သနပ်ခါးဈေးကွက် ပွဲစားများကိုသာ အဓိကအားထားနေရ

22/05/2020 13:30 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား ပြီး Greenovator Greenovator မှ ပေးပို့ထားပါသည်။

မြန်မာထွက်ကုန်တစ်ခုဖြစ်သည့် သနပ်ခါးပင် ဈေးကွက်တင်ပို့ရောင်းချရာ၌ ပွဲစားများကိုသာ အဓိကအားထားနေရကြောင်း သနပ်ခါးစိုက်ပျိုးသည့်တောင်သူများက ဆိုသည်။

ဈေးကွက်အခက်အခဲကတော့ ဈေးကွက်တစ်ခုလုံးက ပွဲစားတွေလက်ထဲမှာ ရှိနေတာပါ။ သနပ်ခါးဈေးကွက်က လက်လီဈေးကွက်မှာ မပြတ်ပေမယ့် စိုက်ခြံသမားတွေမှာတော့ ပွဲစားတွေပေးတဲ့ဈေးပဲ ရကြတဲ့အခြေအနေပါ။

ဟု မကွေးတိုင်း၊ ပခုက္ကူခရိုင်၊ မြိုင်မြို့နယ်၊ အောင်သုခစံပြကျေးရွာမှ သနပ်ခါးပင်စိုက်ပျိုးသူ ကိုမင်းသူရှိန် က ပြောသည်။

တစ်နိုင်လုံးအတိုင်းအတာဖြင့် ရှင်မတောင်၊ ရွှေဘို၊ အရာတော် သနပ်ခါး (၃)မျိုးကို စိုက်ပျိုးနေကြပြီး ရှင်မတောင်သနပ်ခါးကို ဈေးကွက်လိုလားမှု ပိုများပြားသည်။

သနပ်ခါးပင်တစ်ပင်ရဲ့အခြေအနေပေါ် မူတည်ပြီး ပျမ်းမျှ (၆)ပေကနေ (၁၀)ပေ အရွယ်ရှိတဲ့ သနပ်ခါးတစ်ပင်ကို (၅,၀၀၀)ကျပ်ကနေ အမြင့်ဆုံးဈေး (၁၅,၀၀၀) (၂၀,၀၀၀) ကျပ် ရပါတယ်။ မြိုင်၊ ကံမ၊ ပခုက္ကူဘက်က ပွဲစားတွေက သနပ်ခါးခြံအရောက် လာဝယ်ကြတာပါ။

ဟု ကိုမင်းသူရှိန် က ဆက်လက်ပြောသည်။

သနပ်ခါးပင်သည် စိုက်ပျိုးပြီး (၇) နှစ်တွင် ဈေးကွက်တင်ပို့ရောင်းချနိုင်ပြီး အရည်အသွေးအဆင့်ပြည့်မီသည့် သနပ်ခါးပင်ဖြစ်စေရန်မူ အချိန်ကာလ (၁၀) နှစ်နှင့်အထက် ပြုစုထိန်းသိမ်းရကြောင်း သိရသည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်