တစ်ပတ်အတွင်း သီးနှံဈေးကွက်သုံးသပ်ချက်

(၅.၁၀.၂၀၂၀ မှ ၉.၁၀.၂၀၂၀) ထိ

တစ်ပတ်အတွင်း အပြောင်းအလဲ ဖြစ်ပေါ်ခဲ့တဲ့ လယ်ယာထွက်ကုန် သီးနှံဈေးနှုန်းများ

ရန်ကုန်

မတ်ပဲ

မတ်ပဲကတော့ ဒီတစ်ပတ်မှာလည်း ထပ်ပြီးဈေးတွေ တက်လာပါတယ်။ အိန္ဒိယကနေ ပဲတွေဆက်တိုက် ဝယ်ယူမှုတွေကြောင့် ဈေးက တက်နေခဲ့တာဖြစ်ပါတယ်။ ပဲတွေကတော့ လက်ရှိတောင်သူတွေ လက်ထဲ မှာတော့ မရှိပါဘူး။ ကုန်သည်များအကြားသာ အရောင်းအဝယ်ရှိနေတာဖြစ်ပါတယ်။

ရန်ကုန်ဈေးကွက်မှာ မတ်ပဲက တစ်တန်ကို ၁၂၀၀၀၀၀ ပေါက်ဈေးရှိပြီးတစ်ပတ်အတွင်း တစ်တန်ကို ၇၀၀၀၀ ကျော်ဈေးတက်လာပါတယ်.

မန္တလေးဈေးကွက်မှာတော့ သုံးတင်းဝင်တစ်အိတ်ကို ၁၁၀၀၀၀ ကနေ ၁၁၅၀၀၀ ပေါက်ဈေးရှိပြီး တစ်အိတ်ကို ငွေကျပ် ၂၀၀၀ နီးပါးဈေးတက်လာခဲ့ပါတယ်။

မော်လမြိုင်ဈေးကွက်မှာတော့ တစ်တင်းကို ၃၉၀၀၀ ပေါက်ဈေးရှိပြီး တစ်တင်းကို ၂၄၀၀ ကျပ်ဈေးတက်လာပါတယ်။

ပဲစင်းငုံနီ

ပဲစင်းငုံနီကလည်း ဒီတစ်ပတ်မှာဈေးတက်လာပါတယ်။မတ်ပဲ နည်းတူ အိန္ဒိယကဝယ်ယူမှုတွေ ပြုလုပ်လာတဲ့အတွက် ဈေးတက်လာတာဖြစ်ပါတယ်။ လက်ရှိနယ်ဈေးကွက်တွေမှာ ပဲအသစ်တွေ စဝင်ရောက်လာတာတွေ့ ရပါတယ်။

ရန်ကုန်ဈေးကွက်မှာတော့ ပဲစင်းငုံနီက တစ်တန်ကို ၉၂၀၀၀ ဝပေါက်ဈေးရှိပြီး ပြီးခဲ့တဲ့ အပတ်နဲ့ ယှဉ်ရင် တစ်တန်ကို ငွေကျပ် ၁ သိန်းနီးပါး ဈေးတက်လာပါတယ်။

မန္တလေးဈေးကွက်မှာတော့ ပဲစင်းငုံနီက သုံးတင်းဝင် တစ်အိတ်ကို ၈၇၀၀၀ မှ ၈၈၀၀၀ ပေါက်ဈေးရှိပြီး တစ်အိတ်ကို ၁၁၅၀၀ ကျပ်ဈေးတက်လာပါတယ်။

အောင်လံဈေးကွက်မှာတော့ တစ်တင်းကို ၂၇၅၀၀ မှ ၂၈၅၀၀ ပေါက်ဈေးရှိပြီးတစ်တင်းကို ၂၅၀၀ ကျပ်ဈေးတက်လာပါတယ်။

ကုလားပဲ

ကုလားပဲကတော့ ဒီတစ်ပတ်မှာလည်း ဈေးက တက်နေပါတယ်။ ပြည်ပ ဝယ်ယူမှုရော ပြည်တွင်း ဝယ်ယူမှုရော ရှိနေတဲ့အတွက်ဈေးက တက်နေခဲ့တာဖြစ်ပါတယ်။ လက်ရှိမှာတော့ အဟောင်းတွေ မရှိတော့ပဲ ပဲအသစ်တွေကထွက်ရှိပြီး အရောင်းအဝယ် ကောင်းနေပါတယ်။

