စိုက်ပျိုးရေးကဏ္ဍ ပိုမိုတိုးတက်လာစေရန်နှင့် စိုက်ပျိုးရေးသီးနှံများ ဈေးကွက် အခိုင်အမာရရှိနိုင်ရန် ကြိုးပမ်းဆောင်ရွက်မည်

မြန်မာနိုင်ငံမှတင်ပို့သည့် စိုက်ပျိုးရေးသီးနှံများနှင့် ပို့ကုန်များကို နိုင်ငံတကာက လက်ခံနိုင်ရန်အတွက် GAP လက်မှတ်များ ထုတ်ပေးလျက်ရှိပြီး စိုက်ပျိုးရေးကဏ္ဍ ပိုမိုတိုးတက်လာစေရန်နှင့် စိုက်ပျိုးရေးသီးနှံများ ဈေးကွက်အခိုင်အမာရရှိနိုင်ရန် ကြိုးပမ်းဆောင်ရွက်သွားမည်ဟု ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းကပြောသည်။

ရန်ကုန်မြို့ရှိ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်တွင် ဇွန်လ ၂၉ ရက်က ကျင်းပပြုလုပ်သည့် နိုင်ငံတော်ဒုတိယသမ္မတ ၁ ဦးဆောင်သော ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီနှင့် ပုဂ္ဂလိကလုပ်ငန်းရှင်များ ၂၈ ကြိမ်မြောက် ပုံမှန်တွေ့ဆုံပွဲ၌ ယင်းကဲ့သို့ ၎င်းကပြောကြား ခဲ့ခြင်းဖြစ်သည်။

"GAP စနစ်နဲ့ စိုက်ပျိုးနေတဲ့ စိုက်ပျိုးရေးလုပ်ငန်းရှင်တွေကို ကျွန်တော်တို့ အသိအမှတ်ပြု ကတ်ပြားတွေ ထုတ်ပေးခဲ့ပါတယ်။ GAP စနစ်ကို ပြုစုပျိုးထောင်နေတာပဲ ဖြစ်ပါတယ်။ ဒါကိုပြုစုပျိုးထောင်ပေးရတဲ့ အဓိကရည်ရွယ်ချက်ကတော့ ကျွန်တော်တို့နိုင်ငံကပို့တဲ့ စိုက်ပျိုးရေးသီးနှံတွေ ပို့ကုန်တွေကို နိုင်ငံတကာက လက်ခံနိုင်ဖို့အတွက် ကျွန်တော်တို့ ပြင်ဆင်တာပဲ ဖြစ်ပါတယ်။ ကျွန်တော်တို့ရဲ့ ပို့ကုန်ကို စိုက်ပျိုးစဉ်ကာလထဲက စနစ်တကျပြုစုပျိုးထောင်ပြီး စိုက်ပျိုးဖို့လိုအပ်ပါတယ်။ ဒါကို ကျွန်တော်တို့ တိုင်းအတွင်းမှာ စတင်ပြီးတော့ ကြိုမ်းပမ်းဆောင်ရွက်နေတာ ဖြစ်ပါတယ်။" ဟု ဝန်ကြီးချုပ် ဦးဖြိုးမင်းသိန်းက ပြောသည်။

အစိုးရသစ် တာဝန်ယူခဲ့သည့် ကာလအတွင်း ရန်ကုန်တိုင်းဒေသကြီးရှိ လယ်ယာကဏ္ဍတွင် ဧက ၄၀၀၀ ဝန်းကျင်ကို အဆင့်မြင့်လယ်ယာများအဖြစ် ပြုပြင်ပေးနိုင်ခဲ့ပြီး တောင်သူလယ်သမားများ၏ လယ်ယာပြုပြင်ရေးကဏ္ဍအတွက် ကျပ်ငွေ ၈ ဘီလီယံခန့် ဆောင်ရွက်ပေးနိုင်ခဲ့ကြောင်း သိရသည်။

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ မြန်မာစိုက်ပျိုးရေးဆိုင်ရာ အလေ့အကျင့်ကောင်းများ (Good Agric ultural Practices -GAP) အသိအမှတ်ပြု လက်မှတ်ကို ဇွန် လ ၂၇ ရက်က ရန်ကုန်တိုင်းဒေသကြီး လွှတ်တော်ရုံးတွင် တောင်သူများအား ပေးအပ်ခဲ့ခြင်းဖြစ်သည်။

