သိန်းထောင်သောင်းချီတန်တဲ့ ကမ္ဘာတစ်လွှားဈေးအကြီးဆုံးဘွန်ဇိုင်းပင်များ

ဘွန်ဇိုင်းပင်ဆိုတာ နှစ်ပေါင်းရာကျော်အောင်နေနိုင်တဲ့ သက်ရှိအပင်လေးတွေပဲဖြစ်ပါတယ်။ ဘွန်ဇိုင်း ဆိုတဲ့ စကားဟာ ဂျပန်ဝေါဟာရတစ်ခုပါ။  'အိုးလေးထဲမှာ ရှင်သန်နေတဲ့အပင် ဒါမှမဟုတ် သစ်ပင်လေး’ လို့ အဓိပ္ပာယ်ရပါတယ်။

ဘွန်ဇိုင်းပင်လေးတွေက အပြင်မှာကြီးထွားနေတဲ့အပင်တွေလိုပဲ အိုးတွေမှာကြီးထွားနေကြတာ ဖြစ်လို့ လူပုံတူပန်းချီကားတစ်ချပ်နဲ့တောင် ဆင်တူပါတယ်။

ဒါကြောင့်လည်း ဘွန်ဇိုင်းအပင်လေးတွေကို ဈေးကြီးကြီးနဲ့ ရောင်းနေ ဝယ်နေကြတာပဲဖြစ်ပါတယ်။

ဘွန်ဇိုင်းပင်လေးတွေက ပုံသဏ္ဌာန်အမျိုးမျိုး အရွယ်အစားအမျိုးမျိုးနဲ့ ဒေါ်လာသန်းပေါင်းများစွာအထိ ဈေးတွေရှိပါတယ်။

အဓိကအားဖြင့်တော့ ဘွန်ဇိုင်းပင်ရဲ့ သက်တမ်း၊ လှပမှုအရည်အသွေး၊ ပင်စည်ထူထူနဲ့ ခိုင်ခန့်တဲ့ ကိုင်းပေါ်မူတည်ပြီး တန်ဖိုးကိုသတ်မှတ်ကြပါတယ်။

ဘွန်ဇိုင်းပင်လေးကိုဖန်တီးမယ်ဆိုရင် ပိုက်ဆံတွေအများကြီး အသုံးချဖို့မလိုအပ်ပေမယ့် အပင်ကောင်းလေး တစ်ပင်ရဖို့အတွက်တော့ နှစ်ပေါင်းများစွာ ဂရုတစိုက် စိတ်ရှည်ရှည်ထိန်းသိမ်းရလို့နူးညံ့တဲ့အလုပ်ပဲဖြစ်ပါတယ်။ 

ဘွန်ဇိုင်းအပင်ပြုစုနည်းကို မလေ့လာဘဲ ဈေးကြီးတဲ့ဘွန်ဇိုင်းအပင်ကို ဝယ်မိမယ်ဆိုရင် ပိုက်ဆံတွေကို ရေထဲပစ်ချလိုက်သလို ဖြစ်နေခဲ့မှာပါ။

ဒါဆိုကမ္ဘာပေါ်က ဈေးအကြီးဆုံးဘွန်ဇိုင်းအပင်တွေက ဘာဖြစ်မလဲ?

ပုံလေးတွေနဲ့တွဲပြီးကြည့်ကြရအောင်ပါ။

ဒီအပင်လေးကတော့ ရာစုနှစ်တစ်ခုရှိတဲ့ ထင်ရှူးဘွန်ဇိုင်းပင်ဖြစ်ပါတယ်။ အမေရိကန်ဒေါ်လာ ၁.၃ သန်း ( မြန်မာငွေ ကျပ် သိန်း ၃ သောင်းဝန်းကျင်) ရှိပြီးတော့ တကမက်ဆုပြည်နယ်၊ ဂျပန်နိုင်ငံမှာကျင်းပခဲ့တဲ့ အပြည်ပြည်ဆိုင်ရာ ဘွန်ဇိုင်းပြပွဲမှာ ရောင်းထွက်ခဲ့တာပဲ ဖြစ်ပါတယ်။

