နွားစာစရိတ်သက်သာစေရန်နှင့် နွားစာပေါများဖူလုံစေရန် နေဗီယာမြက်ပင်များ စိုက်ပျိုးထားရှိသင့်

    နွားစာအတွက် ကုန်ကျစရိတ်သက်သာစေရန်နှင့် မိမိခြံအတွက် နွားစာများ ပေါများဖူလုံစေရန် နေဗီယာမြက်ပင်များကို စိုက်ပျိုးထားရှိသင့်ကြောင်း နွားမွေးမြူရေးလုပ်ကိုင်သူများက ပြောသည်။

ကျွန်တော်က နွားကောင်ရေ (၄၀) ကျော် မွေးမြူထားတယ်။ နေဗီယာမြက် (၄) ဧကကျော် စိုက်ပျိုးထားတယ်။ ဘာကြောင့်စိုက်လည်းဆိုတော့ နွားအတွက်လိုအပ်တဲ့ ပရိုတင်းဓာတ် အသားဓာတ်ကို ဒီမြက်က ရာခိုင်နှုန်းအများကြီးပေးစွမ်းနိုင်လို့ပါ။ ကျွန်တော်တို့ဒေသမှာ ပုံမှန်နွားစာအနေနဲ့ဆိုရင် ပဲဖတ်၊ နှမ်းဖတ်၊ နှံစားပြောင်း စတာတွေ ကျွေးမွေးကြတယ်။ ဒီအစာတွေက ကုန်ကျစရိတ်ရှိတဲ့အပြင် လိုအပ်တဲ့အချိန် အဆင့်သင့်မရတာမျိုး၊ သူ့ရာသီချိန်မဟုတ်လို့ ရှားပါးတာမျိုး ကြုံတွေ့ရတတ်တယ်။ ဒီလိုမဖြစ်အောင် နေဗီယာမြက်ကို ဧကလိုက်စိုက်ပျိုးထားတာပါ။ တခြားတောင်သူတွေလည်း နွားစာစရိတ်သက်သာချင်ရင် နေဗီယာမြက်ကိုစိုက်ပျိုးဖို့ တိုက်တွန်းလိုပါတယ်။

ဟု  စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်၊ ကိုင်းတောကျေးရွာမှ စီးပွားဖြစ် နွားမွေးမြူရေးလုပ်ကိုင်သူ ဦးမောင်ငယ် က ပြောသည်။

    နေဗီယာမြက်ကို နွားစာအဖြစ် ကျွေးမွေးပါက နို့စားနွားများတွင် နို့ထွက်နှုန်း ပိုမိုကောင်းမွန်လာခြင်း၊ ခိုင်းနွားနှင့် အခြားနွားအမျိုးအစားများတွင် အသားအရေပိုမိုဖွံ့ဖြိုးလာပြီး လိုအပ်သောအာဟာရဓာတ်ပမာဏများ ပြည့်ဝစွာရရှိစေကြောင်း သိရသည်။

ကျွန်တော်က နေဗီယာမြက်တွေကို တခြားသီးနှံပင်တွေ စိုက်ပျိုးထုတ်လုပ်သလိုပဲ စနစ်တကျ မြေဩဇာကျွေးမွေး ရေပေးဝေပြီးကို စိုက်ပျိုးနေတာ ဖြစ်ပါတယ်။ ပင်ကြားတန်းကြား (၂) ပေခွဲခြားပြီး စိုက်တယ်။ မြေဩဇာအနေနဲ့ ပုံမှန်နွားချေးထည့်ပေးတယ်။ ရေပေးရမယ့်အချိန် ရေစနစ်တကျပေးတယ်။ နေဗီယာမြက်က ရေကြိုက်ပေမယ့် အပင်ခြေရေဝပ်တာ လုံးဝမကြိုက်ဘူး။ ရေပေးတဲ့အခါ ချိန်ဆပြီးပေးတတ်ရပါတယ်။ ဒီလိုပြုစုစောင့်ရှောက်ပြီး စိုက်ပျိုးတဲ့အတွက် သန်စွမ်းတဲ့မြက်ပင်တွေ ရရှိပါတယ်။ စတင်စိုက်ပျိုးပြီးကတည်းက လေးနှစ်ကြာတဲ့အထိ ပြန်စိုက်ရတာမျိုး မရှိသေးပါဘူး။ ရိတ်ပြီးနွားစာကျွေးလိုက် အသစ်ပြန်ပေါက်လိုက်နဲ့ပါပဲ။ တကယ့်ကိုတွက်ခြေကိုက်တဲ့မြက်မျိုး ဖြစ်ပါတယ်။

ဟု ဦးမောင်ငယ်က ဆက်လက်ပြောသည်။ 

    နေဗီယာမြက် စိုက်ပျိုးရာတွင် မြက်မျိုးငုတ်တိုများကို မြေကြီးအတွင်းသို့ အတည့်အတိုင်း ထောင်ထားစိုက်ပျိုးခြင်းထက်၊ ခပ်ယိုင်ယိုင်လှဲ၍ စိုက်ပျိုးခြင်းနှင့် တွင်းတူးမြေဖုံးစိုက်ပျိုးခြင်းတို့က ပိုမိုကောင်းမွန်ကြောင်း သိရသည်။ 

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more