အစိမ်းရောင်လမ်း

အစိမ်းရောင်လမ်း အက်ပ်

အမေးအဖြေနှင့် အသိပေးချက်များကို ပိုမြန်မြန် ရယူနိုင်ပါသည်။

ရယူရန် ရယူရန်
ပဲနီလေးနှင့် ကျန်းမာရေးကောင်းကျိုးများ

ပဲနီလေးနှင့် ကျန်းမာရေးကောင်းကျိုးများ

ပဲနီလေးတွင် ကယ်လိုရီနည်းပါးစွာပါဝင်ပြီး အာဟာရကြွယ်ဝသောကြောင့် ကျန်းမာရေးအတွက် များစွာအထောက်အကူပြုပါသည်။ ချက်ရပြုတ်ရလွယ်ကူပြီး အရသာလည်းရှိသောကြောင့် လူကြိုက်များကြပါသည်။

ပဲနီလေးကို တချို့ဒေသများတွင် ပဲရာဇာဟုလည်း ခေါ်ဝေါ်ကြပါသည်။ ပဲနီလေးကို ပဲနီလေးဟင်းချို၊ ပဲနီလေးကြာဆံဟင်းခါး၊ ပဲနီလေးဆန်ပြုတ်၊ ပဲနီလေးအာလူးချက် စသဖြင့် ပြုလုပ်၍ စားလေ့ရှိကြသည်။ ပဲနီလေးနှင့် ပဲဝါလေး နှစ်မျိုးစလုံးတွင် တူညီသော ကျန်းမာရေးအကျိုးကျေးဇူးတွေကို ရရှိစေကြောင်း သိရပါသည်။

ပဲနီလေးတွင် -

(၁) ကိုလက်စထရောပါဝင်မှုနည်းပါးခြင်း

- ပဲနီလေးတွင် ကိုလက်စထရောပါဝင်မှုကို လျော့ကျစေပြီး ရေတွင်ပျော်ဝင်နိုင်သော အမျှင်ဓာတ်

   ပါဝင်ပါသည်။

- သွေးထဲက ကိုလက်စထရော လျော့ကျခြင်းသည် နှလုံးရောဂါနှင့် ရုတ်တရက်လေဖြတ်ခြင်းကို

   ကာကွယ်နိုင်ပြီး သွေးကြောများကို သန့်စင်စေပါသည်။

(၂) နှလုံးကျန်းမာရေးကို အထောက်အကူပြုခြင်း

- ပဲနီလေးသည် အမျှင်ဓာတ်ကြွယ်ဝသောကြောင့် နှလုံးရောဂါဖြစ်ပွားနိုင်ချေကို လျော့နည်းစေပါသည်။

- Folate နှင့် Magnesium ကြွယ်ဝမှုကြောင့် နှလုံးကျန်းမာစေပါသည်။ Magnesium သည်

   သွေးလည်ပတ်မှုကို ကောင်းမွန်စေသောကြောင့် ခန္ဓာကိုယ်အတွက် လိုအပ်သည့် အာဟာရဓာတ်နှင့်

   အောက်ဆီဂျင်များကို လိုအပ်သောနေရာတွေအထိ ရရှိစေပါသည်။

- Magnesium ချို့တဲ့လျှင် နှလုံးရောဂါ ဖြစ်ပွားမှုအန္တရာယ်ကို များစေသဖြင့် ပဲနီလေးက ၎င်းဓာတ်

   ချို့တဲ့ခြင်းကို ကာကွယ်ပေးပါသည်။

(၃) အစာခြေလွယ်ခြင်း

- မပျော်ဝင်နိုင်သော အမျှင်ဓာတ်သည် ဝမ်းချုပ်ခြင်းကို ကာကွယ်ပေးနိုင်ပြီး အူမကြီးလှုပ်ရှားမှုကို

   အဆင်ပြေစေပါသည်။

(၄) သွေးထဲရှိ သကြားဓာတ်ကို ထိန်းပေးနိုင်ခြင်း

- သွေးထဲရှိ သကြားဓာတ်ကို ထိန်းပေးနိုင်ခြင်းကြောင့် ဆီးချိုရောဂါ ကာကွယ်ရာတွင် အထောက်အကူ

   ဖြစ်စေပါသည်။

(၅) စွမ်းအင်ကို တိုးစေခြင်း

- သံဓာတ်ပါဝင်ခြင်းကြောင့် သွေးအားကောင်းမွန်စေပြီး ခန္ဓာကိုယ်တစ်ခုလုံးအတွက် လိုအပ်သော

   အောက်ဆီဂျင်ပမာဏကို ရရှိစေပါသည်။ ထို့ကြောင့် ဇီဝကမ္မဖြစ်ပျက်မှုကို အားပေးပြီး စွမ်းအင်

