တစ်ပတ်အတွင်း စိတ်ဝင်စားစရာ အမေးအဖြေများ

စနေနေ့လေးကိုပြန်လည်ရောက်ရှိလို့လာပါပြီ။

ဒီတစ်ပတ်အတွက် စိတ်ဝင်စားစရာ အမေးအဖြေတွေက ဘာတွေဖြစ်မလဲ..?

မေးခွန်းနဲ့ အဖြေတွေကတွေကတော့ အစိမ်းရောင်လမ်းဆော့ဝဲရဲ့ အမေးအဖြေကဏ္ဍမှာ တောင်သူတွေ မေးလာခဲ့တဲ့ မေးခွန်းတွေကို တခြားတောင်သူတွေပါသတိထားနိုင်ဖို့အတွက် ဗဟုသုတရဖွယ် ကောင်းနိုး ရာရာတွေကို ရွေးထုတ်ပြီးဖော်ပြပေးနေခြင်းပဲဖြစ်ပါတယ်။

Green Way ဆိုတာ စိုက်ပျိုး၊ မွေးမြူရေး၊ ရေလုပ်ငန်းနဲ့ ဆိုင်တဲ့ သတင်းတွေဆောင်းပါးတွေကို တောင်သူတွေကို အခမဲ့ဖြန့်ဖြူးပေးနေတဲ့ ဆော့ဝဲတစ်ခုပါ။ ဒီဆော့ဝဲထဲမှာဆို စိုက်ခင်းထဲက ပြဿနာတွေ ဇဝေဇဝါဖြစ်နေတဲ့ အကြောင်းအရာတွေကို တိုင်ပင်ဆွေးနွေးလို့ရနိုင်တဲ့ အခန်းကဏ္ဍလေး ရှိပါတယ်။ အဲ့ဒါကတော့ အမေးအဖြေကဏ္ဍပါ။ မေးခွန်းတွေကိုမေးမြန်းချင်ရင်တော့ အမေးအဖြေ ကဏ္ဍသို့ဝင်ကာ ပို့စ်တင်ပြီးမေးလို့ရနေပါတယ်။ ပညာရှင်တွေနဲ့ အတွေ့အကြုံရှိတောင်သူတွေ မှန်မှန်နဲ့ မြန်မြန်ဖြေပေးနိုင်အောင် အတတ်နိုင်ဆုံးကြိုးစားပြီး ဝင်ဆွေးနွေးပေးကြပါတယ်ရှင့် ။

ဒီတစ်ပတ်ရဲ့ စိတ်ဝင်စားစရာ မေးခွန်းတွေကတော့.....

၁။ မေး (U Than Htay Lwin) - ကြံ လမိုင်းထားခြင်းဆိုတာ ဘာလဲဗျ မသိလို့ ရှင်းပြကြပါအုံးဗျ။

ဖြေ (ဆုမြတ်နိုး) - ကြံကိုအကုန်ရိတ်သွားတာမဟုတ်ဘဲ အဆစ်ချန်ပြီးဖြတ်သွားတာပါရှင့်။ အဲ့အဆစ်ကနေ ထပ်ထွက်လာတာကြောင့် နောက်တစ်နှစ်မှာ အသစ်ထပ်စိုက်စရာမလိုတော့တာကို လမိုင်းထားတယ်လို့ခေါ်ပါတယ်ရှင့် ။

၂။ မေး (မင်းမင်း) - မတ်ပဲ တစ်ရာသီမှာမှိုဆေး ဘယ်နှစ်ကြိမ်သုံးရလဲ။ ပြီးတော့မှိုဆေးကို တစ်မျိုးထဲကို ပြီးသည့်အချိန်ထိသုံးရင်ရောဆင်ပြေမပြေလေးသိချင်ပါတယ်။ ဆရာမိတ်ဆွေတို့ ရှင်းပြပေးပါ။

ဖြေ (ဒို့ဦးလေး) - တစ်ရာသီ၃ကြိမ် သုံးနိုင်ပါတယ်၊ တစ်မျိုးတည်း သီးနှံအစအဆုံး မသုံးသင့်ပါ။ ကာကွယ်ဆေး၊ပြီးမှ ကုသဆေး သုံးပါ။