ရန်ကုန်ဈေးကွက်မှာ ကုလားပဲလုံးဖြူက တစ်ပိဿာကို ၁၅၃၀ ကနေ ၁၆၃၅ ပေါက်ဈေးရှိပြီး တစ်ပိဿာကို ၂၀၀ နီးပါး ကျပ်ဈေးတက်လာပါတယ်။ ကုလားပဲလုံးဖြူကြီးကလည်း တစ်ပိဿာကို ၁၅၃၀ ကနေ ၁၆၃၅ ပေါက်ဈေးရှိပြီး တစ်ပိဿာကို ၁၀၀ ကျပ်ဈေးတက်လာပါတယ်။ ကုလားပဲခြမ်းကတော့ တစ်ပိဿာကို ၂၀၅၀ ကျပ်ကနေ ၂၂၀၀ ပေါက်ဈေးရှိပြိး ၃၅၀ ကျပ်ဈေးတက်လာပါတယ်။

မန္တလေးဈေကွက်မှာတော့ ကုလားပဲ(ထိုင်ဝမ်)က တစ်အိတ်ကို ၈၅၀၀၀ ကနေ ၈၈၂၀၀၀ ပါက်ဈေးရှိပြီး တစ်အိတ်ကို ၆၀၀၀ ကျပ်ဈေးတက်လာပါတယ်။ ကုလားပဲ V2 ကတော့ တစ်အိတ်ကို ၉၃၀၀၀ ကနေ ၉၅၀၀၀ ပေါက်ဈေးရှိပြီး ၅၀၀၀ ကျပ်ဈေးတက်လာပါတယ်။

ကုလားပဲ 929 ကတော့ တစ်အိတ်ကို ၉၀၀၀၀ ကနေ ၉၂၀၀၀ ကျပ်ရှိပြီးတစ်အိတ်ကို ၆၀၀၀ ကျပ်ဈေးတက်လာပါတယ်။ ကုလားပဲ V7 ကတော့ တစ်အိတ်ကို ၉၂၀၀၀ ကနေ ၉၃၀၀၀ ကျပ်ရှိပြီး ၃၀၀၀ ကျပ်အသီးသီး ဈေးတက်လာပါတယ်။

ကုလားပဲကတော့ ဈေးကထပ်ပြီး တက်နိုင်ခြေရှိပါတယ်။

စားတော်ပဲလုံး

စားတော်ပဲလုံးက လက်ကျန် လုံး၀ မရှိတော့တဲ့အတွက် ဈေးကတက်နေပါတယ်။ ပြည်တွင်းဝယ်ယူမှုတွေလည်း များနေပါတယ်။

ရန်ကုန်ဈေးကွက်မှာ တစ်ပိဿာကို ၂၂၅၀ မှ ၂၆၇၀ ပေါက်ဈေးရှိပြီး ၂၅၀ ကျပ်ဈေးတက်လာပါတယ်။မန္တလေးဈေးကွက်မှာတော့ သုံးတင်းဝင် တစ်အိတ်ကို ၆၂၅၀၀ ကနေ ၁၅၀၀၀၀ ပေါက်ဈေးရှိပါတယ်။

ဆင်ဖြူကျွန်းမှာတော့ တစ်တင်းကို ၅၀၀၀၀ ပေါက်ဈေးရှိပြီး ၂၀၀၀ ကျပ်ဈေးတက်လာပါတယ်။

ပြည်ကုန်စည်ဒိုင်မှာလည်းတစ်တင်းကို ၅၀၀၀၀ ပေါက်ဈေးရှိပြီးဈေးငြိမ်ပါတယ်။

ကြက်သွန်နီ

ကြက်သွန်နီကတော့ ဒီတစ်ပတ်မှာဈေးက ပြန်ကျဆင်းသွားပါတယ်။ အဝင်တွေက များလာတဲ့အပြင် ပြည်ပတင်ပို့မှု အနည်းငယ်အေးသွားတဲ့အတွက်ကြောင့် ဈေးကပြန်ကျဆင်းသွားတာဖြစ်တယ်လို့ သိရပါတယ်။ ပြည်တွင်းလက်ကျန်တွေကလည်း များတဲ့အတွက်ကြောင့် ဈေးကကျဆင်းနိုင်ခြေရှိသေးတယ်လို့ကုန်သည်တွေ ဆိုပါတယ်။

ရန်ကုန်ဈေးကွက်မှာ ကြက်သွန်နီ (ဆိပ်ဖြူ)က တစ်ပိဿာကို ၈၀၀ ကနေ ၁၁၀၀ ပေါက်ဈေးရှိပြီး တစ်ပိဿာကို ၁၅၀ လောက်ဈေးပြန်ကျဆင်းသွားပါတယ်။

ဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...