နွမ်းနေတဲ့ဆလပ်ရွက်တွေ ပြန်လန်းလာအောင်လုပ်နည်း

ဆလပ်ရွက်ဆိုတာကလည်း ခြောက်တာမြန်မှမြန် အခုဝယ်မကြာခင် နွမ်းပဲဗျို့ နေပူချိန်ကလည်း သေးမှမသေးပဲ။

အဲ့ဒါနဲ့ပတ်သတ်ပြီး ဟိုးတနေ့က Heather Rodino ရေးထားတဲ့ Household Hints စာအုပ်ထဲမှာ ဆလပ်ရွက်ပြန်လန်းနည်းကို သွားတွေ့လိုက်တယ်။ ကိုယ်တိုင်စမ်းကြည့်လိုက်တော့ အဟုတ်ရှင့်။ အတော်ကိုပြန်လန်းလာတယ် ။ ဘယ်လောက်ထိ လန်းနိုင်မလဲဆိုတာ သိချင်လို့ အတော်နွမ်းကျသွားအောင် တစ်ညလောက် ထားပြီးမှ စမ်းလိုက်တာ။ နေတော့မထိပါဘူး ။ မီးဖို့ချောင်မှာက ပန်းကန်စင်လေးပေါ်မှာပဲ အပြန့်လိုက်လေးတင်ထားလိုက်တာ။ စမ်းကာနီးကျတော့ အတော်ကိုနွမ်းနေပြီ။

ဆလပ်ရွက်နွမ်းနေတာကို ပြန်လန်းလာအောင် ဘယ်လိုလုပ်ရမလဲဆိုတော့..

(၁) နွမ်းခြောက်နေတဲ့ ဆလပ်ရွက်ကို အမှုန်အမွှား အညစ်ကြေးလေးတွေစင်သွားအောင် ရေလေးနဲ့ တစ်ထပ်ဆေးလိုက်တယ်။

(၂) ရေခဲရေ တစ်ဘူးမအေးတအေးလေးကို ဇလုံထဲထည့်ပြီး သံပုရာသီးတစ်ခြမ်း ညှစ်ထည့်လိုက်ပါတယ်။

(၃) ပြီးတော့ ဝယ်လာတဲ့ ဆလပ်ရွက် တစ်စီးကို တစ်ရွက်ချင်းစီဖြဲပြီးတော့ ဇလုံထဲထည့်လိုက်ပါတယ်။

(၄) ရေခဲသေတ္တာထဲမှာ အဲ့ဒီဇလုံကို နာရီဝက်လောက် ထည့်ထားလာတာ တကယ် တကယ် ပြန်လန်းလာတယ် ။

တော်တော်နွမ်းသွားတာတောင် ၇၀ ရာခိုင်နှုန်းလောက်ထိပြန်လန်းလာတာကို ပုံမှာသာ ကြည့်လိုက်ကြပါတော့ရှင်။ ဒါတောင် ရေခဲသေတ္တာထဲထည့်ထားတဲ့ အချိန် ၁နာရီလောက် မီးပျက်သွားသေးတယ်။ တကယ်လို့ ဆလပ်ရွက်က အဲ့ဒီလောက်လည်း မခြောက်သွားဘူး မီးလည်းမပျက်ဘူး ပုံမှန်အတိုင်းအစီအစဉ်တကျ သွားမယ်ဆို ဒီထက်ပိုလန်းနိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...