ကုန်စိမ်းနှင့် သစ်သီးဝလံများအား စာချုပ်ချုပ်ဆိုပြီး တင်ပို့ရသည့်စနစ် ကျင့်သုံးသင့်ဟုဆို 

16/12/2019 13:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

မြန်မာနိုင်ငံမှ စိုက်ပျိုးထွက်ရှိသော ကုန်စိမ်းနှင့် သစ်သီးဝလံများကို Quota စနစ်ဖြင့် တင်ပို့၍ တရုတ်ပြည်နယ်စပ် ရောက်မှသာ ဈေးဖြတ်ခြင်းမဟုတ်ဘဲ ပြည်တွင်း၌ စာချုပ်ချုပ်ဆို၍ တင်ပို့ရသည့် စနစ်ကို ကျင့်သုံးသင့်ကြောင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောပါသည်။

တရုတ်နိုင်ငံရှိ ယူနန်နှင့် ရှန်ဟိုင်းကဲ့သို့သော မြို့ကြီးများနှင့် ပြည်နယ်ကြီးများမှ သက်ဆိုင်ရာတာဝန်ရှိသူများမှလည်း ရန်ကုန်တိုင်းဒေသကြီး အစိုးရအဖွဲ့နှင့် မကြာခဏတွေ့ဆုံပြီး မြန်မာ့သစ်သီးဝလံများအား ရန်ကုန်တိုင်းတွင် တိုက်ရိုက်ဝယ်ယူရန် ဆွေးနွေးမှုများရှိနေကြောင်း သိရသည်။

"ခွဲတမ်း‌လောက်နဲ့ ပို့ရတဲ့ စနစ်မျိုးထက် ဝယ်ယူသူကို ရန်ကုန်ဈေးကွက်လိုနေရာမျိုး၊ မန္တလေးဈေးကွက်လိုမျိုးမှာ တစ်ခါတည်း စာချုပ်ချုပ်ပြီး ဒီကနေလှမ်းပို့တဲ့ စနစ်မျိုးကို ကျင့်သုံးသင့်တယ်။ ဥပမာအနေနဲ့ ပြောရမယ်ဆိုရင် ဖရဲသီးတွေကို ကားတွေနဲ့ တင်သွားပြီး ဟိုရောက်မှ မယူဘူးဆိုတဲ့ အခြေအနေမျိုးတွေ‌ကြောင့် အခက်အခဲတွေရှိတယ်။ ဝယ်လက်တွေနဲ့ ပတ်သက်ပြီး နယ်စပ်မျဉ်းပေါ်မှာ ပွဲစား‌တွေ အများကြီးရှိတယ်။ တိုက်ရိုက်စားသုံးသူ လက်ထဲကို မဖြန့်ချီနိုင်ဘူး။ ကုန်စိမ်းနဲ့ သစ်သီးဝလံမှာက ဒီလိုအခြေအနေ ထိန်းချုပ်ထားတဲ့ အနေအထားတွေ ရှိတယ်။" ဟု ဝန်ကြီးချုပ် ဦးဖြိုးမင်းသိန်းက ပြောသည်။

ဒီဇင်ဘာလ ၈ ရက်က ကုန်သည်စက်မှုအသင်းချုပ် (UMCCI) တွင် ကျင်းပသည့် နိုင်ငံတော်ဒုတိယသမ္မတ (၁) ဦးမြင့်ဆွေ ဦးဆောင်သော ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီနှင့် ပုဂ္ဂလိကကဏ္ဍ လုပ်ငန်းရှင်များ၏ လစဉ်ပုံမှန် အစည်းအဝေးတွင် ဝန်ကြီးချုပ်က ပြောကြားခဲ့ခြင်းဖြစ်သည်။

ယင်းအနေအထားများနှင့် ပတ်သက်ပြီး ရန်ကုန်- မန္တလေးတွင် တစ်ခါတည်းရောင်းချ၍ Logistics လမ်းကြောင်းမှ ပါကင်ပါ ထုတ်ပိုးနိုင်မည့် လုပ်ငန်းများကို ပြည်တွင်း၌ ဆောင်ရွက်နိုင်ပါက အဆင်ပြေနိုင်မည်ဖြစ်ကြောင်း သိရသည်။ ထိုပြင့် စိုက်ပျိုးရေးကဏ္ဍတွင် စတင်စိုက်ပျိုးသည့်အချိန်မှစ၍ ရောင်းချသည့် အချိန်အထိ မြန်မာ -တရုတ် နှစ်နိုင်ငံ ပူးပေါင်းဆောင်ရွက်နိုင်သည့် အနေအထားမျိုးဖြစ်အောင် ပြင်ဆင်သင့်ကြောင်း သိရသည်။

အေးအေးမြင့်(ABM)


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်