကျင် ဘုရင့်နောင်ကုန်စည်ဒိုင်ကို ပုံမှန်တင်ပို့နေတာဖြစ်ကြောင်းလည်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်