ကမ္ဘာ့ဘဏ် အထောက်အပံ့ကြောင့် ထိခိုက်မယ့် အန္တရာယ် သတိပေး

မြန်မာနိုင်ငံ အပါအဝင် အရှေ့တောင်အာရှဒေသမှာ ကမ္ဘာ့ဘဏ်က ရင်းနှီးမြှုပ်နှံ လုပ်ကိုင်နေတဲ့ စီးပွားရေး လုပ်ငန်းတွေကြောင့် မြေယာ သိမ်းဆည်းမှု၊ အတင်းအဓမ္မပြောင်းရွှေ့ခံရမှု၊ ပတ်ဝန်းကျင် ထိခိုက် ပျက်စီးမှု အန္တရာယ်တွေနဲ့ ရင်ဆိုင်နေရတယ်လို့ ဖွံ့ဖြိုးမှု လုပ်ငန်းတွေကို စောင့်ကြည့် အကဲခတ်နေတဲ့ နိုင်ငံတကာ အဖွဲ့တခုက သတိပေးလိုက်ပါတယ်။

ကမ္ဘာ့ဘဏ်က တဆင့်ခံ ထောက်ပံ့ထားတဲ့ လုပ်ငန်းတွေကြောင့် ဆင်းရဲ မွဲတေမှု၊ လူမှုရေး မတည်မငြိမ်မှု၊ ရာသီဥတုဖောက်ပြန်မှုတွေကို အားပေးရာ ရောက်တယ်လို့လည်း Inclusive Development International ရဲ့ အစီရင်ခံစာသစ်က ထောက်ပြခဲ့တာပါ။ မြန်မာနိုင်ငံ တနင်္သာရီတိုင်း အတွင်းက ကျောက်မီးသွေး တူးဖော်ရေး လုပ်ငန်းဟာ ဆိုရင်လည်း ကမ္ဘာ့ဘဏ် လက်အောက်ခံ နိုင်ငံတကာငွေကြေးကော်ပိုရေးရှင်း (IFC) အဖွဲ့က တဆင့်ခံ ထောက်ပံ့ထားတဲ့အကြောင်း အစီရင်ခံစာက ဖော်ပြထားပါတယ်။

IFC က ဒေါ်လာ ၄၈၆ သန်း ထောက်ပံ့ထားတဲ့ ပုဂ္ဂလိက ဘဏ်လုပ်ငန်း ၂ ခုဟာ ကျောက်မီးသွေး တူးဖော်ရေး လုပ်ငန်းမှာ အဓိက ရင်းနှီးမြှုပ်နှံထားတဲ့ Energy Earth ထိုင်းကုမ္ပဏီရဲ့ အစု ရှယ်ယာတွေကို ပိုင်ဆိုင်ထားပြီး၊ စီမံကိန်းက အကျိုးအမြတ် ၇၀ ရာခိုင်နှုန်းကို ကုမ္ပဏီက ရရှိမှာ ဖြစ်တယ်လို့လည်း ပြောပါတယ်။

ဒါပေမဲ့လည်း ဘန်ချောင်းကျောက်မီးသွေး စီမံကိန်းကြောင့် ကျေးရွာပေါင်း ၂၃ ရွာက လူပေါင်း တသောင်း ၆ ထောင်လောက် ထိခိုက် နိုင်သလို၊ ပတ်ဝန်းကျင် ထိခိုက်မှုတွေ ကြုံရနိုင်တယ်လို့လည်း သတိပေးထားပါတယ်။

အစိမ်းရောင်လမ်း စိုက်ပျိုးရေး ဖုန်းဆော့ဝဲလ် (Green Way Mobile-App)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်