(Kyaw Kyaw Oo) - ရောဂါမကျခင်မှာ ကာကွယ်ဆေးဖျန်းပြီး ရောဂါကျလျင် ကုသဆေးဖျန်းသင့် ပါတယ်..။ အလှည့်ကျဖျန်းတာအကောင်းဆုံးပါ...။

(Say Yar) – ၃ ကြိမ်။

၃။ မေး (ဦးစိန်ယွန်း) - စိုက်ပျိုးရေး ပညာရှင်များခင်ဗျာ။ တောင်သူများအငြင်းပွားမှုတွေ ရှိနေကြတဲ့ မေးခွန်းလေးမေးချင်လို့ပါ။ ပက်ကြဲတဲ့ ပုလဲမြေဩဇာနဲ့ အရွက်ဖျန်းနေတဲ့ ပုလဲမြေဩဇာ မတူဘူးလို့ ပြောတဲ့သူနဲ့ ၊ အတူတူပါပဲ အမှုန့်ကြိတ်ပေးထားတာကလွဲလို့ဆိုတဲ့သူနဲ့ ဘယ်သူကအမှန်ဆိုတာ ရှင်းပြပေးပါခင်ဗျာ။

ဖြေ (ဒို့ဦးလေး) - အတူတူပါဘဲခင်ဗျာ နိုက်ထြိုဂျင် ၄၆% ပါဝင်တဲ့ယူရီးယားပါပဲ။ အပင်က ယူရီးယားကို စားသုံးတဲ့ပုံစံ မတူတာပဲကွာပါတယ်။ ယူရီးယားကို မြေကြီးထဲကျွေးရင်၊ အပင်က တိုက်ရိုက်မစားနိုင်သေးဘဲ အကျိုးပြုဘက်တီးရီးယားများမှ၊ အမိုနီယံပုံစံနဲ့ နိုက်ထြိတ်ပုံစံ ပြောင်းပေးပြီးမှ အမြစ်ကတဆင့် အပင်ထဲရောက်ပါတယ်။ ယူရီးယားကို ရေH2Oနဲ့ ဖျော်ပြီး အရွက်ကိုဖျန်းရင်..အမိုးနီးယားနဲ့ ကာဗွန်ဒိုင်အောက်ဆိုဒ်အဖြစ် ဓာတ်ပြောင်းသွားလိူ့ အရွက်က တိုက်ရိုက်စားသုံးနိုင်ပါတယ်။ ဒီဖြစ်စဥ်က အကြမ်းဖျဥ်းပြောပြတာဖြစ်ပါတယ်။

၄။ မေး (Kyaw Win Htun) - ငရုတ်အညှာတွေအဲ့လိုဖြစ်နေလို့ ဘာဆေးဖြန်းရမလဲသိချင်လို့ပါ။

ဖြေ (ဒို့ဦးလေး) - အသီးတောင့်ငယ်စဥ်အရွယ်မှာ လှေးကျခံရလို့ ဂျွတ်တက်တာပါ။ နောက်ထပ်မဖြစ်အောင် လှေးဆေး ဖျန်းပေးရပါတယ်။

(Aung Zayya) - မင်းမဟော်ကထုတ်တဲ့မင်းသားဆေးဖျန်းပါ။

၅။ မေး (နေထက်) - ဗမာ နွားမတကောင်ကိုယ်ဝန်ဆောင်ကာလာဘယ်နှစ်လကြာပါသလဲခင်ဗျာ။

ဖြေ (ဆုမြတ်နိုး) - 283 ရက်ပါ ၉ လကျော်ကျော်ရှင့်။

(Kyaw Aung) - ၉. လကျော် တစ်ခါတလေ ၁၀ လအပြည့်နေတာလဲရှိပါတယ်။

အခုလိုမျိုးသိချင်တဲ့ အကြောင်းအရာတွေအပြန်အလှန်ဆွေးနွေးဖို့ အစိမ်းရောင်လမ်းရဲ့ အမေးအဖြေကဏ္ဍကနေ ဖိတ်ခေါ်ပါတယ်နော်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...