တစ်ပတ်အတွင်း သီးနှံဈေးကွက်သုံးသပ်ချက်

၁၉.၁၀.၂၀၂၀ မှ ၂၃.၁၀.၂၀၂၀ ထိ

တစ်ပတ်အတွင်း အပြောင်းအလဲ ဖြစ်ပေါ်ခဲ့တဲ့ လယ်ယာထွက်ကုန် သီးနှံဈေးနှုန်းများ

မတ်ပဲ

မတ်ပဲကတော့ ဒီတစ်ပတ်မှာ ဈေးက အတက်အကျ တည်ငြိမ်မှုမရှိပါဘူး။ ပြီးခဲ့တဲ့ အပတ်ကတည်းက ဈေးက အနည်းငယ်ပြန်ကျဆင်းသွားခဲ့ပါတယ်။ တစ်ပတ်အတွင်းမှာတော့ အဝယ်အနည်းငယ်တက်နေတဲ့အတွက် ဈေးက အများကြီး ထင်သလောက် ကျဆင်းသွားတာမျိုးမရှိတာလည်းတွေ့ရပါတယ်။

ရန်ကုန်ဈေးကွက်မှာ တစ်ပတ်အတွင်း တစ်တန်ကို ၁၁၃၀၀၀၀ ကနေ ၁၁၅၀၀၀၀ ကြားအရောင်းအဝယ်ဖြစ်နေပါတယ်။

မန္တလေးဈေးကွက်မှာတော့ သုံးတင်းဝင် တစ်အိတ်ကို ၁၁၈၀၀၀ ကနေ ၁၂၆၀၀၀ ပေါက်ဈေးရှိပြီး တစ်အိတ်ကို ၆၀၀၀ လောက်ဈေးတက်လာပါတယ်။ မျိုးပဲတွေလည်း အရောင်းအဝယ်ရှိတဲ့အတွက် နယ်ဈေးကွက်မှာတော့ အတက်အကျက သိပ်ပြောင်းလဲမှုမရှိပါဘူ။

မော်လမြိုင်ဈေးကွက်မှာတော့ တစ်တင်းကို ၃၈၀၀၀ ကျော်ပေါက်ဈေးရှိပြီး တစ်တင်းကို ငွေကျပ် ၁၅၀၀ လာက်ဈေးကျဆင်းသွားပါတယ်။

ပဲစင်းငုံနီ

ပဲစင်းငုံနီကတော့ ဒီတစ်ပတ်မှာ တစ်တန်ကိုငွေကျပ် ၁၀ သိန်းကျော်အထိ ဈေးက တက်သွားခဲ့ပါတယ်။ အိန္ဒိယအပြင် အခြားနိုင်ငံတွေကပါ ဝယ်ယူမှုတွေကြောင့် ဈေးကအခုလိုတက်လာတာဖြစ်ပြီး ထပ်ပြီး တက်နိုင်ခြေရှိတယ်လို့ ကုန်သည်အချို့က ဆိုထားပါတယ်။

ပဲစင်းငုံနီက ပြီးခဲ့တဲ့ တစ်လအတွင်း တစ်တန်ကို ငွေကျပ် နှစ်သိန်းနီးပါးဈေးတက်လာခဲ့ပါတယ်။

၂၀၁၉ ကတည်းက ပြီးခဲ့တဲ့ နှစ်လလောက်အထိ တစ်တန်ကို ငွေကျပ် ၇ သိန်း ကနေ ၈ သိန်းကြားသာ အရောင်းအဝယ်ရှိနေခဲ့တဲ့ ပဲစင်းငုံနီက အိန္ဒိယနိုင်ငံမှာ ရေကြီးရေလျံကြောင့်၊ ရာသီဥတုဆိုးရွားမှု စတဲ့ ဆိုးကျိုးတွေကြောင့် မြန်မာ့ပဲတွေက အဝယ်ပြန်လိုက်လာပြီး ဈေးကတက်နေခဲ့တာလည်း ဖြစ်ပါတယ်။

ရန်ကုန်ဈေးကွက်မှာ လက်ရှိ တစ်တန်ကို ငွေကျပ် ၁၀ သိန်းကျော်ပေါက်ဈေးရှိပြီး ပြီးခဲ့တဲ့ အပတ်နဲ့ ယှဉ်ရင် တစ်တန်ကို ၈၅၀၀၀ လောက်ဈေးတက်လာပါတယ်။

