နွားကလေး ပြုစုမွေးမြူခြင်း (၁)

နွားကလေး ပြုစုမွေးမြူခြင်း

မွေးပြီးနောက် နွားမကြီးမှ လျက်စေရမည်။ နွားကလေး၏ မွေးပြီးစ ကိုယ်အလေးချိန်ကို ကတ္တား (သို့မဟုတ်) ကိုယ်အလေးချိန်တိုင်းသည့် တိပ်ကြိုးဖြင့် တိုင်းတာ၍ မှတ်တမ်းတင်ရမည်။

 နားရွက် နံပါတ်ပြားတွင် အောက်ပါအတိုင်း ပြင်ဆင် ရေးသားပြီး တပ်ဆင်ရမည်။

                     နားရွက် နံပါတ်တပ်ဆင်ခြင်း

 ချက်တိုင်းနှင့် နားရွက်နံပါတ်တပ်ထားသည့်နေရာတို့ကို ချက်တိုင်ခြောက်သည်အထိနှင့် နံပါတ်ပြား တပ်သည့်နေရာ နေရာကျက်သည်အထိ တစ်ရက်လျှင်တစ်ကြိမ် အိုင်အိုဒင်းဆေးရည်ဖြင့် ဖြန်းပေးရမည်။ နွားကလေးကို ခြောက်သွေ့သန့်ရှင်းသည့်နေရာတွင် ထားပါ။

နွားကလေးများအား အသက် ၃ ပါတ်သားအထိ တစ်ကောင်ချင်းစီ ခြံဖြင့်ခွဲထားနိုင်သည်။ ထို့နောက် အသက်အရွက်၊ ကိုယ်အလေးချိန်တို့ တူရာအလိုက် စုပေါင်း ထားခြင်းဖြင့် ကြီးထွားနူန်းကောင်းစေပြီး အုပ်စုနှင့် နေတတ်သည့် အကျင့်ကို လေ့ကျင့်ပေးနိုင်သည်။

 နွားကလေးခြံသည် အမြဲသန့်ရှင်းနေရပါမည်။

 နွားကလေးများကို မနက်စော (၇) နာရီနှင့် ညနေပိုင်း (၅) နာရီ တို့တွင် တစ်ရက်နှစ်ကြိမ် နို့တိုက်ကျွေးရမည်။

 နို့တိုက်ကျွေးသည့်အချိန် ပုံမှန်ဖြစ်ရန် လိုအပ်သည်။

 နွားကလေးကျွေးမွေးစောင့်ရှောက်သည့်သူ အပြောင်းအလဲ မလုပ်သင့်ပါ။

 နွားကလေးများထံသို့ နို့ကိုယူ၍ တိုက်ပါ။ (နွားမကြီးထံသို့ တိုက်ရိုက် မစို့စေရပါ)

နွားငယ်ဦးချိုသတ်ခြင်း

• နွားငယ်များကို ထိန်းသိမ်းရလွယ်ကူစေရန် အသက်ငယ်သည့် (၁ ပတ်မှ ၂ ပတ်) အတွင်း ဦးချိုသတ်ပေးရန် လိုအပ်သည်။

 နွားကလေးများ နို့တိုက်ကျွေးမှု ပုံစံ

 တစ်ရက်လျှင်နှစ်ကြိမ် နွားကလေးများကို နို့တိုက်ရာတွင် နို့ဘူးဖြင့် ချိန်တွယ်တိုက်ကျွေးခြင်းဖြင့် ပမာဏအတိအကျ တိုက်ကျွေးနိုင်ပါသည်။

 နို့တိုက်ကျွေးရာတွင် ပုံးဖြင့် မဟုတ်ဘဲ နို့ဘူး၊ နို့သီးခေါင်းဖြင့်နို့စေခြင်းဖြင့် တံတွေးပိုမိုထွက်လာပြီး အစာချေဖျက်မှုကို ပိုမို အထောက်အကူပြုပါသည်။

 နို့ထည့်သည့်ပုံး၊ နို့သီး၊ နို့သီးခေါင်းတို့ကို ရေအေးဖြင့် ဆေးပါ။ ထို့နောက်ဆပ်ပြာဖြင့်ဆေးပြီး ၁ ရာခိုင်နူန်း ကလိုရင်းရည်ဖြင့်ဆေးပါ။ဆေးကြောပြီးနောက် ရေစစ်ပြီး ခြောက်သွေ့စွာ ထားပါ။

 နွားကလေးများ၏ အစာလိုအပ်ချက်

 နွားကလေးကို အသက်အရွယ်၊ ကိုယ်အလေးချိန်အလိုက် အုပ်စုခွဲ၍ ကျွေးပါ။ နေမကောင်းသောနွားကလေးကို သီးခြားခွဲထားပါ။

 ကိုယ်အလေးချိန် တိုးတက်မှု မှတ်တမ်း

 အသက် ၆ လသားအထိ ၁၄ ရက်တစ်ကြိမ် ကိုယ်အလေးချိန်ချိန်ပါ။  ၆ လ ကျော်လျှင် ၁ လ တစ်ကြိမ်ချိန်ပြီး မှတ်တမ်းတွင် ရေးသွင်းပါ။

 သားခွဲချိန် (၉၀) ရက်တွင် ကိုယ်အလေးချိန်မှာ

 ဖရီရှန် - ၁၀၀ ကီလိုဂရမ်

 ဖရီရှန်စပ်နွား - ၉၀ ကီလိုဂရမ်

 သားစပ်ချိန် (၁၅ လ) တွင် ရှိရမည့် ကိုယ်အလေးချိန်မှာ

 ဖရီရှန် - ၃၂၀ မှ ၃၄၀ ကီလိုဂရမ်

 ဖရီရှန်စပ်နွား - ၂၈၀ မှ ၃၀၀ ကီလိုဂရမ်

 နွားကလေးနှင့် နွားမတန်းများကို မွေးမြူကျွေးမွေးရသည့်အချိန်သည် ၎င်းတို့ထံမှ ဝင်ငွေမရရှိဘဲ စိုက်ထုတ်ကျွေးမွေး ရသည့် ကုန်ကျစားရိတ်များသောအချိန် ဖြစ်သည်။ ထို့ကြောင့် အသက်အရွယ်အလိုက် ကြီးထွားနူန်းနှင့် မျိုးစပ်ချိန်မှန်ကန်အောင် မွေးမြူနိုင်ရန် အရေးကြီးပါသည်။

 နွားမတန်းသည် နွားကလေးမွေးပြီးနောက် နောက် ၁ နှစ်ခန့်အထိ ခန္ဓာကိုယ် ဆက်လက်ဖွံ့ဖြိုးပါသည်။  ထို့ကြောင့် နွားမကြီးနှင့် ခွဲထားပြီး ကောင်းစွာ ကျွေးမွေးစောင့်ရှောက်ရန် လိုအပ်ပါသည်။

 မြန်မာ-နယူးဇီလန် ကောင်းမွန်သော နို့စားနွား မွေးမြူမှု ဖွံဖြိုးတိုးတက်ရေး စီမံကိန်း

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်