ငါးမွေးမြူရန် ကန်ရေပြင်ဆင်နည်း

ငါးမွေးမြူရေးအားစတင်လျှင် ကန်၏အောက်ခြေကြမ်းပြင်ပေါ်သို့ ထုံးဖြူးပေးရန် လိုအပ်ပါသည်။ ထုံးအမျိုးအစား ၃ မျိုးရှိရာ မဖောက်ထုံး ခေါ် ဆောက်လုပ်ရေးလုပ်ငန်းသုံးထုံးသည် ပြင်းအားများပြီး ကိုင်တွယ်ရာတွင် အန္တရာယ်ရှိပါသည်။ ထုံးကြက်တက်ရေ ခေါ် ဖောက်ထုံးသည် ကွမ်းယာသုံး ထုံးအမျိုးအစားဖြစ်ပြီး ပြင်းအားအနေဖြင့် အသင့်အတင့်ရှိပါသည်။ စိုက်ပျိုးရေးထုံး ခေါ် ထုံးကျောက်မှုန့်သည် ပြင်းအားအနည်းဆုံးဖြစ်ပြီး ကိုင်တွယ်ရန် အန္တရာယ်အကင်းဆုံး ဖြစ်ပါသည်။

ကန်သစ်များတွင် ကန်ပြင်ဆင်မှု နောက်ဆုံးအဆင့်ဖြစ်သည့် မွေးမြူမည့်ကန်ရေအား ပြင်ဆင်သည့်အချိန်တွင် အသုံးပြုသင့်သောနှုန်းထားများမှာ မဖောက်ထုံးအတွက် တစ်ဧကလျှင် ၂.၅ ပိဿာနှုန်း၊ ဖောက်ထုံး ခေါ် ထုံးကြက်တက်ရည်အတွက် တစ်ဧက လျှင် ပိဿာ ၂၀ နှုန်းနှင့် စိုက်ပျိုးရေးသုံးထုံးအတွက် တစ်ဧကလျှင် ၂၅ ပိဿာနှုန်းဖြင့် သုံးစွဲနိုင်ပါသည်။

ထိုသို့ သုံးစွဲရာတွင် ထုံးအမျိုးအစားတစ်မျိုးတည်းသာသုံးစွဲရန် လိုအပ်ပြီး ဦးစားပေးသုံးစွဲသင့်သော ထုံးအမျိုးအစားမှာ စိုက်ပျိုးရေးသုံးထုံးအမျိုးအစားဖြစ်ပါသည်။

ကန်အောက်ခြေမြေသားအား ထုံးထည့်ပြီးပါက ကန်အား ရေ ၁ ပေခန့် သွင်းပေးရပါမည်။ ထိုသို့ထည့်သွင်းရာတွင် မလိုလားအပ်သော သားစားငါးသားပေါက်များ ရေနှင့်အတူ ကန်အတွင်းသို့ ဝင်ရောက်လာခြင်းမရှိစေရန်အတွက် ရေအားဇကာဖြင့်စစ်၍ ထည့်သွင်းပေးရန်လိုအပ်ပါသည်။ ရေထည့်သွင်းပြီး တစ်ပတ်ခန့်အကြာတွင် သက်ရှိအစာဖြစ်သော အပင်မျှောလှေးနှင့် သတ္တဝါမျှောလှေးများ ပေါက်ဖွားလာပြီး ရေ၏အရောင်မှာ စိမ်း-ဝါ-ညို ရောင် ဖြစ်လာမည် ဖြစ်ပါသည်။ ထိုအချိန်တွင် ကန်ရေကို မိမိလိုအပ်သလောက် ထပ်မံ ဖြည့်သွင်းပေးရမည် ဖြစ်ပါသည်။ သက်ရှိအစာပေါက်ဖွားနှုန်း လုံလောက်ခြင်း ရှိ/မရှိကို ရေကြည်နှုန်းတိုင်းကိရိယာဖြင့် တိုင်းတာခြင်းဖြင့် သိရှိနိုင်ပါသည်။

ရေကြည်နှုန်း ၃၀-၄၀ စင်တီမီတာအတွင်းရှိလျှင်အကောင်းဆုံးဖြစ်ပါသည်။ လိုအပ်ပါကရေသြဇာအတွက် မြေသြဇာဓာတ်များအား ထည့်သွင်းပေးနိုင်ပါသည်။ မြေသြဇာထည့်သွင်းနှုန်း တစ်ဧကကန်အတွက် သဘာဝမြေသြဇာ (နွားချေး/ဝက်ချေး-၃၀ ပိဿာ) သို့မဟုတ် ဓာတုမြေသြဇာ(ယူးရီးယား၊ တီစူပါ-၁၅ ပိဿာ)အား ထည့်သွင်းပေးနိုင်ပါသည်။ ကန်၏ရေကြည်နှုန်းသည် ၃၀ စင်တီမီတာခန့်ရှိပြီး ရေ၏အရောင်သည် စိမ်း-ဝါ-ညို ရောင် ဖြစ်နေပါက သားပေါက်များထည့်သွင်းရန် အသင့်တော်ဆုံး အခြေအနေသို့ရောက်ရှိနေပြီ ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ငါးမွေးမြူရန် ကန်ရေပြင်ဆင်နည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ငါးမွေးမြူရန် ကန်ရေပြင်ဆင်နည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ငါးမွေးကန်ပြင်ဆင်ခြင်း

ငါးနှင့်ငါးမွေးမြူရေးလုပ်ငန်းအကြောင်း၊ ကန်သစ်တူးဖော်ရန်မြေနေရာရွေးချယ်ခြင်း၊ တည်ဆောက်ခြင်း

ငါးမွေးမြူရေးနှင့် ရေအရည်အသွေးစီမံခန့်ခွဲမှု အပိုင်း(၁)

{{ post.title }}