မန္တလေးဈေးကွက်မှာတော့ တစ်အိတ်ကို ၉၅၀၀၀ ကနေ ၉၇၀၀၀ ပေါက်ဈေးရှိပြီး တစ်အိတ်ကို ၈၀၀၀ လောက်ဈေးတက်လာပါတယ်။

ပဲတီစိမ်း

ပဲတီစိမ်းက ဒီတစ်ပတ်မှာတော့ တရုတ်က အဝယ်များတဲ့အတွက်ကြောင့် ဈေးတွေ ပြန်တက်လာပါတယ်။ လအတော်ကြာ ဈေးကွက်ထဲ ဈေးငြိမ်နေခဲ့ပါတယ်။

ရန်ကုန်ဈေးကွက်မှာတော့ ပဲတီစိမ်း (ပခုက္ကူ၊ခရမ်းရွှေဝါ၊ပဲခူးရွှေဝါ၊) တို့က တစ်ပိဿာကို ၁၉၅၀ ကနေ ၂၂၂၀ ပေါက်ဈေးရှိပြီး တစ်ပိဿာကို ၅၀ ကျပ်ဈေးတက်လာပါတယ်။

မန္တလေးဈေးကွက်မှာတော့ သုံးတင်းဝင် တစ်အိတ်ကို ၁၂၀၀၀၀ ကနေ ၁၂၇၀၀၀ ပေါက်ဈေးရှိပြီး တစ်အိတ်ကို ၁၀၀၀၀ ကျပ်ဈေးတက်လာပါတယ်။

မုံရွာဈေးကွက်မှာတော့ တစ်တင်းကို ၃၈၅၀၀ ကျပ်ပေါက်ဈေးရှိပြီး တစ်တင်းကို ၁၀၀၀ ကျပ်ဈေးတက်လာပါတယ်။

ပဲယင်း

ပဲယင်းက ဈေးကွက်ထဲ သိပ်မကျန်တော့တဲ့အတွက် ဈေးကတက်လာတာဖြစ်သလို လက်ရှိမှာ ပြည်တွင်း ပြည်ပ အဝယ်တွေကြောင့် ပဲမျိုးစုံလည်းဈေးတက်နေတာဖြစ်လို့ ပဲယင်းကလည်း လိုက်တက်နေတာဖြစ်ပါတယ်။ ပဲယင်းက အခြားပဲတွေလိုမဟုတ်ပဲ အရောင်းအဝယ် ငြိမ်ပါတယ်။

မန္တလေးဈေးကွက်မှာ ပဲယင်း(အကြီး၊အသေး)က တစ်အိတ်ကို ၆၅၀၀၀ ကနေ ၇၂၀၀၀ ပေါက်ဈေးရှိပြီး တစ်အိတ်ကို ၇၀၀၀ ကျပ်ဈေးတက်လာပါတယ်။

ပဲဇီးကွက်

ပဲဇီးကွက်ကလည်း ဒီတစ်ပတ်မှာ ဈေးတက်လာပါတယ်။ပြည်တွင်း ဝယ်ယူမှုများတဲ့အတွက်ဈေးက တက်နေတာဖြစ်ပါတယ်။

မန္တလေးဈေးကွက်မှာ တစ်အိတ်ကို ၇၈၀၀၀ ကနေ ၈၀၀၀၀ ပေါက်ဈေးရှိပြီး တစ်အိတ်ကို ၇၀၀၀ လောက်ဈေးတက်လာပါတယ်။

အာလူး

တရုတ်အာလူးတွေကဈေးကွက်ထဲကို ဆက်တိုက် ဝင်လာနေတဲ့အတွက်ကြောင့် ပြည်တွင်း အာလူးဈေးကလည်း ကျဆင်းသွားပါတယ်။

ပြီးခဲ့တဲ့လက ပြည်တွင်းအာလူးတွေ ဈေးတက်တဲ့အတွက် ပြည်ပအာလူးကိုတင်သွင်းမှုကြောင့် ဈေးက အများကြီး မတက်လာပဲဈေးထိန်းလိုက်တဲ့ အခြေအနေလည်းဖြစ်ပါတယ်။

ရန်ကုန်ဈေးကွက်မှာ တစ်ပိဿာကို ၅၈၀ ကနေ ၆၈၀ ပေါက်ဈေးရှိပြီး တစ်ပိဿာကို ၂၀ ကျပ်လောက်ဈေးကျဆင်းသွားပါတယ်။

ဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...