ဈေးကွက်ဝယ်လက် မပြတ်လပ်သည့် ဒူးရင်းပင်ကို တိုးချဲ့စိုက်ပျိုးသင့်

08/09/2021 20:00 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    ဈေးကွက်ဝယ်လက် မပြတ်လပ်သည့် ဒူးရင်းပင်ကို တိုးချဲ့စိုက်ပျိုးသင့်ကြောင်း နှစ်ရှည်သီးနှံစိုက်ပျိုးထုတ်လုပ်သူများက ဆိုသည်။ 

ဒူးရင်းသီးစိုက်ပျိုးရေးမှာ ဈေးကွက်က ဝယ်လက်အမြဲတမ်းရှိပါတယ်။ ပုံမှန်ဆိုရင်တော့ ဒူးရင်းသီးက စပေါ်ကာစမှာ တစ်ကီလိုကို (၅၅၀၀)ကျပ်နဲ့ ရောင်းရတယ်ဆိုရင် နောက်ပိုင်းမှာ တစ်ကီလိုကို (၄၅၀၀)ကျပ်လောက်ရတယ်။ ရာသီချိန်အလိုက် ဈေးအတက်အကျရှိတတ်ပေမယ့် ဈေးသိပ်တော့မကွာပါဘူး။ (၁၀၀၀)ကျပ်လောက်ပဲ ကွာတယ်။ အဲ့ဒီအောက်တော့ ဈေးမကျတတ်ပါဘူး။ ဧပြီလလောက် အသီးပေါ်ရင်တော့ ဈေးပိုရတတ်ပါတယ်။

ဟု မွန်ပြည်နယ်၊ ကျိုက်ထိုမြို့နယ်၊ သံဖြူဇရပ်မြို့မှ နှစ်ရှည်သီးနှံစိုက်ပျိုးသူ မသဲစုလတ်က ပြောသည်။ 

    ဒူးရင်းပင်ကို အများအားဖြင့် ဇွန်၊ ဇူလိုင်လများတွင် စတင်စိုက်ပျိုးလေ့ရှိပြီး သြဂုတ်လ မိုးများချိန်တွင်မူ မစိုက်ပျိုးသင့်ကြောင်း သိရသည်။ 

ဒူးရင်းပင်က ရေရမယ်ဆိုရင် ဘယ်အချိန်မဆို စိုက်ပျိုးလို့ရပါတယ်။ ရေမရဘူးဆိုရင်တော့ ဇွန်၊ ဇူလိုင်လ မိုးဦးရာသီမှာ စိုက်တာက ပိုကောင်းတာပေါ့။ မိုးလယ်ပိုင်း မိုးတအားများချိန်တော့ မစိုက်သင့်ဘူး။ အမြစ်ပုပ်တာမျိုး ဖြစ်တတ်တယ်။ အောက်တိုဘာလလို မိုးနှောင်းကျရင်တော့ ပြန်စိုက်လို့ရပါပြီ။ ထွက်လာတဲ့ ဒူးရင်းသီးတွေမှာ အသီးအရသာကောင်းဖို့ကတော့ အပင်အတွက်လိုအပ်တဲ့ အနည်းလိုအာဟာရတွေကို အချိန်အခါအလိုက် ကျွေးမွေးပေးတတ်ဖို့ လိုပါတယ်။

ဟု မသဲစုလတ်က ပြောသည်။ 

    ဒူးရင်းပင်သည် အပင်ထိန်းသိမ်းစောင့်ရှောက်နိုင်ပါ အနှစ် (၂၀) မှ အနှစ် (၄၀) ဝန်းကျင်အထိ တာရှည်စိုက်ပျိုးထုတ်လုပ်နိုင်သည့် နှစ်ရှည်ပင်အမျိုးအစားတစ်ခုဖြစ်သည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်