သီးတောင့်ဝင်ချိန် ရေသွင်းမိလို့ မတ်ပဲပင်ရော်ကျသွားတယ်.. ဆရာ

ဆောင်းသီးနှံတွေဖြစ်တဲ့ မတ်ပဲ၊ ပဲတီစိမ်း၊ ကုလားပဲ၊ ပဲကြီးစတဲ့သီးနှံတွေမှာ မြေကြီးအစိုဓာတ်နဲ့သာ ရှင်သန်ကြီးထွားရပါတယ်။ (ရေသွင်းရတဲ့ အချိန်အခါမဟုတ်ပါဘူး။)

မြေဆီလွှာရဲ့ သဘာဝအရ မြေအောက် အစိုဓာတ်ရှိရာ underground water levelမှသည် အပင်ရဲ့ အမြစ်ဆီကို ဆံချည်ပြွန်လေး( capillary tubes) တွေကတဆင့် ရေငွေ့ ထုတ်ပေးလေ့ရှိပါတယ်။

မြေလုံရင် လုံသလို(ထွန်ရေးညက်ရင် ညက်သလို) အစိုဓာတ်ကြာရှည်စွာထိန်းပေးပါတယ်။

ဒါဆို ရေသွင်းလို့ မရဘူးလား?

ကျနော့အတွေ့အကြုံအရပြောရရင် ကုလားပဲခင်းတွေ ရေသွင်းပေးလို့ရပါတယ်။ အပင်တစ်လသားအတွင်း ရေကို အပင်ခြေရေမဝပ်အောင်ထိန်းပြီး သွင်းပေးရပါတယ်။

တစ်လကျော် (အချဥ်ဓာတ်ဝင်ပြီးချိန်) မှ ရေသွင်းလိုက်မယ်ဆိုရင် အပင်တွေ စိမ်းရာမှ ဝါကျသွားပါတယ်။ (အချဥ်ရည် လျှောတယ်လို့ ခေါ်ကြပါတယ်) မိုးရွာတာလည်း မကြိုက်ပါဘူး။

အပင်ငယ်ခါးရိသေတယ်၊ ထယ်ရေးလည်းကြမ်းတယ်၊ အောက်ဓာတ်လည်းခမ်းနေတယ်၊ အပင်လည်း ငယ်သေးတယ်ဆိုရင်ရေသွင်းရင် အဆင်ပြေတာတွေ့ရပါတယ်။

မတ်ပဲခင်းမှာဆိုရင်ကော..?

အခုတလော မတ်ပဲခင်း ရေသွင်းရင်း အပင်တွေ ရော်ကျသွားတယ်ဆိုပြီး ကျနော့ဆီ လာလာမေးနေကြလို့ ဒီပို့စ်ကို အားချင်းရေးတင်လိုက်တာပါ။

၄၅ ရက်သားကျော်မှ အသီးတန်းလန်းနဲ့ ရေတင်မိလို့ အပင်တွေငိုက်ကျသွားတာ တွေ့နေရပါတယ်။

မိုးရွာ/မိုးကြီးမိရင်တောင်၊ မိုးရာပြီး ပဲခင်းတွေဟာအရွက်တွေဝါပြီး အကျမြန်သွားပါတယ်။

(လူတွေ နေပူစဥ် မိုးမိလို့ အပူရှပ်ပြီး ဖျားသလိုမျိုးပေါ့)

အပေါ်အစိုဓာတ်ကို အောက်က ဆွဲစုပ်သလိုဖြစ်ပြီး အမြစ်တွေ အလုပ်မလုပ်နိုင်တော့ပါ။

ဆိုတော့ကား ကျနော့မိတ်ဆွေများ...အသီးတွေ တန်းလန်းနဲ့ ရေမတင်စေချင်ပါဘူး။

(အပင်ကြီး၂ လသားအရွယ်မှ ရေမတင်ပါနဲ့)

- မှိုဆေး သာ ဖျန်းပေးပါ။

- အပင်အားဆေးနဲ့ ထိန်းထားပါ။

- အမြစ်တွေက သူ့သဘာဝအလျောက် အစာရေစာ ရှာစားကြပါတယ်။

- စိုက်ချိန်ကတည်းက ထွန်ရေးမကောင်းခဲ့လို့ရှိရင်တော့ အပင်ငယ်စဥ် ရေငတ်ရင် ရေသွင်းပေးနိုင်ပါတယ်။

ပြန်လည်ကုစားနည်း

- ရေသွင်း၊ အပင်ညှိုး ပဲခင်းများဟူးမစ်အက်ဆစ်ပါသော ဓာတုမဟုတ်သော အားဆေးများဖျန်းပါ။

- အရွက်လန်းလာရင် ယူရီးယားနဲ့ အမိုင်နို ဖျန်းပေးပါ။

- ပီဂျီအာ၊ အပ်up(နှုန်းထားမြင့်မြင့်)ဖျန်းပေးပါဗျာ။

စေတနာများစွာဖြင့်

Thartharpopo, ဒို့ဦးလေး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