မြန်မာ့ငရုတ်သီးနှင့် ကုန်စိမ်းသီးနှံများကို ကုမ္ပဏီများပူးပေါင်း၍ နိုင်ငံတကာစျေးကွက်ရှာဖွေမည်

    မြန်မာ့ငရုတ်သီးနှင့် ကုန်စိမ်းသီးနှံများကို ကုမ္ပဏီများပူးပေါင်း၍ နိုင်ငံတကာစျေးကွက် ထိုးဖောက်ရှာဖွေနိုင်ရန် ကြိုးပမ်းသွားမည်ဖြစ်ကြောင်း မြန်မာ့ငရုတ်သီး ဈေးကွက်နှင့်နည်းပညာဖွံ့ဖြိုးတိုးတက်ရေးအသင်းမှ သိရသည်။

မြန်မာငရုတ်သီးအပါအဝင် ကုန်စိမ်းသီးနှံတွေကို ထုတ်လုပ်နေတဲ့ ကုမ္ပဏီတွေ ပူးပေါင်းလက်တွဲပြီး နိုင်ငံတကာစျေးကွက် ရှာဖွေ​ထိုးဖောက်ပါတော့မယ်။ ဒါ​ကြောင့် ငရုတ်စိုက်တောင်သူတွေအနေနဲ့လည်း မိမိတို့ငရုတ်သီးတွေကို အရည်အသွေးပြည့်မီအောင် စိုက်နည်းစနစ်မှန်မှန်နဲ့ အသေအချာစိုက်ပျိုးကြပါ။ နယ်စပ်တစ်ခုပဲ အားကိုးနေရတဲ့ ကျွန်မတို့တောင်သူတွေ နောင်ဆို စျေးနှုန်းတည်ငြိမ်စွာနဲ့ ငွေကြေးအပါအဝင် အစစအရာရာမှာ ရင်မ,မနေရတော့အောင် အားလုံးစုပေါင်း ကြိုးစားကြတော့မှာပါ။

ဟု မြန်မာ့ငရုတ်သီး ဈေးကွက်နှင့်နည်းပညာဖွံ့ဖြိုးတိုးတက်ရေးအသင်း၏ ဉက္ကဌဒေါ်ဥမ္မာကျော်က ပြောသည်။ 

    ယင်းကဲ့သို့ ဈေးကွက်သစ်များ ရှာဖွေဖော်ဆောင်ရာတွင် မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်း (MFVP)နှင့်အတူ ကချင်ပြည်နယ်၊ ကယားပြည်နယ်၊ ချင်းပြည်နယ်၊ ရှမ်းပြည်နယ်၊ မန္တလေးတိုင်း၊ စစ်ကိုင်းတိုင်း၊ မကွေးတိုင်း၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း စသည့် တိုင်းနှင့်ပြည်နယ်အသီးသီးမှ အသေးစား၊ အလတ်စား သစ်သီးဝလံကုမ္ပဏီများ စုစည်းထားသည့် အဖွဲ့အစည်းတစ်ခုဖြစ်သည့် Myan Fresh နှင့် ပူးပေါင်းဆောင်ရွက်သွားမည် ဖြစ်ကြောင်း သိရသည်။

အခုဆိုရင် ကျွန်မတို့မြန်မာနိုင်ငံမှာ Myan Fresh ဆိုတဲ့အဖွဲ့ကြီး ပေါ်ထွက်လာပါပြီ။ မြန်မာ့ကုန်စိမ်းသီးနှံတွေအတွက် စျေးကွက်သစ်တွေရရှိအောင် အတတ်နိုင်ဆုံးကြိုးစားကြမှာပါ။ ကျွန်မတို့ရဲ့ နေသူရိန်စတားကုမ္ပဏီကလည်း Myan Fresh ရဲ့အဖွဲဝင်အဖြစ်နဲ့ ပူးပေါင်းပါဝင်မှာ ဖြစ်ပါတယ်။

ဟု ဒေါ်ဥမ္မာကျော်က ဆက်လက်ပြောသည်။

    မြန်မာ့သစ်သီးဝလံ စိုက်ပျိုးထုတ်လုပ်ရောင်းချမှု ကွင်းဆက်တစ်လျှောက် လုပ်ငန်းစဉ်များအားလုံးကို အဖွဲ့ဝင်ကုမ္ပဏီများမှ အသီးသီးဆောင်ရွက်သွားကြမည်ဖြစ်ပြီး၊ Myan Fresh ကုမ္ပဏီမှ ပြည်တွင်းပြည်ပ ဈေးကွက်ချိတ်ဆက်ဆောင်ရွက်ရေးနှင့် လိုအပ်သော အခြေခံအဆောက်အဦများတွင် ရင်းနှီးမြှုပ်နှံရေးကိစ္စရပ်များကို ဦးစားပေးဆောင်ရွက်သွားမည်ဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်