မြေပဲသီးနှံမျိုးသစ် ရှာဖွေခြင်း သုတေသန

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန (MOALI) ၊ စိုက်ပျိုးရေးသုတေသနဦးစီးဌာန (DAR-ရေဆင်း) သည် ပြောင်းလဲလာသောရာသီဥတုနှင့် လိုက်လျောညီထွေသော မျိုးသစ်များရှာဖွေခြင်း သုတေသန (Climate Change Adaptation Research) လုပ်ငန်းများကို ဆောင်ရွက်လျက်ရှိရာ၊ ဆီထွက်သီးနှံတစ်ခုဖြစ်သော မြေပဲသီးနှံမျိုးသစ်များကို သုတေသနပြုဆောင်ရွက်လျက်ရှိပါသည်။

ဆီထွက်သီးနှံသုတေသနဌာနစုမှ ဒေါက်တာခင်မျိုးဝင်းနှင့် ဒေါ်စိမ်းလဲ့မွန်တို့ဦးဆောင်သော သုတေသနပညာရှင်များအဖွဲ့မှ သက်လျင်အထွက်ကောင်း မြေပဲမျိုးသစ်၊ ရေငတ်ဒဏ်ခံနိုင်သောမြေပဲမျိုးသစ်၊ ရွက်ပြောက်ရောဂါဒဏ်ခံနိုင်သော မြေပဲမျိုးသစ်နှင့် အစေ့စား မြေပဲမျိုးသစ်မျိုးကို မျိုးကူးစပ်ရွေးချယ်ရှာဖွေလျက်ရှိရာ မကြာမီမျိုးသစ်များ ထွက်ရှိလာတော့မည်ဖြစ်ပါသည်။

မြေပဲမျိုးများအဖြစ် ရေငတ်ဒဏ်ခံနိုင်သော ဆင်းပဒေသာ (၆)၊ ဆင်းပဒေသာ (၁၂)၊ သက်လျင်အထွက်ကောင်းမျိုးဖြစ်သော ဆင်းပဒေသာ (၇)၊ အထွက်ကောင်းမျိုးမြေပဲဖြစ်သော ဆင်းပဒေသာ (၁၁) နှင့် ဆင်းပဒေသာ (၁၃) တို့သည် စိုက်ပျိုးရေးသုတေသနဦးစီးဌာန (DAR)၏ သုတေသနရလဒ်များဖြစ်ပြီး တောင်သူလက်ဝယ်အရောက် ဖြန့်ဝေနိုင်ခဲ့၍ တောင်သူများစီးပွားဖြစ်စိုက်ပျိုးနိုင်အောင် အထောက်အကူပြုခဲ့သော မြေပဲသီးနှံသုတေသနလုပ်ငန်းအား တင်ပြအပ်ပါသည်။

စိုက်ပျိုးရေးပြန်ကြားရေးဌာနစိတ်

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။