(၂၀၁၉-၂၀၂၀)ခုနှစ် စိုက်ပျိုးရာသီတွင် နှမ်းမျိုးသန့်ပွားစိုက်ပျိုးမည့် တောင်သူများအား နှမ်းမျိုးစေ့အခမဲ့ ထောက်ပံ့

(၂၀၁၉-၂၀၂၀)ခုနှစ် စိုက်ပျိုးရာသီတွင် နှမ်းမျိုးသန့်ပွားစိုက်ပျိုးမည့် တောင်သူများအား ဧပြီလ (၂၃)ရက်နေ့က နှမ်းမျိုးစေ့ အခမဲ့ ထောက်ပံ့ပေးခဲ့ကြောင်း မကွေးတိုင်းဒေသကြီး စိုက်ပျိုးရေးဦးစီးဌာနမှ သိရသည်။

အဆိုပါ နှမ်းမျိုးစေ့ အခမဲ့ ထောက်ပံ့ခြင်းကို တိုင်းဒေသကြီးစိုက်ပျိုးရေးဦးစီးဌာနရုံးခန်းမတွင် ပြုလုပ်ခဲ့ပြီး မကွေးတိုင်းဒေသကြီး စိုက်ပျိုးရေး မွေးမြူရေး နှင့်ဆည်မြောင်းဝန်ကြီးဌာန ဝန်ကြီး ဦးဝင်းမော်ဌေးနှင့် တာဝန်ရှိသူများက မကွေးမြို့နယ်တွင်းရှိ ကျေးရွာ(၇)မှ နှမ်းမျိုးသန့်ပွားစိုက်ပျိုးမည့်တောင်သူများအား မျိုးစေ့ပံ့ပိုးပေးအပ်ခဲ့ခြင်းဖြစ်သည်။

နှမ်းမျိုးသန့်ထောက်ပံ့ပေးရာတွင် မကွေးမြို့နယ်အတွင်းရှိ ကျေးရွာ(၇)ရွာမှ တောင်သူပေါင်း (၃၈)ဦး၏ စိုက်ဧက (၁၅၃.၅၀)ဧကအတွက် တစ်ဧက စမုံနက်နှမ်းမျိုးသုံးပြည်နှုန်းဖြင့် တင်းပေါင်း(၂၈.၅၀)တင်း ပံ့ပိုး ပေးခဲ့ကြောင်း သိရသည်။

မကွေးတိုင်းဒေသကြီးစိုက်ပျိုးရေးဦးစီးဌာနက တိုင်းတောင်သူဖွံ့ဖြိုးရေးအဖွဲ့ကို မျိုးသန့်ပွားဖို့ရန်အတွက် နှမ်းမျိုးစေ့ အခမဲ့ ထောက်ပံ့ပေးခြင်းဖြစ်ကြောင်း မကွေးတိုင်းဒေသကြီး စိုက်မျိုးရေးဦးစီးဌာန တိုင်းဦးစီးမှူး ဦးခင်မောင်ဝင်းက ပြောပြသည်။

တစ်ဧကကို(၃)ပြည်နှုံးထောက်ပံ့တယ် နှမ်းပေါ်လာပြီဆိုရင် အတိုးမယူဘဲနဲ့ တစ်ဧက နှမ်း(၃)ပြည် ပြန်ပေးရမယ် ပေါ်လာတဲ့နှမ်းအကုန်ကိုလည်း တိုင်းတောင်သူဖွံ့ဖြိုးရေးအဖွဲ့က အကုန်ပြန်ဝယ်မှာပါဟု မကွေးမြို့နယ် ဖိုလေးလုံးကျေးရွာမှ နှမ်းစိုက်တောင်သူ ဦးကျော်ဆန်းက ပြောသည်။

သက်မှူးအိမ်(မင်းဘူး)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...