၆၉၂ ငရုတ်သီးမျိုး တစ်ပိဿာလျှင် (၉၀၀)ကျပ် ဝန်းကျင်ဖြင့် ဈေးနှုန်းတည်ငြိမ်

ငရုတ်သီးဈေးကောင်းရရှိစေရန်မှာ တောင်သူများအနေဖြင့် ဈေးကွက်ဝယ်လိုအား များပြားလေ့ရှိသည့်ကာလကို စနစ်တကျ တွက်ချက်စိုက်ပျိုးတတ်ရန်လိုအပ်ကြောင်း ငရုတ်သီး စီးပွားဖြစ်စိုက်ပျိုးသူများက ပြောသည်။

အခုရက်ဆို ကျွန်တော်တို့ဘက်က ဈေးကွက်က နည်းနည်းအေးသွားပြန်ပြီ။ သြဂုတ်လလောက်ကပေါ်တဲ့ ငရုတ်သီးတွေက အသီးပါးသွားပြီမို့လို့ပါ။ တောင်သူတစ်ဦးနဲ့တစ်ဦး စိုက်ပျိုးတဲ့အချိန် မတူကြဘူးလေ။ တချို့ကလည်း ကြက်သွန်နဲ့ငရုတ်ကို တွဲစိုက်ကြတော့ ငရုတ်သီးချည်းပဲ စိုက်တဲ့သူနဲ့ စိုက်ချိန်မတူကြဘူး။ အများအားဖြင့်တော့ ဇန်နဝါရီလကနေပြီး အဲ့ဒီနောက်ပိုင်း စိုက်တဲ့ငရုတ်သီးတွေက ဈေးကောင်းရတာများပါတယ်။ အဲ့ဒီအချိန်က နွေ-မိုး အကူးကာလလေ။ အဲ့ဒီကာလဆို ကျွန်တော်တို့ဒေသမှာ ငရုတ်သီးရှားတတ်လို့ပါ။

ဟု မန္တလေးတိုင်းဒေသကြီး၊ မိတ္ထီလာခရိုင်၊ မလှိုင်မြို့နယ်၊ မန်ကျည်းပင်ပုကျေးရွာမှ ငရုတ်သီးနှင့်ကြက်သွန် စီးပွားဖြစ် စိုက်ပျိုးထုတ်လုပ်နေသူ ကိုကျော်မျိုးလင်းက ပြောသည်။

မန္တလေးတိုင်းဒေသကြီး အနီးတစ်ဝိုက်ဒေသများတွင် ဈေးကွက်ဝယ်လိုအားများသည့် ၆၉၂ ငရုတ်မျိုးကို တွင်ကျယ်စွာ စိုက်ပျိုးနေကြပြီး၊ လက်ရှိဈေးကွက်အတွင်း ၆၉၂ ငရုတ်သီးမျိုး တစ်ပိဿာလျှင် (၉၀၀)ကျပ် ဝန်းကျင်ဖြင့် ဈေးနှုန်းတည်ငြိမ်နေကြောင်း သိရသည်။

ကျွန်တော်တို့ဘက်ကနေ စိုက်သမျှကို နွားထိုးကြီးမြို့နယ်ဘက်ကိုလည်း တင်ပို့မှုများတယ်။ ၆၉၂ ငရုတ်မျိုးဆိုရင် ဈေးကောင်းတဲ့အချိန်ဆို တစ်ပိဿာကို ၁၅၀၀ ကျပ် ဝန်းကျင်လောက်ရတယ်။ အခုနောက်ပိုင်း ပွဲစားတွေကတော့ သီးနှံရဲ့အရည်အသွေးကိုမူတည်ပြီး ဈေးဖြတ်လာတာဆိုပေမယ့် တောင်သူတွေဘက်ကလည်း ကိုယ်ဈေးကောင်းရနိုင်လောက်မယ့်အချိန်ကို သေချာမှန်းဆ စိုက်ပျိုးတတ်မှသာ အဆင်ပြေတာပါ။

ဟု ကိုကျော်မျိုးလင်းက ဆက်လက်ပြောသည်။

ငရုတ်သီးကို ဇန်နဝါရီလတွင် စတင်စိုက်ပျိုးပါက ဧပြီလဝန်းကျင်တွင် အသီးခူးဆွတ် ဈေးကွက်တင်ပို့နိုင်ပြီး၊ ပထမဆုံး စတင်ထွက်လာသည့် ဂွသီး (ငရုတ်ပင်ဂွကြားတွင် စသီးသည့် ငရုတ်သီး)ကိုမူ စိုက်ပျိုးပြီး (၂)လခွဲ ဝန်းကျင်တွင် စတင်ခူးဆွတ်နိုင်ကြောင်း သိရသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