မြေဆီတင်သွင်းခွင့် ပိတ်ပင်မှုဂယက်နှင့်အတူ သီရိလင်္ကာလက်ဖက်အထွက် ၂၃ နှစ်အတွင်း အနိမ့်ဆုံး ကျဆင်း

13/05/2022 17:00 PM တွင် ဝေယံဟိန်း (B.Ag) ဝေယံဟိန်း (B.Ag) မှ ရေးသား

နိုင်ငံရေးအကျပ်အတည်း ကြုံတွေ့နေတဲ့ သီရိလင်္ကာနိုင်ငံရဲ့ အရေးပါလက်ဖက်သီးနှံ ပြည်ပတင်ပို့မှုဟာ ၂၃ နှစ်အတွင်း အနိမ့်ဆုံးထိ ကျဆင်းသွားခဲ့ကြောင်း အစိုးရရဲ့ ဗုဒ္ဓဟူးနေ့ ပို့ကုန်စာရင်း ထုတ်ပြန်ချက်တွေအရ သိရပါတယ်။ သီရိလင်္ကာအစိုးရ ချမှတ်ခဲ့တဲ့ မြေဆီသွင်းကုန်ပိတ်ပင်မှုနဲ့ ယူကရိန်းမှာ ဖြစ်နေတဲ့ စစ်ပွဲတို့က လက်ဖက်ပို့ကုန်ကို ထိခိုက်ကျဆင်းစေခဲ့တာလို့ သိရပါတယ်။

လက်ဖက်ဟာ ဒီကျွန်းစုနိုင်ငံလေးရဲ့ အကြီးမားဆုံး ပြည်ပပို့ကုန် ဖြစ်ပါတယ်။ ၁၉၄၈ လွတ်လပ်‌ရေးနှစ် နောက်ပိုင်း အဆိုးဆုံးဖြစ်တဲ့ လက်ရှိစီးပွားရေးအကျပ်အတည်း မတိုင်ခင်ကတော့ သီရိလင်္ကာဟာ လက်ဖက်တင်ပို့မှုကနေ နှစ်စဉ် နိုင်ငံခြားဝင်ငွေ ဒေါ်လာ ၁ ဒသမ ၃ ဘီလျံ ရရှိနေခဲ့ပါတယ်။

ပြီးခဲ့တဲ့နှစ်မှာ အစိုးရက နိုင်ငံခြားငွေကြေးချွေတာဖို့နဲ့ အကြွေးဒေဝါလီခံရနိုင်ခြေကို ရှောင်လွှဲဖို့ဆိုပြီး ဓာတ်မြေသြဇာတင်သွင်းမှုကို မဆင်မခြင် ပိတ်ပိတ်ခဲ့ပါတယ်။ ဒါဟာ လက်ဖက်စိုက်ပျိုးသူတွေကို အထိနာစေခဲ့ပြီး ၂၀၂၁ နိုဝင်ဘာလနဲ့ ၂၀၂၂ ဖေဖော်ဝါရီလအကြား လက်ဖက်အထွက် နှစ်အလိုက် ၁၈ ရာခိုင်နှုန်း ကျဆင်းခဲ့ရပါတယ်။

ယခု ၂၀၂၂ ပထမသုံးလပတ်အတွင်း လက်ဖက်တင်ပို့မှုဟာ ကီလို ၆၃ ဒသမ ၇ သန်းသာ ရှိခဲ့ပြီး ယခင်နှစ် ဇန်နဝါရီ-မတ် ကာလအတွင်း တင်ပို့မှု ကီလို ၆၉ ဒသမ ၈ သန်းထက် လျော့နည်းခဲ့ကြောင်း အကောက်ခွန်စာရင်းတွေအရ သိရပါတယ်။

ဒီပမာဏဟာ လက်ဖက်ကီလို ၆၀ ဒသမ ၃ သန်းသာ တင်ပို့နိုင်ခဲ့တဲ့ ၁၉၉၉ ခုနှစ် ပထမသုံးလပတ်နောက်ပိုင်း အနိမ့်ကျဆုံး ဖြစ်ပါတယ်။

ပထမသုံးလပတ်အတွင်း ပို့ကုန်ဝင်ငွေဟာလည်း ယခင်နှစ်က ဒေါ်လာ ၃၃၈ သန်း ရရှိခဲ့ရာကနေ ၂၈၇ သန်းထိ ကျဆင်းလာပါတယ်။

သွင်းအားစုပိတ်ပင်မှုကို အော်ဂဲနစ်စိုက်ပျိုးရေး ရာနှုန်းပြည့် ဖော်ဆောင်ဖို့လို့ အစိုးရက ဘယ်လိုပဲ ပုံဖော်ခဲ့ပေမဲ့ Asia Siyaka လက်ဖက်လုပ်ငန်းကတော့ လယ်ယာသုံးဆေးဝါးတွေ ပိတ်ပင်လိုက်လို့သာ လက်ဖက်အထွက်နှုန်း ကျလာရတာလို့ ပြစ်တင်လိုက်ပါတယ်။

စိုက်ပျိုးရေးလုပ်ငန်းရဲ့ ဖိအားပေးတောင်းဆိုမှုကြောင့် သွင်းအားစုပိတ်ပင်မှုကို အောက်တိုဘာလအတွင်းက ဖယ်ရှားပေးခဲ့ပေမဲ့ အဲဒီအချိန်မှာ နိုင်ငံတွင်း ဒေါ်လာပြတ်လပ်နေပြီဖြစ်တာကြောင့် လယ်သမားတွေဟာ တင်သွင်းဓာတ်မြေသြဇာ ဝယ်ယူလို့မရနိုင် ဖြစ်ခဲ့ရပါတယ်။

ရုရှားရဲ့ ယူကရိန်းအပေါ် ကျူးကျော်စစ်ကလည်း သီရိလင်္ကာရဲ့ လက်ဖက်တင်ပို့မှု ၁၀ ရာခိုင်နှုန်းကို ထိခိုက်စေခဲ့တယ်လို့ လုပ်ငန်းတာဝန်ရှိသူတွေက ပြောပါတယ်။ စစ်ဖြစ်နေတဲ့ နှစ်နိုင်ငံလုံးဟာ သီရိလင်္ကာဆီက လက်ဖက်မွှေး အဓိကဝယ်လက်တွေ ဖြစ်ပါတယ်။

လူဦးရေ ၂၂ သန်း ရှိတဲ့ ကျွန်းစုနိုင်ငံဟာ အခြေခံအကျဆုံးကုန်စည်တွေ ဖြစ်တဲ့ အစားအသောက်၊ လောင်စာဆီနဲ့ ဆေးဝါးတွေ တင်ပို့ဖို့ မတတ်နိုင်လောက်အောင်အထိ နိုင်ငံခြားငွေကြေး ပြတ်လပ်နေပါတယ်။

ဒီလို ပြတ်လပ်မှုတွေနဲ့ ကုန်ဈေးနှုန်း တစ်ဟုန်ထိုးမြင့်တက်မှုတွေကြောင့် ဆန္ဒပြပွဲတွေ ကျယ်ကျယ်ပြန့်ပြန့် ဖြစ်ပေါ်နေပြီး သမ္မတ Gotabaya Rajapaksa ရာထူးကနေ ဆင်းပေးဖို့ တောင်းဆိုနေကြပါတယ်။

ဝေယံဟိန်း (B.Ag)

Ref: Sri Lanka tea exports lowest in 23 years - AFP

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်