၂၀၂၀ခုနှစ် ဖရဲ၊ သခွားမွှေးရာသီတွင် သစ်သီးတင်ပို့သည့်ကားခများ ဈေးနှုန်းသက်သာမှုရှိ

    ၂၀၂၀ခုနှစ် ဖရဲ၊ သခွားမွှေးရာသီတွင် သစ်သီးတင်ပို့သည့်ကားခများမှာ COVID ပထမလှိုင်းကာလကထက် ဈေးနှုန်းသက်သာမှုရှိကြောင်း ကိုယ်တိုင်တင်ပို့ရောင်းချသူများထံမှ သိရသည်။

တောင်သူလုပ်တဲ့သက်တမ်းက ကြာပါပြီ။ အဓိကဈေးကွက်ကတော့ မူဆယ် (၁၀၅) မိုင်ကတဆင့် တရုတ်ပြည်ကို တင်ပို့ရောင်းချတယ်။ အရင်နှစ်တုန်းကဆို ကိုဗစ်ကာလမှာ ကားခတွေ အရမ်းဈေးတက်ခဲ့တယ်။ သစ်သီး ၁၆ တန်/၁၇ တန်ဆံ့ ၁၂ ဘီးကားတစ်စီးကို သိန်း၂၅ လောက်အထိကို ပေးငှားခဲ့ရတယ်။ တချို့ စစ်ကိုင်းဘက်ကနေ တင်ပို့တဲ့လူတွေဆိုလည်း မနှစ်က ကားခ သိန်း ၃၀ လောက်အထိကို ပေးခဲ့ရတယ်ကြားတယ်။ ဒေသတစ်ခုနဲ့တစ်ခု အကွာအဝေးပေါ်တော့ မူတည်တာပေါ့။ ဒီနှစ်တော့ ကျွန်တော်တို့ဆီကနေ တင်ပို့တဲ့ကားခက တစ်စီးကို (၇)သိန်း၊ (၈)သိန်း လောက်ပဲ ပေးရတော့တယ်။

ဟု မန္တလေးတိုင်း၊ ကျောက်ဆည်ခရိုင်၊ တံတားဦးမြို့နယ်၊ စကားအင်းကျေးရွာမှ သခွားမွှေးစိုက်ပျိုးသူ ဦးခိုင်ဇော် က ပြောသည်။

    ယခုနှစ်သည် သခွားမွှေးတင်ပို့ရောင်းချမှု ဈေးကွက်ကောင်းမွန်သည့်နှစ်တစ်နှစ်ဖြစ်နေပြီး တစ်ကီလိုလျှင် တရုတ်ငွေ(၈)ယွမ်/(၉)ယွမ် အထိ ဈေးရရှိကြောင်း ၎င်းက ဆိုသည်။ 

မြန်မာနိုင်ငံကထွက်တဲ့ ဖရဲ၊ သခွားမွှေးသီးတွေက တရုတ်ဈေးကွက်တစ်ခုတည်းကို အားထားရောင်းချနေရတာပဲ။ ထွက်ပေါက်တစ်ပေါက်တည်း ရှိတာပေါ့။ သူတို့ဘက်မှာ လိုလားချက်ရှိလာရင် ဈေးပြည့်ပြည့်ဝဝ ကောင်းကောင်းရတယ်။ သူတို့ဘက်မှာ မလိုလားတဲ့အခါ ဈေးနှိမ်ခံရတယ်။ အခုဆိုရင် အားလုံးကြိုးပမ်းပြီး ယူအေအီးနိုင်ငံတို့ဘာတို့ကို စတင်ပို့နေပြီဆိုပေမယ့် နိုင်ငံတော်အပိုင်းကနေ Export လမ်းကြောင်းသစ်တွေ ဖော်ဆောင်ပေးမယ်ဆိုရင် ကျွန်တော်တို့ မြန်မာ့စိုက်ပျိုးရေးလောကကြီးအတွက် အကောင်းဆုံးပါပဲ။ ဒီနှစ်ကတော့ သခွားမွှေးဈေးကောင်းတဲ့နှစ်တွေထဲက နှစ်တစ်နှစ်ပါ။

ဟု ဦးခိုင်ဇော်က ဆိုသည်။

    သခွားမွှေးပင်ကို ပြည်တွင်းဈေးကွက်အတွက် ရည်ရွယ်စိုက်ပျိုးပါက နှစ်ပတ်လည် စိုက်ပျိုးနိုင်ပြီး၊ တရုတ်ပြည်ဈေးကွက်တင်ပို့ရန် ရည်ရွယ်စိုက်ပျိုးပါက စက်တင်ဘာ၊ အောက်တိုဘာ၊ နိုဝင်ဘာလများတွင် စိုက်ပျိုးလေ့ရှိကြောင်း သိရသည်။ 

    သခွားမွှေးတစ်ဧက စိုက်ပျိုးစရိတ် စုစုပေါင်း ကျပ်(၄၅)သိန်းမှ ကျပ်သိန်း(၅၀)ကြား ကုန်ကျနိုင်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

Read more