အစိမ်းရောင်လမ်း
Greenovator
ယခုလအတွင်း မြန်မာ့ငရုတ်ကို ဗီယက်နမ်ကို စတင်တင်ပို့သွားမှာဖြစ်ကြောင်း ငရုတ်သီးဈေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။
မြန်မာ့ငရုတ်ကို တောင်သူများထံမှ လက်ရှိပေါက်ဈေးနှုန်းထားအတိုင်း ဝယ်ယူကာ အခုလအတွင်း တင်ပို့သွားမှာဖြစ်တယ်လို့ ငရုတ်သီးဈေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ ဥက္ကဌ ဒေါ်ဥမ္မာကျော် ကပြောပါတယ်။
“ဒီလထဲမှာပဲ တောင်သူတွေဆီက ငရုတ်တွေကိုဝယ်ယူပြီး ဗီယက်နမ်ကို တင်ပို့သွားမှာပါ။တောင်သူတွေထံကနေ အခုလက်ရှိ ပေါက်ဈေးနှုန်းအတိုင်းဝယ်ပြီး ရှေ့တစ်ပတ်ထဲမှာပဲ တင်ပို့သွားမယ်။ ကွန်တိန်နာ(၆)စီးလောက် တင်ပို့သွားဖို့ စီစဉ်လုပ်ဆောင်ထားပါတယ်”
မြန်မာ့ငရုတ်ကို တရုတ်၊ ထိုင်းနိုင်ငံတို့ကို တင်ပို့နေတာဖြစ်ပြီး အခုလအတွင်း ဗီယက်နမ်နိုင်ငံကို စတင်တင်ပို့သွားမှာဖြစ်ကြောင်း အဆိုပါအသင်းမှ သိရပါတယ်။
ဧရာဝတီတိုင်းဒေသကြီးနဲ့ မြန်မာနိုင်ငံအထက်ပိုင်းတို့မှာ ငရုတ်ကို အများဆုံးစိုက်ပျိုးကြောင်း ငရုတ်သီးဈေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။
တိုးတိုးခိုင်(ABM)
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}