တစ်ပတ်အတွင်း ကမ္ဘာ့ရော်ဘာဈေးကွက်သုံးသပ်ချက်

ဒီအပတ်တော့ မြန်မာ့ရော်ဘာသတင်းတပုဒ်ကို ကိုပြောပြချင်တယ်။ သတင်းခေါင်းစဉ်က "ရော်ဘာအိတ်စပို့ တက်လာပေမယ့် အထွက်က အားရစရာမရှိသေး" တဲ့ ။ ဒီဘဏ္ဍာရေးနှစ်မှာ မြန်မာအနေနဲ့ ရော်ဘာတန်ချိန် ၁၅၀၀၀၀ တင်ပို့ဘို့ရှိနေတယ်တဲ့။ မနှစ်က တင်ပို့လိုက်တာက တန် ၁၄၀၀၀၀ ဆိုတော့ များလာတာအသေအချာပေါ့။ ဒါပေမယ့် မြန်မာ့ရော်ဘာစိုက်ပျိုးထုတ်လုပ်သူများအသင်း အင်္ဂလိပ်လိုတော့ Myanmar Rubber Planters and Producers Association အတိုကောက် MRPPA ရဲ့ အတွင်းရေးမှူး ဦးခိုင်မြင့် ပြောတာက မြန်မာ့ရော်ဘာထုတ်လုပ်မှုဟာ ဖြစ်သင့်တာထက်နည်းနေတယ်တဲ့။

ဦးခိုင်မြင့်ပြောတာက စိုက်ဧကနဲ့ပဲတွက်တွက်၊ အိမ်နီးချင်းနိုင်ငံတွေနဲ့ပဲ နှိုင်းယှဉ်ယှဉ် မြန်မာ့ရော်ဘာအထွက်က နည်းနေတယ်တဲ့။ ရော်ဘာအထွက်ကို တစ်နှစ်ကို တစ်ဧကမှာ ဘယ်နှပေါင်ထွက်တယ်လို့ပြောရင် မြန်မာနိုင်ငံကပျမ်းမျှ ပေါင် ၇၀၀ ခန့်သာထွက်တယ်။ ၇၀၀ ပေါင်/ဧက/နှစ်ပေါ့။ အိမ်နီးချင်းထိုင်းနိုင်ငံမှာ ပေါင် ၁၆၀၀ နဲ့ အိန္ဒိယမှာ ပေါင် ၁၈၀၀ ထွက်တယ်။ သူတို့ရဲ့ ပျမ်းမျှအထွက် ပေါင် ၁၀၀၀ နဲ့ယှဉ်ကြည့်လိုက်ရင် အတော်နည်းနေတာတွေ့ရတယ်။

" ဆိုတော့ မြန်မာ့ ရော်ဘာအထွက်နှုန်းအဆင့်ဟာ အခြားရော်ဘာထွက် တိုင်းပြည်တွေရဲ့ တစ်ဝက်မျှသာရှိနေတယ်။ ဒါကဘာကိုပြလဲဆိုတော့ မြန်မာတွေက မျိုးအမှားကို သုံးနေကြလို့ပဲ" လို့ ဦးခိုင်မြင့်က ပြောပါတယ်။ မြန်မာတွေသုံးနေတဲ့မျိုးက အထွက်နည်းတဲ့ မျိုးဖြစ်နေလို့ပဲ။ တစ်ဧကကို တစ်နှစ် ပေါင် ၅၀၀ ကနေ ပေါင် ၁၀၀၀ အထိထွက်တဲ့မျိုးကိုသာ သုံးနေကြတော့ ပျမ်းမျှအထွက်က ပေါင် ၇၀၀ လို့ဆိုတာပါပဲ။ ခုလောလောဆယ် ရော်ဘာစိုက်ဧက ၇၅၀၀၀၀ ရှိတယ်ဆိုတော့ မြန်မာ့ရော်ဘာအထွက်ကို မှန်းကြည့်လို့ရပါတယ်။

ရော်ဘာက နှစ်ရှည်ပင်။ ခြစ်ရဘို့ ၇ နှစ်စောင့်ရတယ်။ မျိုးညံ့ကိုသုံးမိရင် ရင်းရတဲ့ အချိန်၊ ငွေအား၊ လူအားစတာတွေတွက်လိုက်ရင် အတော်နစ်နာတယ်။ ညံ့မညံ့ဆိုတာ ထွက်လာမှသိရင်လည်း။ ရုတ်တရက် အစားထိုးပြန်စိုက်ဘို့ဆိုတာကလည်း မလွယ်တော့ဘူး။ စိုက်မယ်ကြံရင် မျိုးသေချာရွေးကြပါလို့။

