နိုင်ငံတကာဈေးကွက်တွင် မြန်မာ့ဆန်ဈေး အနည်းငယ်တက်လာ

ဖိလစ်ပိုင်နိုင်ငံမှ ယခုနှစ် ဆန်၀ယ်မည့်အစီစဉ်ကြောင့် နိုင်ငံတကာဈေးကွက်တွင် မြန်မာဆန် ဈေးအနည်းငယ် မြင့်တက်လာသည်။

ပြီးခဲ့သည့်နှစ် ဒီဇင်ဘာတွင် နိုင်ငံတကာဈေးကွက်၌ မြန်မာဆန်ဖြူ ၅ မှတ် (အကျိုးအကြေ ၅ ရာခိုင်နှုန်း)သည် တစ်တန် ပြည်ပရောင်းချသည့် FOB( free on board) ဈေး အမေရိကန်ဒေါ်လာ ၃၃၇ ဈေးဖွင့်သည်။

အဆိုပါဈေးနှုန်းသည် မြန်မာနိုင်ငံ၏ မိုးစပါးပေါ်ချိန် အောက်တိုဘာလနှင့် နှိုင်းယှဉ်လျှင် ဆန်တစ်တန်၏ တန်ဖိုး ၃ ရာခိုင်နှုန်း၀န်းကျင်မြင့်တက်ခဲ့သည်။ အောက်တိုဘာတွင် မြန်မာ့ဆန်ဖြူ ၅ မှတ် တစ်တန်ဒေါ်လာ ၃၂၆ ၀န်းကျင် ဈေးဖွင့်ခဲ့သည်။

ဖိလစ်ပိုင်နိုင်ငံသည် ပြီးခဲ့သည့် နှစ်က မြန်မာနိုင်ငံမှ ဆန်တန်ချိန် ၁၀၀,၀၀၀ ကျော် ၀ယ်ယူခဲ့သည်။ မြန်မာနိုင်ငံမှ ပြည်ပသို့ဆန်တင်ပို့ရောင်းချရာတွင် တရုတ်နိုင်ငံက အများဆုံး ဆန်၀ယ်ယူသည့် နိုင်ငံဖြစ်သည်။

ပြည်ပသို့ဆန်တင်ပို့ရာတွင် တရုတ်နိုင်ငံက ဈေးကွက်ဝေစု ၄၀ ရာခိုင်နှုန်းကျော်အထိ ရယူထားသဖြင့် နှစ်သစ်ကူးကာလ တရုတ်မှဆန်လိုင်စင် များချထား‌ပေးမှု နှောင့်နှေးမှုကြောင့် ပြည်တွင်းဆန်ဈေး၊ စပါးဈေး ထပ်မံကျမည်ကို စိုးရိမ်စရာဖြစ်သော်လည်း ဖိလစ်ပိုင်နှင့် ဥရောပနိုင်ငံများ၏ ဆန်အ၀ယ်များက ပြည်တွင်းဆန်ဈေး အကျသက်သာစေခဲ့သည်။

သို့သော် ဥရောပသမဂ္ဂ (အီးယူ)နိုင်ငံများက အာရှမှဆန်တင်သွင်းမှု ကန့်သက်ရန် စဉ်းစားနေသည်ဟု နိုင်ငံတကာသတင်းအချို့တွင်ဖော်ပြကြသည်။ ဥရောပနိုင်ငံများမှ ၆.၂mm အထက်အသွယ် ပေါင်းဆန်နှင့် ဆန်ဖြူ ၅% ကို ဇန်နဝါရီတွင် စတင်တင်ပို့ရန် စာချုပ်ချုပ်ဆိုထား‌ကြောင်း မြန်မာနိုင်ငံဆန်စပါး စိုက်ပျိုးထုတ်လုပ်သူများအသင်း ဥက္ကဌကပြီးခဲ့သည့် နှစ်ဒီဇင်ဘာလတွင် အသီပေးထားသည်။

၂၀၂၅-၂၆ ဘဏ္ဍာနှစ် ဧပြီမှ နို၀င်ဘာအထိ ၈ လတွင်း မြန်မာနိုင်ငံမှ ဥရောပနိုင်ငံများသို့ ဆန်တန်ချိန် ၁၅၇,၀၀၀ ကျော်တင်ပို့ထားပြီး ပြည်ဆန်တင်ပို့မှုစုစု‌ပေါင်း၏ ၁၇ ရာခိုင်နှုန်းရှိနေသည်။

မြန်မာနိုင်ငံသည် ပြည်ပသို့နှစ်စဉ်ဆန်နှင့် ဆန်ကွဲ တန်ချိန် ၃ သန်း၀န်းကျင် တင်ပို့နေသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...