   ထုတ်လုပ်မှုအတွက် ကူညီပေးပါသည်။

(၆) ဝိတ်ကျစေခြင်း

- ပဲနီလေးတွင် အမျှင်ဓာတ်၊ ပရိုတင်း၊ ဗီတာမင်နှင့် အခြားသော သတ္တုဓာတ်များလည်း ပါဝင်ပါသည်။

  ကယ်လိုရီနည်းပါးပြီး အဆီဓာတ် မပါဝင်ပေ။ ပဲနီလေးတစ်ခွက်စာတွင် ကယ်လိုရီအနည်းငယ်သာ

  ပါဝင်သောကြောင့် ဗိုက်ပြည့်နေစေပြီး မကြာခဏ ဗိုက်ဆာခြင်းမှ ကင်းဝေးစေပါသည်။

ခွက်တစ်ခွက်၏ လေးပုံတစ်ပုံစာ ပဲနီလေးတွင် -

ပရိုတင်း - ၁၃ ဂရမ်

ဝမ်းဗိုက်ပြည့်တင်းမှု ရစေသော အမျှင်ဓာတ် - ၁၁ ဂရမ်

မောပန်းမှုကို တွန်းလှန်နိုင်သော သံဓာတ် - ၅ မီလီဂရမ် တို့ပါဝင်ပြီး ကယ်လိုရီစုစုပေါင်း ၁၆၁ သာရှိကြောင်း သိရပါသည်။

ဟားဗက်လူမှုဆေးပညာတက္ကသိုလ်မှ လေ့လာမှုအရ ပဲနီလေးကို တစ်ပတ်လျှင် အနည်းဆုံး (၂) ကြိမ်စားသုံးသူများသည် တစ်ပတ်လျှင် (၁) ကြိမ်အောက်လျော့နည်းပြီး စားသုံးသူများထက် သားမြတ်ကင်ဆာဖြစ်နိုင်ခြေ (၂၄) ရာခိုင်နှုန်း လျော့ကျသွားသည်ကို တွေ့ရှိခဲ့ကြောင်း သုတေသီများက ပြောကြားခဲ့ပါသည်။

သို့ပါသောကြောင့် အရသာရှိလှပြီး အလွယ်တကူ ဝယ်ယူရရှိနိုင်သော ပဲနီလေး၏ ကျန်းမာရေးကောင်းကျိုးများကို လေ့လာရေးသားလိုက်ရပါသည်။

ရေးသားသူ - ပင်လယ်ပြာ (ငါးဦးစီး)

Source- https://www.catherineannisyoga.co.uk/benefits-lentils/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

You

ဆက်စပ်ဆောင်းပါးများ

ဆက်စပ်မေးခွန်းများ

ဖရဲ စိုက်ပျိုးရန် ‌‌မြေဆီလွာကို ဘယ်လို ပြုပြင်ရမလဲ စိုက်ပျိုးနည်း ပုံစံလည်း သိချင်ပါတယ်။

Nay thura • ဖြေကြားချက် 1 ခု

EM-5 ဘယ်လိုပြုလုပ်ရင်အကောင်းဆုံးလဲ

san lin • ဖြေကြားချက် 1 ခု

မျိုးစေ့မသိမ်းခင် အဆင့်မှာ ပုတ်ပြီးခြောက်သွားတာ ဘာကြောင့်ဖြစ်တာလဲပြောပြပေးပါဆရာ၊ဆရာမတို့ရှင့်

Tone meezae • ဖြေကြားချက် 1 ခု

မတ်ပဲစိုက်ရန် ဒိုလာမောင်းထားပါတယ် ၂ဧက ပဲပတ်ပြီး ၁ရက်အကြာမိုးမိတယ် အပင်တေ မပေါက်တော့ပါ့ဘူး ပြန်ဖျတ်ပြီး ကျဲလျှင်ပေါက်နိုင်ပါလားဗျ ဒိုလာမောင်းပြီး ပဲမပတ်ရသေးတဲ့အခင်းတေရော ဘယ်နရက်လောက်နေလှန်းပြီးမှကျဲပတ်ရမလည်းသိချင်ပါတယ်ဆရာ

zayyy zayya • ဖြေကြားချက် 1 ခု

အိမ်မှာ စိုက်ပျိုးထားတဲ့ သရက်ပင်ရဲ့ အရွက်တွေက ပုံပါအတိုင်း ဖြစ်နေလို့ပါ။ ကျန်အရွက်တွေလည်း ညိုးကျနေလို့ပါဗျ။ ဘာဆေး‌လေး သုံးလို့ရလဲဗျ။

Thura • ဖြေကြားချက် 1 ခု

မတင်ဘဲ ထွက်မှာ သေချာပါသလား။

သင်ရေးထားသည်များကို မတင်ရသေးပါ။ ဤစာမျက်နှာမှ ထွက်ပါက ပျောက်ဆုံးသွားပါမည်။