GAP ဆိုသည်မှာ မြေပြုပြင် စိုက်ပျိုးထုတ်လုပ်သည်မှ စားသုံးသူလက်ဝယ် ရောက်သည်အထိ ထုတ်လုပ်မှု ကွင်းဆက်တိုင်းတွင် စားသုံးသူအတွက် အန္တရာယ်ဖြစ်စေသည့် ကူးစက်ညစ်ညမ်းမှု အနည်းဆုံးဖြစ်စေရန် လိုက်နာရမည့် စိုက်ပျိုးရေးဆိုင်ရာ အလေ့အကျင့်ကောင်းများဖြစ်သည်။

"ဒါကြောင့် စိုက်ပျိုးရေးကဏ္ဍ ပိုမိုတိုးတက်လာစေဖို့နဲ့ ဈေးကွက်အခိုင်အမာ ရရှိနိုင်ဖို့အတွက် ကျွန်တော်တို့ ဆက်လက်ကြိုးပမ်း ဆောင်ရွက်ရမှာဖြစ်ပါတယ်။ ဒီကြိုးပမ်းဆောင်ရွက်မှုကို ကျွန်တော်တို့အစိုးရနဲ့ ပုဂ္ဂလိကကဏ္ဍနဲ့ ကျွန်တော်တို့ ဈေးကွက်အခိုင်အမာရရှိနိုင်ရေးအတွက် ဆက်လက်ကြိုးပမ်း ဆောင်ရွက်သွားရမှာဖြစ်ပါတယ်။ ဒီအတွက် လုပ်ငန်းရှင်တွေရဲ့ လိုအပ်ချက်တွေကို ကျွန်တော်တို့ တိုင်းဒေသကြီးအစိုးရအနေနဲ့လည်း တတ်စွမ်းတဲ့ဘက်ကနေပြီး ဖြည့်ဆည်းဆောင်ရွက်ပေးသွားမယ်။"ဟု ဦးဖြိုးမင်းသိန်းက ပြောသည်။

ထို့အပြင် စိုက်ပျိုးရေးဆိုင်ရာ အလေ့အကျင့်ကောင်းများ (GAP) တွင် အစားအစာဘေးအန္တရာယ် ကင်းရှင်းရေးကဏ္ဍ၊ ပတ်ဝန်းကျင်ထိန်းသိမ်းရေးကဏ္ဍ၊ သီးနှံများ၏ အရည်အသွေးကဏ္ဍနှင့် လုပ်သားများ၏ ကျန်းမာရေး၊ ဘေးအန္တရာယ် ကင်းရှင်းရေးနှင့် လူမှုဘဝသာယာရေးကဏ္ဍများ ပါဝင်ကြောင်းသိရသည်။

GAP လုပ်ဆောင်ရာတွင် မြေနေရာရွေးချယ်ခြင်း၊ ရေအသုံးပြုခြင်း၊ မျိုးစေ့၊ ပျိုးပင်ရွေးချယ်ခြင်း၊ မြေသြဇာနှင့် မြေဆီလွှာ ဖြည့်စွက်ပစ္စည်းများ၊ စိုက်ပျိုရေးသုံးနှင့် အခြားဓာတုပစ္စည်းများ၊ အပင်ပြုစုစောင့်ရှောက်ခြင်း၊ စိုက်ပျိုးရေးနှင့် အခြားဆက်စပ်ပစ္စည်းများ၊ ရိတ်သိမ်းခြင်းနှင့် ထွက်ကုန်ပြုပြင်ခြင်း၊ သိုလှောင်ခြင်းနှင့် သယ်ယူပို့ဆောင်ခြင်း၊ အဆောက်အဦများ ဆောက်လုပ်ထားခြင်း၊ တိရစ္ဆာန်နှင့် ဖျက်ပိုးများထိန်းချုပ်ခြင်း၊ အထောက်အထားများနှင့် မှတ်တမ်းများ၊ နောက်ကြောင်းပြန် စစ်ဆေးခြင်း၊ သင်တန်း၊ ပြန်လည်သုံးသပ်ခြင်း၊ တစ်ကိုယ်ရည်သန့်ရှင်းခြင်းနှင့် လုပ်သားဘဝ သာယာဝပြောရေးတို့မှာ လိုက်နာဆောင်ရွက်ရမည့် အချက်များဖြစ်သည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...