ကြီးမြန်သစ်မာ ပင်ကျပ်ဈေးကွက် ပထမဆုံးအကြိမ် ဖော်ဆောင်နိုင်စေရန် ကြိုးပမ်းနေ

    ကြီးမြန်သစ်မာ ပင်ကျပ်ဈေးကွက် ပထမဆုံးအကြိမ် ဖော်ဆောင်နိုင်စေရန် ကြိုးပမ်းနေကြောင်း Fast-GRO မြန်မာ့ကြီးမြန်သစ်မာစိုက်ခင်းများ ဖွံ့ဖြိုးတိုးတက်ရေးအသင်းချုပ်(ဗဟို)မှ သိရသည်။

ပင်ကျပ်က အပင်ရွက်အုပ်နှစ်ခုထိသွားတဲ့အရွယ်ဆို ခုတ်လို့ရပြီ။ စိုက်ပျိုးပြီး နှစ်မိုး၊ သုံးမိုးလောက် အနေအထားပေါ့။ အပင်ထွားတဲ့အပေါ်လည်း မူတည်တယ်။ ဈေးကွက်က ဘယ်ကရမလဲဆိုတာရယ်၊ ပြည်တွင်းအတွက်၊ ပြည်ပအတွက် ဘယ်ဟာလဲလို့တော့ အတိအကျပြောလို့မရသေးပေမယ့် ပထမဦးဆုံးအနေနဲ့ ပင်ကျပ်ဈေးကွက်ရရှိဖို့ကို အသင်းက ဦးဆောင်ပေးနေပါတယ်။ မဝေးတော့တဲ့ကာလမှာ ပင်ကျပ်တွေ စတင်ရောင်းချနိုင်တော့မှာပါ။

ဟု Fast-GRO မြန်မာ့ ကြီးမြန်သစ်မာ စိုက်ခင်းများဖွံ့ဖြိုးတိုးတက်ရေးအသင်းချုပ်(ဗဟို)၏ အတွင်းရေးမှုးချုပ် ဒေါ်မင်းမင်းအေး က ပြောသည်။

    ကြီးမြန်ပင်များ စိုက်ပျိုးရာတွင် နာမကျန်းပင်အားလုံးနှင့် အခြားချို့တဲ့သောအပင်များ ယှဉ်ပြိုင်၍ ပေါက်ရောက်နေရာတွင် ကြီးထွားမှုနှေးကွေးပြီး ညံ့သောအပင်များမှာ လောင်းနာပင်အဖြစ် ကျန်ခဲ့သည်။ ၎င်းအပင်များ၊ ခွအပင်များ၊ ပုံပန်းသဏ္ဌာန်မကောင်းသောအပင်များကို ရွေးချယ်၍ ပင်ကျပ်နှုတ်ပေးရခြင်းဖြစ်သည်။ ကျန်းမာသန်စွမ်းမှုရှိသည့် အုပ်မိုးပင်များနှင့် အုပ်မိုးပြိုင်ပင်များကိုမူ နှုတ်ရန်မလိုဘဲ အပင်သက်ပတ်ကုန်ဆုံးသည်အထိ ချန်ထားရမည် ဖြစ်သည်။

ဈေးကွက်ဖော်ဆောင်ဖို့ ကြိုးပမ်းနေရာမှာ အစစအရာရာ သတိထားလေ့လာတွက်ချက်၊ ဝယ်လက်ကိုလည်း အကဲခတ်ပြီး ပစ္စည်းပေးနိုင်ရေးလည်း စစ်တမ်းကောက်နေပါတယ်။ ဌာနဆိုင်ရာအသီးသီးနဲ့ ဝယ်လက်တွေကို အတိအကျပြောဆိုနိုင်ဖို့အတွက်တော့ စိုက်ဧကစာရင်း အဓိကလိုနေတယ်။ ဒါ့ကြောင့် အပင်ရေ (စိုက်ဧက)စာရင်းရဖို့အတွက် တောင်သူတွေကို ပူးပေါင်းပါဝင်စေချင်တယ်။ စာရင်းပေးတဲ့တောင်သူ အတော်နည်းနေပါသေးတယ်။ ဈေးကွက်က သေချာမှုရှိပါတယ်။ စိုက်ပျိုးသူတွေဆီကနေ ကုန်ကြမ်းပမာဏ ဘယ်လောက်ရောင်းချနိုင်မလဲ၊ တစ်လတစ်လ တန်ချိန် ဘယ်လောက်ထွက်နိုင်မလဲဆိုတဲ့ အနီးစပ်ဆုံးစာရင်းရဖို့သာ လိုနေတာပါ။

ဟု ဒေါ်မင်းမင်းအေး က ဆက်လက်ပြောသည်။

    မြန်မာနိုင်ငံတွင် မန်ဂျန်ရှား၊ အကေးရှားမျိုးနဲ့ ကြီးမြန်ပင်များကို ဧရာဝတီတိုင်း၊ ပဲခူးတိုင်း၊ ရန်ကုန်တိုင်း၊ မွန်ပြည်နယ်၊ ကရင်ပြည်နယ်၊ မကွေးတိုင်း၊ မန္တလေးတိုင်း အစရှိသည့် ဒေသအသီးသီး၌ စိုက်ပျိုးထုတ်လုပ်နေကြသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်