လုပ်သားအင်အားရှားပါးလာခြင်းကြောင့် အာလူးစိုက်ပျိုးသူများ ခေတ်မီစက်ကိရိယာကို အသုံးပြုစိုက်ပျိုးလာကြ

22/09/2020 13:22 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    လုပ်သားအင်အား တစ်စစရှားပါးလာခြင်းကြောင့် အာလူးစိုက်ပျိုးသူများအနေဖြင့် ခေတ်မီစက်ကိရိယာကို အသုံးပြု၍ စိုက်ပျိုးထုတ်လုပ်လာကြကြောင်း သိရသည်။ 

အခုနောက်ပိုင်းမှာ လုပ်သားရှာပါးလာတာကြောင့် လူအင်အားနဲ့မစိုက်တော့ဘဲ စက်နဲ့ပဲ စိုက်လာကြတယ်။ ဘောင်တင်ရင်လည်း စက်နဲ့၊ ဆေးဖျန်းရင်လည်း စက်နဲ့၊ အာလူးတူးဖော်ရင်လည်း စက်နဲ့ အကုန် ပေါက်ပြားကို သိပ်မသုံးဖြစ်တော့တာ။ ဧကသိပ်မများတဲ့ တောင်သူတွေလည်း တစ်နိုင်တပိုင် လက်တွန်းထွန်စက်တွေကို အသုံးပြုစိုက်ပျိုးလာကြတယ်။ လက်တွန်းထွန်စက်နဲ့ စိုက်ကြောင်းဖော်တယ်။ မြေသြဇာထည့်တာနဲ့ ပျိုးပင်ထည့်တာနဲ့ကို လူသုံးလိုက်တယ်။ ပြီးရင် ပြန်ဖုံးလိုက်တယ်။ ဘာဖြစ်လို့ဆိုရင် လုပ်သားအရင်းအမြစ်က အရမ်းရှားလာလို့ပါ။ လူတိုင်းက ကိုယ်ပိုင်သီးနှံစိုက်တယ်။ ကိုယ်ပိုင်အလုပ်လုပ်လာတယ်ဆိုတော့ လူငှားရဖို့ အဆင်မပြေတော့ဘူး။ စက်နဲ့ကျတော့ စနစ်ကျတယ်။ လေဘာခ သက်သာတယ်။ အချိန်ကုန်သက်သာတယ်။ အချိန်အတိအကျ ပြီးစီးတယ်။

ဟု ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသရှိ နောင်တရားအာလူးအသင်းဥက္ကဌ ဦးခွန်ဆန်းဦးက ပြောသည်။ 

    အာလူးထွက်နှုန်းတိုးတက်စေရန်နှင့် အရည်အသွေးကောင်းအာလူးများ ထုတ်လုပ်နိုင်စေရန်အတွက် ခေတ်မီစိုက်ပျိုးနည်းစနစ်များကိုလည်း ပြောင်းလဲအသုံးပြုလာကြသည်။ 

အာလူးစိုက်ပျိုးထုတ်လုပ်ရာမှာ ပုံမှန်တောင်သူစိုက်စနစ်နဲ့ အခုနောက်ပိုင်း ခေတ်မီစိုက်ပျိုးစနစ်တွေနဲ့ နည်းနည်းတော့ကွာလာတာပေါ့။ ပင်ကြားမှာ သိပ်မကွာပေမယ့် တန်းကြားအကျဉ်းအကျယ် ကွာတယ်။ ပုံမှန်တောင်သူစိုက်စနစ်မှာ တန်းကြားကို လက်မ(၂၀)လောက် ထားစိုက်တယ်။ အခုကျွန်တော်တို့ စိုက်တဲ့စနစ်မှာက (၂၈)လက်မလောက် ထားစိုက်တယ်။ ပင်ကြားကတော့ မျိုးဥနည်းနည်းသေးရင် (၈) လက်မ၊ မျိုးဥနည်းနည်း ကြီးရင် (၁၀)လက်မထားတယ်။ အမှန်ကတော့ တန်းကြားကို နည်းနည်းလေး ချဲပေးတာက ပိုသင့်တော်တယ်။ နည်းနည်းလေး ပိုချဲစိုက်တဲ့အခါကျတော့ မြေကြီးမှာလည်း လေဝင်လေထွက်ကောင်းပြီး အပင်ကြီးလာတဲ့အခါ အာလူးသီးဘုလုံးတွေ ကြီးထွားဖို့အဆင်ပြေစေပါတယ်။ မြေနေရာကျဉ်းတဲ့တောင်သူများအနေနဲ့ကတော့ မြေနေရာအပေါ် မူတည်စိုက်ပျိုးကြတာလည်း ရှိပါတယ်။ ကျွန်တော်တို့ဒေသမှာက မြေကလည်း ရှားတာကိုး။

ဟု ဦးခွန်ဆန်းဦးက ဆက်လက်ပြောသည်။ 

    အောင်မြင်ဖြစ်ထွန်းသည့် အာလူးစိုက်ပျိုးရေးခြံတစ်ခု ဖြစ်လာစေရန် ရာသီဥတုမှန်ကန်ခြင်း၊ မျိုးကောင်းမျိုးသန့်များ အသုံးပြုစိုက်ပျိုးခြင်း၊ စိုက်နည်းစနစ် မှန်ကန်ခြင်း၊ အတွေ့အကြုံအရ သုံးသပ်ချက်များ မှန်ကန်စနစ်ကျခြင်းတို့ လိုအပ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်