အစိမ်းရောင်လမ်းပြီးခဲ့တဲ့အောက်တိုဘာလအတွင်း ဆန်နှင့်ဆန်ကွဲပြည်ပတင်ပို့မှုဟာ ဧပြီလကစတင်တဲ့ ယခု ၂၀၂၃ - ၂၄ ဘဏ္ဍာနှစ် ၇လ အတွင်း အမြင့်ဆုံးဖြစ်သွားတယ်လို့ မြန်မာနိုင်ငံဆန်စပါးအသင်းချုပ်(MRF) ရဲ့ သတင်းထုတ်ပြန်ချက်အရ သိရပါတယ်။
အောက်တိုဘာလအတွင်း စုစုပေါင်း ဆန်တင်ပို့မှု ၈၀၁၁၅ မက်ထရစ်တန်နဲ့ ဆန်ကွဲတင်ပို့မှု ၃၉၄၁၁ တန်ရှိခဲ့တာဖြစ်ပြီး ပို့ကုန်ဝင်ငွေအနေနဲ့ တော့ အမေရိကန်ဒေါ်လာ ၆၃ သန်းရှိခဲ့တာဖြစ်ပါတယ်။
ဆန်အများဆုံးတင်ပို့ခဲ့တာကတော့ ၄၀၁၅၀ တန်တင်ပို့နိုင်ခဲ့တဲ့ အင်ဒိုနီးရှားနိုင်ငံဖြစ်ပြီး ဆန်ကွဲတင်ပို့မှုအများဆုံးကတော့ တရုတ်နိုင်ငံဖြစ်ကာ ၁၃၆၈၆ တန် တင်ပို့ခဲ့တာပါ။
၂၀၂၃ -၂၀၂၄ ဘဏ္ဍာနှစ်အတွက် ဆန်တန်ချိန် (၂.၅) သန်း၊ ပို့ကုန်ဝင်ငွေ အမေရိကန်ဒေါ်လာ သန်း(၁၀၀၀) ရရှိရန် ရည်မှန်းကြိုးပမ်းဆောင်ရွက်လျက်ရှိပါကြောင်းဆိုပြီး မြန်မာနိုင်ငံဆန်စပါးအသင်းချုပ်ဘက်က ထုတ်ပြန်ထား တာ ရှိပါတယ်။
ဒါပေမဲ့ ဘဏ္ဍာနှစ်တစ်ဝက်ကျော် ၇ လအကြာထိမှာတော့ ဆန်နှင့်ဆန်ကွဲပြည်ပတင်ပို့ နိုင်မှုဟာ လျာထားချက်ရဲ့ ၅၈၃၆၈၃ မက်ထရစ်တန် (၀.၆ သန်းမပြည့်) သာ တင်ပို့နိုင်သေးပြီး ပို့ကုန်ဝင်ငွေအနေနဲ့လည်း အမေရိကန်ဒေါ်လာ ၂၇၁ သန်း (လျာထားချက်၏ လေးပုံတစ်ပုံကျော်ခန့်) သာ ရရှိထားသေးတာဖြစ်တယ်လို့ သိရပါတယ်။
လက်ရှိအချိန်ဟာ မိုးစပါးတောက်လျှောက်ပေါ်နေတဲ့အချိန်ဖြစ်ပါတယ်။ ပြီးခဲ့တဲ့အောက်တိုဘာလ မြန်မာပြည်အောက်ပိုင်း ရေကြီးရေလျှံမှုဖြစ်စဉ်တွေအတွင်း စပါးစိုက်ဧက အမြောက်အမြား ပျက်စီးထားတာမျိုးလည်းရှိပါတယ်။
Photos Crd_ MRF
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}