မြန်မာနိုင်ငံမှ လုပ်ကွက်ငယ်တောင်သူ (၄၀၀၀)ကို နော်ဝေအစိုးရမှ ကူညီထောက်ပံ့သွားမည်

14/05/2019 15:30 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

မြန်မာနိုင်ငံမှ လုပ်ကွက်ငယ်တောင်သူ (၄၀၀၀)ကို နော်ဝေအစိုးရမှ ကူညီထောက်ပံ့သွားမှာဖြစ်ကြောင်း စိုက်ပျိုးရေး မွေးမြူရေးနှင့် ကျေးလက်ဒေသ ဖွံ့ဖြိုးတိုးတက်ရေးဆိုင်ရာ လွှတ်တော်ကော်မတီအစည်းအဝေးမှ သိရပါတယ်။

ရာသီဥတုဒဏ်ခံ စပါးမျိုး ပိုမိုစိုက်ပျိုးထုတ်လုပ်နိုင်ရေးအတွက် ရည်ရွယ်ကာ သုံးနှစ်စီမံကိန်း ဖော်ဆောင်သွားမှာဖြစ် ကြောင်း အဆိုပါအစည်းအဝေးမှ သိရပါတယ်။

အဆိုပါစီမံကိန်းမှာ မန္တလေးတိုင်းဒေသကြီး ၊ ရှမ်းပြည်နယ်တောင်ပိုင်း ၊ မွန် နှင့်ပဲခူးတို့မှ လုပ်ကွက်ငယ်တောင်သူ လယ်သမား ( ၄၀၀၀) ကို ရေရှည်တည်တံ့သည့် စပါးစိုက်ပျိုးထုတ်လုပ်မှုများကို ပံ့ပိုးကူညီပေးသွားမှာဖြစ်ကြောင်းလည်း သိရပါတယ်။

ရာသီဥတုဒဏ်ခံစပါးမျိုး ပိုမိုစိုက်ပျိုးထုတ်လုပ်နိုင်ရေး စီမံကိန်းကို နော်ဝေးအစိုးရ ၊ ဖွံ့ဖြိုးတိုးတက် မှုနှင့် ပူးပေါင်းဆောင်ရွက်မှုဆိုင်ရာ ဆွစ်အေဂျင်စီ ၊ ကုလသမဂ္ဂ သဘာဝပတ်ဝန်းကျင်အစီအစဉ် ၊ ရေရှည်တည်တံ့မည့် ဆန်စပါးလုပ်ငန်းပလက်ဖောင်း ၊ အစိုးရမဟုတ်သော ဆွစ်နိုင်ငံတကာ အဖွဲ့ အစည်း နဲ့ PRIME Agri တို့မှ ပူးပေါင်းအကောင်အ ထည်ဖော် ဆောင်ရွက်သွားမှာဖြစ်ကြောင်း သိရပါတယ်။ 

တိုးတိုးခိုင်(ABM)