ဂျူနီပါဘွန်ဇိုင်းလို့ ခေါ်ပြီးတော့ သိန်းပေါင်းကတော့ ၇၀၀၀ ဝန်းကျင် ( အမေရိကန်ဒေါ်လာ ၃၅၀၀၀၀) ဖြစ်ပါတယ်။

တိုင်ကန်တန်း ဘွန်ဇိုင်းပြပွဲမှာပြသခဲ့တဲ့ ဂျူနီပါ လို့ခေါ်တဲ့ ဒီဘွန်ဇိုင်းပင်လေးဟာဆိုရင်တော့ သိန်းပေါင်းကတော့ ၃၃၀၀ ဝန်းကျင်ရရှိခဲ့တာပဲဖြစ်ပါတယ်။

ပုံမှာပြထားတဲ့အတိုင်း အဖြူရောင်ထင်ရှုးဘွန်ဇိုင်းလေးကတော့  ဂျပန်ငွေ ¥18,000,000 ဖြစ်ပါတယ်။ မြန်မာငွေနဲ့ဆိုရင်တော့ သိန်းပေါင်း ၃၀၀၀ ကျော်လောက်ဖြစ်ပါလိမ့်မယ်။

ဒီတုတ်ခဲနေတဲ့ ဘွန်ဇိုင်းပင်ကတော့ ဂျပန်ငွေ ¥12,000,000 ( ကျပ် သိန်းပေါင်း ၂၀၀၀ ဝန်းကျင်) ပါ။

ဘယ်ဘက်ကတော့ ဘွန်ဇိုင်းချစ်သူတွေတိုင်းကောင်းကောင်းသိကြတဲ့ မာစာဟီကို ကီမူရာနဲ့ ညာဘက်မှာ ရပ်နေတာကတော့ S -cube ဘွန်ဇိုင်းကုမ္ပဏီပိုင်ရှင် ဆိုင်းဂျိမိုရီမဲဖြစ်ပါတယ်။

သူတို့ရပ်နေကြတဲ့ ဘွန်ဇိုင်းပင်ကတော့ မြန်မာကျပ်ငွေ သိန်းပေါင်း ၆၀၀ ဝန်းကျင်ရှိပါတယ်။

ဒီအပင်လေးကတော့ သိန်းပေါင်း ၁၆၀၀ ဝန်းကျင်တန်ပါတယ်တဲ့။

ဒီဘွန်ဇိုင်းအိုးလေးကတော့ အပင်လေးတွေလောက်ဈေးမကြီးပေမယ့် မြန်မာကျပ် သိန်းပေါင်း ၃၀၀၀ ဝန်းကျင်ရှိပါတယ်။ အမေရိကန်ဒေါ်လာ 150,000 ပဲဖြစ်ပါတယ်။

ဆိုတော့ ဘွန်ဇိုင်းပင်လေးတွေဟာ ဖန်တီးဖို့အချိန်အများကြီးယူရသလို တန်ဖိုးထားတတ်သူတွေနဲ့ တွေ့သွားတော့လည်း ဖန်တီးရကျိုးနပ်တယ်လို့ပဲ ပြောရမှာပေါ့နော်။

ကဲ... ဈေးအကြီးဆုံးဘွန်ဇိုင်းပင်လေးတွေကို မြင်ဖူးပြီးသွားပြီဆိုတော့ အစိမ်းရောင်လမ်း စာဖတ်ပရိတ်သတ်တို့ဆီမှာရော ဘွန်ဇိုင်းအပင်လေးတွေ ဘယ်နှစ်ပင်ရှိလဲဆိုတာနဲ့ ဘယ်လောက်ထိ တန်ဖိုးထားတယ်ဆိုတာလေးတွေ ပြောပြသွားကြပါဦးနော်...

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်