တစ်လအတွင်း ဆန်၊ ဆီ၊ ကြက်သွန် ဈေးနှုန်းအပြောင်းအလဲများ

၃.၇.၂၀၂၃ မှ ၃.၈.၂၀၂၃ အတွင်းဈေးနှုန်းကွာခြားချက်

ပြီးခဲ့တဲ့ ဇူလိုင် ၃ ရက်နေ့ကနေ ယခု ဩဂုတ် ၃ ရက်နေ့အထိ တစ်လအတွင်း ဆန်၊ ဆီ၊ ကြက်သွန်ဈေးနှုန်းတွေ ဘယ်လောက်ထိ ပြောင်းလဲသွားလဲဆိုတာကို ဖော်ပြပေးလိုက်ပါတယ်။

ဒီတစ်လအတွင်းမှာ ဆန်ဈေးနှုန်းတွေကတော့ အနိမ့်ဆုံး ၁၀၀၀ ကျပ်ကနေ အမြင့်ဆုံး ၁၀,၀၀၀ ကျပ်အထိ တက်သွားခဲ့ပါတယ်။ ဈေးကျသွားတာမျိုး ငြိမ်နေတာမျိုးမရှိဘဲ အကုန်လုံးတက်လာခဲ့တာပဲ ဖြစ်ပါတယ်။
ကြက်သွန်နီကတော့ ၅၀ - ၁၀၀ ကျပ် ကွာဟချက်နဲ့အတူ ဈေးတက်လာခဲ့တာဖြစ်ပြီး ကြက်သွန်နီ (ဆိတ်ဖြူလတ်ချော) (ပင်လေး) ကတော့ ကျပ် ၅၀ ဈေးကျသွားခဲ့တာကိုလည်း တွေ့နိုင်ပါတယ်။
ကြက်သွန်ဖြူကတော့ သိသိသာသာဈေးတက်လာခဲ့ခြင်းမရှိဘဲ ငြိမ်နေဆဲပဲ ဖြစ်ပါတယ်။
ပဲဆီ/နှမ်းဆီ ဈေးနှုန်းတွေလည်း ကျပ် ၅၀၀ ဝန်းကျင်မြင့်တက်သွားတာကို မြင်တွေ့ရမှာဖြစ်ပါတယ်။

ဘယ်အမျိုးအစားတွေ ဘယ်လောက်ဈေးအပြောင်းအလဲဖြစ်သွားလဲဆိုတာကိုတော့ အောက်ပါ ဇယားကွက်မှာ နှိုင်းယှဉ်ကြည့်ရှုနိုင်ပါတယ်။

အခုလိုမျိုး ဆန်ဈေးနှုန်းတွေ တက်နေတာနဲ့ ပတ်သက်ပြီး တည်ငြိမ်စေဖို့အတွက် ဆန်အရန်အိတ် ၅၀,၀၀၀ ကို ထုတ်ရောင်းပေးသွားပါမယ်။ ဒါ့ကြောင့် စားသုံးသူများအနေနဲ့ ဆန်များကို စိုးရိမ်စိတ်ဖြင့် ဝယ်ယူစုဆောင်းခြင်းမပြုလုပ်ကြဖို့နဲ့ လိုအပ်မှသာ ဝယ်ယူကြစေလိုကြောင်း မြန်မာနိုင်ငံဆန်စပါးအသင်းချုပ်က ဇူလိုင်လ ၂၈ ရက်နေ့မှာ မေတ္တာရပ်ခံခဲ့ပြီး ဩဂုတ်လ ၂ ရက်နေ့မှာ အကောင်အထည်ဖော်ဖို့အစည်းအဝေးကျင်းပခဲ့ပါတယ်။

အစည်းအဝေးပွဲမှာတော့ "၂၅%အဆင့် (Well Milled, Polished & Sortexed) ဧည့်မထဆန်များကို တစ်အိတ်လျှင် (၆၀,၀၀၀) ကျပ်နှုန်းထက် မပိုသောဈေးနှုန်းဖြင့် ဆန်အိတ်ရေ ၅၀,၀၀၀ အိတ် ကနဦး စတင်ရောင်းချရန် စီစဉ်သွားမည်ဖြစ်ကြောင်း" ဆွေးနွေးဆုံးဖြတ်ခဲ့ကြတယ်လို့လည်း သိရပါတယ်။

(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) က ပေးပို့လာသည့် ဈေးကွက်ဈေးနှုန်းများကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