အာလူးစိုက်တောင်သူများ၏ အဓိကလိုအပ်ချက်ဖြစ်သည့် အာလူးအအေးခန်းကို နောင်တရားဒေသ၌ စတင်တည်ဆောက်နေ

အာလူးစိုက်တောင်သူများ၏ အဓိကလိုအပ်ချက်ဖြစ်သည့် အာလူးအအေးခန်းကို နောင်တရားဒေသ၌ စတင်တည်ဆောက်နေကြောင်း သိရသည်။

“ဒီဒေသရဲ့လိုအပ်ချက်က တန် ၄၀၀၀ ရှိတာပါ။ လောလောဆယ်မှာ တန် ၂၀၀၀ အရင် ဆောက်တာပါ။ အာလူးမျိုးတွေကို ပုံမှန်အတိုင်း ထိန်းသိမ်းထားမယ်ဆိုရင် သုံးလ (ရက်ပေါင်း ၉၀) ထိန်းသိမ်းထားလို့ရတယ်။ အလွန်ဆုံး ရက်ပေါင်း ၁၂၀ ဆိုရင် မြေမှာချစိုက်ရတယ်။ အာလူးမျိုး လိုအပ်တဲ့အချိန်၊ လိုအပ်တဲ့ဒေသတွေက မှာယူတဲ့အခါ ပေးတဲ့အချိန်နောက်ကျတာ စောနေတာမျိုးတွေ မဖြစ်ဖို့အတွက် ထိန်းသိမ်းထားနိုင်ဖို့ တကယ်လိုအပ်နေတာပါ။ အအေးခန်းဆောက်လိုက်တဲ့အတွက် မျိုးတွေကို တာရှည်ထိန်းသိမ်းလို့ ရသွားမယ်။”ဟု နောင်တရား အာလူးအစုအဖွဲ့ကုမ္ပဏီဥက္ကဌ ဦးခွန်ဆန်းဦး ကပြောသည်။

အဆိုပါ အာလူးအအေးခန်းဆောက်လုပ်ပြီးစီးပါက အာလူးတန် ၂၀၀၀ ကို အေးခဲနိုင်မည်ဖြစ်ပြီး ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးဥက္ကဌ၏ ဦးဆောင်လမ်းညွန်မှု၊ စန္တားခမ်း နောင်တရား အာလူးအသင်း၏ ပူးပေါင်းဆောင်ရွက်မှု၊ နောင်တရားဒေသနှင့် ပင်လောင်းဒေသရှိ တောင်သူများ လုပ်ငန်းရှင်များ၏ စုပေါင်းပါဝင်မှုတို့ဖြင့် နောင်တရား အာလူးအစုအဖွဲ့ကုမ္ပဏီ (Naung Ta Yar Potato Group Co.ltd.,) မှ ဦးဆောင်တည်ဆောက်ခြင်း ဖြစ်သည်။

“အအေးခန်းစက်ရုံမှာ တပ်ဆင်မယ့် အအေးပေးစက်တွေကို နယ်သာလန်နိုင်ငံကနေ မှာယူတင်သွင်းတာပါ။ အအေးခန်းအကာ panel တွေကိုတော့ ကိုးရီးယားနိုင်ငံကပါ။ နောင်တရားဒေသတွင်းမှာ ရှိတဲ့ တောင်သူအားလုံးအပြင် မြန်မာနိုင်ငံမှာရှိတဲ့ အာလူးစိုက်ဒေသအားလုံးရဲ့ အာလူးစိုက်ပျိုးမှု တိုးတက်လာစေဖို့ အာလူးမျိုး သိုလှောင်နိုင်ဖို့ တာရှည်အထားခံပြီး စျေးကွက်ထိန်းညှိနိုင်ဖို့အတွက် ရည်ရွယ်တည်ဆောက်တာဖြစ်ပါတယ်။ အအေးခန်းစက်ရုံရဲ့ တန်ဖိုးက ကျပ်သိန်း ၂၀၀၀၀ ကုန်ကျမှာပါ။ ဒီလောက်ပမာဏကြီးကို တစ်ဦးတစ်ယောက်ချင်း အင်အားနဲ့ဆို ခဲယဉ်းပေမယ့်လည်း အားလုံးညီညီညွှတ်ညွှတ်နဲ့ ကြိုးစားခဲ့ရပါတယ်။ ပြိုင်တူတွန်းလို့ ရွေ့နိုင်တာပါ။” ဟု ဦးခွန်ဆန်းဦး က ဆက်လက်ပြောသည်။

အဆိုပါ တန်၂၀၀၀ ဆန့် (တန်၅၀၀ ၄ခန်း) အာလူးအအေးခန်းကြီးကို နောင်တရားမြို့၊ ရပ်ကွက်(၃)၊ ကျောင်းကုန်းစုဒေသရှိ ၁၂.၇၇ ဧက ကျယ်ဝန်းသည့် မြေပေါ်၌ တည်ဆောက်နေခြင်း ဖြစ်သည်။

နန်းထက်ထက်ချစ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more