ယခုနှစ်မိုးရာသီတွင် သဖန်းဆိပ်ရေလှောင်တမံ၌ ရေဝင်ရောက်မှုလျော့နည်း၍ စိုက်ခင်းများကို အလှည့်ကျရေပေးဝေမည်

ရန်ကုန်၊ စက်တင်ဘာ ၂၃

   ယခုနှစ်မိုးရာသီတွင် သဖန်းဆိပ်ရေလှောင်တမံ၌ ရေဝင်ရောက်မှုနည်းပါးပြီး ယခင်နှစ်ပမာဏများထက် များစွာလျော့နည်းလျက်ရှိသောကြောင့် ပျိုးထောင်၊ မြေပြင်၊ စိုက်ပျိုး၊ အပင်ဖြစ်ရေနှင့် အောင်ရေတို့အတွက် အလှည့်ကျရေပေးဝေသွားမည်ဟု ရွှေဘိုခရိုင်၊ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနက အသိပေးထုတ်ပြန်လိုက်သည်။

   စစ်ကိုင်းတိုင်းဒေသကြီးရှိ သဖန်းဆိပ်ရေလှောင်တမံဆည်ရေသောက်စနစ်သည် ရွှေဘိုပေါ်ဆန်းဆန်ကို အဓိကစိုက်ပျိုးထုတ်လုပ်လျက်ရှိပြီး ယခုနှစ်တွင် ၄၈၄,၀၆၅ ဧက စိုက်ပျိုးရန်လျာထားကာ စက်တင်ဘာလ ၂၀ ရက်နေ့အထိ ၄၇၁,၇၄၁ ဧက၊ ၉၇ ဒသမ ၄၅ ရာခိုင်နှုန်းစိုက်ပျိုးနိုင်ကြောင်း ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနက သိရသည်။

   လက်ရှိအချိန်အထိ စနစ်တကျချွေတာစုဆောင်းထားသည့် လက်ကျန်ရေနှင့် ကျန်မိုးနှောင်းကာလတွင် သဖန်းဆိပ်ရေလှောင်တမံအတွင်း ထပ်မံဝင်ရောက်လာသည့်ရေများဖြင့် စိုက်ပျိုးထားသည့်မိုးစပါးများ အောင်မြင်သည်အထိ ဆည်ရေလုံလောက်မျှတစွာ ရရှိစေရန်နှင့် ရွှေဘိုမြို့လူထုအနေဖြင့် သောက်သုံးရေကို လိုအပ်သလိုပေးဝေနိုင်ရန် စီမံဆောင်ရွက်ပေးသွားမည်ဖြစ်သည်။

   ရေလှောင်တမံအတွင်း ရေဝင်ရောက်မှုလျော့နည်းသည့် အခြေအနေအရ စိုက်ပျိုးရေကိုခြိုးခြံချွေတာပြီး အနည်းဆုံးရေပမာဏဖြင့် ပေးဝေနိုင်ရန် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီးကလည်း ညွှန်ကြားလျက်ရှိကာ ဦးစီးဌာနကထုတ်ပြန်ထားသည့် ရေလှည့်စနစ်များအတိုင်း လိုက်နာအကောင်အထည်ဖော်နိုင်ရန် ဝန်ထမ်းများ၊ ဒေသဆိုင်ရာအုပ်ချုပ်ရေးအဖွဲ့များ၊ တောင်သူများပူးပေါင်း၍ စိုက်ပျိုးရေမျှတစွာသုံးစွဲရန် ဆောင်ရွက်ပေးဝေလျက်ရှိသည်။

  သဖန်းဆိပ်ရေလှောင်တမံတွင် ရေဝင်ရောက်မှု လျော့နည်းနေသည့်အခြေအနေအရ တောင်သူများအနေဖြင့် ဆည်ရေကို ခြိုးခြုံချွေတာပြီး သုံးစွဲကြရန်၊ ရေသောက်တောင်သူအချင်းချင်း ညီညွတ်မျှတသည့်စိတ်ဓာတ်ဖြင့် ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနက သတ်မှတ်ထားသည့် ရေလှည့်ဇယားများအတိုင်း လိုက်နာဆောင်ရွက်ကြရန်၊ စိုက်ပျိုးရေအခက်အခဲများဖြစ်ပေါ်ပါက သက်ဆိုင်ရာဒေသရှိ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ တာဝန်ခံဝန်ထမ်းများကို ဆက်သွယ်လာပါက ညှိနှိုင်းစီမံဆောင်ရွက်ပေးသွားမည်ဖြစ်ကြောင်း ယင်းဌာနက သိရသည်။

   ထို့အပြင် မိုးစပါးအောင်ရေပေးဝေပြီးနောက် တမံအတွင်း ရေသိုလှောင်ထားနိုင်မှု အခြေအနေအပေါ် မူတည်၍ နွေစပါးနှင့် အခြားသီးနှံစိုက်ပျိုးရာသီတွင် တောင်သူတွက်ချေကိုက်ပြီး ရေလိုအပ်ချက်နည်းသည့် သီးနှံပုံစံအတွဲကို ပြောင်းလဲစိုက်ပျိုးနိုင်ရန်အတွက် တောင်သူလယ်သမားများ၊ သက်ဆိုင်ရာ မြို့နယ်စိုက်ပျိုးရေးညှိနှိုင်းအဖွဲ့များနှင့် လိုအပ်သလိုစီမံဆောင်ရွက်သွားမည်ဖြစ်ကြောင်း ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနက သိရသည်။ 

အေးအေးမြင့်(ABM)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more