ကမ္ဘာ့ရော်ဘာဈေးကိုကြည့်ရင် တိုကျိုရဲ့ စံထားတဲ့ ကန်ထရိုက်ရော်ဘာဈေးဟာ ဗုဒ္ဓဟူးနေ့မှာ ပြန်တက်လာပါတယ်။ ၄ ရက်ဆက်တိုက်ကျခဲ့ကာ ပြီးခဲ့တဲ့နေ့က ၂၂ လအတွင်းအနိမ့်ဆုံးဈေးကိုရောက်ခဲ့ရာမှ ပြန်တက်လာတာပါ။ ရှန်ဟိုင်းရော်ဘာဈေးပြန်ရလာတာနဲ့ ကုန်သည်တွေက ဈေးအကျမှာ လိုက်ဝယ်ကြလို့ပါပဲ။ အဝယ်လိုက်တော့ ဈေးပါလိုက်လာပါတယ်။

ဈေးကွက်မှာ ရောင်းတာက မတရားများနေပြီးဆိုတော့ ပြန်ဝယ်ကြတာပေါ့လေ။၊ ရှန်ဟိုင်းဈေးပြန်ရလာတာလည်း ဈေးတက်ဘို့ အထောက်အပံ့ဖြစ်တယ်။

အရှေ့တောင်အာရှရဲ့ ရော်ဘာဈေးကို အရိပ်ထိုးတဲ့ TOCOM ရော်ဘာဈေးဟာ အင်္ဂါနေ့မှာ ၂၀၁၆ ခု အောက်တိုဘာ ၅ ရက်ကစတွက်ရင် အနိမ့်ဆုံးဈေးကိုရောက်သွားတယ်။ အမေရိကန်-တရုတ် ကုန်သွယ်ရေးကတောက်ကဆတ်ဖြစ်မှု မြင့်တက်လာတော့ စိုးရိမ်ပြီး ဈေးကိုဆွဲချသွားတာပါ။

TOCOM ရဲ့ ဒီဇင်ဘာကန်ထရိုက်ရော်ဘာဈေးဟာ ၂.၁ ယန်း သို့မဟုတ် ၁.၃% တက်ကာ ၁၆၈.၄ ယန်း($၁.၅၂)/ ကီလိုဂရမ်နဲ့ ဈေးပိတ်သွားတယ်။

လာအိုရေကြီးတဲ့သတင်းကလည်း မဲခေါင်ဒေသတွင်း ရော်ဘာအထွက်လျော့မှာ စိုးရိမ်စရာဖြစ်နေပါတယ်။ ကုန်းတွင်းပိတ်နိုင်ငံဖြစ်တဲ့ လာအိုနိုင်ငံအစွန်အဖျားမှာ ဆည်ကျိုးပြီးနောက် လူ ၁၉ ဦး သေဆုံးပြီး ၃၀၀၀ ကျော်ကို ကယ်ဆယ်ဘို့လိုအပ်နေတယ်လို့ လာအိုသတင်းဌာနတွေက ဗုဒ္ဓဟူးနေ့တုန်းက ပြောထားတယ်။

ကြာသပတေးနေ့မှာ တိုကျိုရဲ့စံထားရော်ဘာဟာ ဈေးကျသွားတယ်။ ကမ္ဘာ့အကြီးဆုံးဝယ်လက်ဖြစ်တဲ့ တရုတ်ရဲ့ ဝယ်လိုအား နည်းသွားမှာကို စိုးရိမ်လို့ပါ။ ဒါကလည်း ကုန်သွယ်ရေးအခြေအနေတင်းမာမှုက မြင့်တက်လာတာကိုး။ ဘေကျင်းက အမေရိကန်သံရုံးရှေ့မှာ ပေါက်ကွဲမှုတခုဖြစ်ခြင်းက နိုင်ငံရေးအခြေအနေတည်ငြိမ်မှုကို ခြိမ်းခြောက်လာပြီလေ။

" ရင်းနှီးမြှုပ်နှံသူတွေက တရုတ်ရဲ့ စီးပွားရေးနဲ့ နိုင်ငံရေးအခြေအနေနှစ်ခုလုံးအပေါ် စိုးရိမ်ပူပန်မှုတွေဖြစ်လာတယ်။ ယူအက်စ်နဲ့ဖြစ်နေတဲ့ ကုန်သွယ်ရေးစစ်ပွဲက ဆက်ဖြစ်နေတယ်မဟုတ်လား။" လို့ သူက ပြောပါတယ်။

မိုးသည်းထန်မှုကြောင့် ယူနန်ပြည်နယ်ရဲ့ ရော်ဘာအထွက်ကို ထိခိုက်မှုအချို့ ရှိတယ်လို့လည်းကြားတယ်။ ထိခိုက်လို့ရော်ဘာအထွက်နည်းရင် ထုံးစံအတိုင်း ဈေးပိုပေးဝယ်ရမှာဖြစ်ပေမယ့် ခုအချိန်က တရုတ်-အမေရိကန် ကုန်သွယ်ရေးစစ်ပွဲကြောင့် စိုးရိမ်နေတော့ ဈေးကတော့ ဖိအားရှိနေဆဲပါ။ ဒီနေ့သောကြာ ဈေးပိတ်ချိန်မှာတော့ ရှန်ဟိုင်းက အကျနဲ့ ပိတ်ကာ (၁၀ ယွမ်) တိုကျိုက အနည်းငယ်အတက်နဲ့(ဝ.၉ ယန်း) ပိတ်ပါတယ်ခင်ဗျ။

ညီသွေး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...