နှင်းဖြူဖြူငါးစီဖေါင်း ကို အများအားဖြင့် သုပ်စားကြသဖြင့် ပြုလုပ်နည်းလေးကို ဖော်ပြပေးပါမည်။
ငါးစီဖေါင်းသုပ် ပြုလုပ်ရာတွင် -
ငါးစီဖေါင်းခြောက်၊ ကြက်သွန်ဖြူ/ နီ၊ ဆီအနည်းငယ်၊ ငံပြာရည်၊ ပဲမှုန့် ၊ ငရုတ်သီးစိမ်း၊ ရှောက်ရွက်၊ နံနံပင်၊ သံပုရာသီးတို့ လိုအပ်ပါသည်။
၁။ ပထမဦးစွာ ငါးစီဖေါင်းခြောက် နို့ဆီဘူး ၁ လုံးစာကို ဒယ်အိုးတွင် မီးအေးအေးနှင့် ကျက်အောင် လှော်ရပါမည်။
၂။ ပြီးနောက် လှော်ထားသောစီဖောင်းကို ပွလာအောင် (၁၀) မိနစ်ခန့် ရေစိမ်ထားရပါမည်။
၃။ ရေစိမ်ပြီးနောက် ရေစစ်ပြီးပါက စီဖောင်းများကို ကတ်ကြေးနှင့် အနေတော်အချောင်းလေးတွေ ဖြတ်ရပါမည်။
၄။ ထို့နောက် လှီးဖြတ်ထားသော စီဖောင်းခြောက်ကို ဆီအနည်းငယ်၊ ကြက်သွန်ဖြူ၊ ကြက်သွန်နီပါးပါးလှီး၊ ပဲမှုန့်၊ ငံပြာရည်၊ သံပုရာရည်၊ ငရုတ်သီးစိမ်းတို့ဖြင့်ရောနယ်ပြီး ရှောက်ရွက်နှင့် နံနံပင်လေးဖြူးပြီးပါက စားလို့ရပါပြီ။
ရှောက်ရွက်နံ့လေးသင်းနေပြီး သံပုရာရည်ညှစ်ထားသော ငါးစီဖေါင်းသုပ်မှာ အရသာထူးလှတာကြောင့် စားဖူးသူတိုင်းနှစ်သက်ကြသော ပင်လယ်စာတစ်မျိုးဖြစ်ပေသည်။
ငါးစီဖေါင်းကိုစားသုံးခြင်းဖြင့် အရွယ်တင်နုပျိုစေပြီး နှလုံးနှင့်သက်ဆိုင်သော ရောဂါများအတွက် အကျိုးပြုပြီး သက်ကြီးရွယ်အိုများနှင့် ကိုယ်ဝန်ဆောင်မိခင်များအတွက်လည်း သင့်တော်သည်ဟု ဖတ်မှတ်ရဖူးပါသည်။
ပင်လယ်ပြာ (ငါးဦးစီး)
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}