ငါး/ပုစွန်မှသည် ​တန်ဖိုးမြှင့်ရေထွက်ပြုပြင်ထုတ်ကုန် ထုတ်လုပ်နည်း

ငါး၊ ပုစွန် စတဲ့ ရေထွက်ကုန်များကို ပြုပြင်၍ တန်ဖိုးမြှင့်ထုတ်ကုန် ငါး/ပုစွန် /မျှင်ငံပြာရည် ပြုလုပ်၍ ရသဖြင့် ပြုလုပ်နည်းလေးကို ဖော်ပြပေးပါမည်။

ငါးငံပြာရည် ပြုလုပ်ဖို့-

ငါးတောင်စင်း (သို့) ငါးဘဲဖြူ - ၁တင်း

ဆား -၂ပိဿာ ၅၀ကျပ်သား တို့လိုအပ်ပါသည်။

ပြုလုပ်နည်းမှာ-

၁။ ငါးများကို ရေစင်ကြယ်စွာဆေး၍ ရေစစ်ပါ။

၂။ ရေစစ်ပြီးသောငါးများကို ဆားနှင့်ရောနယ်ပြီး စဉ့်အိုးများတွင် ထည့်၍ နေပူထဲတွင် အဖုံးပိတ်ထားပါ။

၃။ သုံးလခန့်ကြာလျှင် ငါးအိုးများကို ဖွင့်ကြည့်ပါက နူးနပ်၍ နေသည်ကို တွေ့ရပါမည်။

၄။ ၄င်းငါးများအား နာနာမွှေပေးလျှင် အားလုံးကြေမွ၍ သွားပါလိမ့်မည်။

၅။ အရည်ပျစ်လွန်းလျှင် ဆားကျက်ရည် ရောထည့်ပြီး ဂုန်နီအိတ်ပါးပါးနှင့် စစ်ပါ။ အထပ်ထပ် စစ်ပေးပါလျှင် ဆီကဲ့သို့ ကြည်လင်နေသော ငံပြာရည်ကို ရပါလိမ့်မည်။

၆။ ငံပြာရည်ကောင်းကောင်း စားသုံးလိုပါက ငါးတစ်တင်းလျှင် ငါးငံပြာရည် နှစ်ပုံး၊ သုံးပုံးထက် ပိုမချက်ပါနှင့်။

၇။ စစ်ပြီးငံပြာရည်များကိုလည်း နေပူလှန်းထားပါ။ နေဖြင့်ချက်ပြီးသား ဖြစ်နေပါလိမ့်မည်။

ပုစွန်စိမ်း ငံပြာရည်ပြုလုပ်ဖို့-

ပုစွန်ဆိတ်၊ ပုစွန်ကျော့ - ၁၀ ပိဿာ

ဆား - ၂ပိဿာ ၅၀ ကျပ်သား

သကြား- အသင့်အတင့် တို့လိုအပ်ပါသည်။

ပြုလုပ်နည်းမှာ-

၁။ ပုစွန်များကို ရေစင်ကြယ်စွာဆေးပြီး အမှိုက်သရိုက်များကို ဖယ်ရှားပစ်ပါ။

၂။ ဆေးပြီးပုစွန်များကို ရေစစ်၍ ဆား နှင့်ရောနယ်ပြီးစဉ့်အိုး သိပ်ထားပါ။

၃။ စဥ့်အိုးကို နေပူထဲတွင် အဖုံးဖုံး၍ ပစ်ထားပါ။

၄။ သုံးလခန့်ကြာလျှင် ပုစွန်များ နူးနပ်နေပါလိမ့်မည်။

၅။ ၄င်းပုစွန်များကို ဆယ်၍ ငရုတ်ဆုံတွင် သော်လည်းကောင်း၊ အသား ကြိတ်စက်တွင်သော်လည်းကောင်း ထောင်းပါ။ ကြိတ်ပါ။

၆။ ၄င်းနောက် ဆားရည်ကျို၍ ထပ်လောင်းပါ။ ထောင်းပြီးပုစွန်များနှင့် ရောမွှေပြီး အထက်ပါနည်းအတိုင်း ဂုန်နီအိတ်ပါးနှင့် အထပ်ထပ် ရေစစ်ပါ။

၇။ အရောင်အတွက် သကြားလှော်ထည့်ပါလေ။

၈။ စစ်ပြီးငံပြာရည်များကို နေပူတွင် ထားလိုက ထားပါ။ (သို့မဟုတ်) ကျိုချက်၍ ပုလင်းများ၊ စဉ့်အိုးများနှင့် သိုမှီးထားပါ။

၉။ ပုစွန် ၁၀ပိဿာလျှင် ငံပြာရည်အကောင်းဆုံး ၃ ပုံးရအောင်ချက်ပါ။

၁၀။ ရောင်းတန်းအတွက် ၅ပုံး၊ ၆ပုံး ရအောင် ချက်နိုင်ပါသည်။

မျှင်ငံပြာရည် ပြုလုပ်ဖို့-

မျှင်ငါးပိကောင်းကောင်း- ၁ဝ ပိဿာ

ဆား - ၁ပိဿာ

သကြား- ၅ကျပ်သား တို့ လိုအပ်ပါသည်။

ပြုလုပ်နည်းမှာ-

၁။ ဆား ၁ ပိဿာအား ရေနွေးနှင့် ရောကျို ပြီးလျှင် အအေးခံထားပါ။

၂။ ၄င်းရေနှင့် မျှင်ငါးပိများကို ရေဖျော်ပြီး နေပူထဲတွင် စဉ့်အိုးနှင့်ထည့်၍ နေလှန်းပါ။

၃။ လေး၊ ငါး ရက် နေ ရလျှင် လေးထောင့်စင်လုပ်၍ ဂုန်နီအိတ်ပါးပါးနှင့်စစ်ပါ။

၄။ ပထမ ရေများကျလာပါလိမ့်မည်။ ၄င်းရေ အနောက်များကို ထပ်တလဲလဲ စစ်ပေးလျှင် ဆီကဲ့သို့ ကြည်လင်သော ငံပြာရည် ရလာပါလိမ့်မည်။

၅။ သကြားငါးကျပ်သားခန့်ကို ဒယ်အိုးတွင် မတူးမခြစ်စေပဲ ညိုရောင်လာအောင် လှော်ထည့်ပါလျှင် အရောင်လှပါသည်။

၆။ ကြာရှည်ခံစေရန် ငံပြာရည်များကို ကျို ၍ ပုလင်း၊ စဉ့်အိုးများတွင် သိုမှီးထားနိုင်ပါသည်။

မှီငြမ်း-ဦးကြီးပု၏ ချက်နည်းပြုတ်နည်း ၅၀၀ စာအုပ်မှ ကောက်နှုတ် ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...