ကြက်ဟင်းခါးသီးဖျော်ရည်မှ လူသိနည်းတဲ့ကျန်းမာရေးအကျိုးကျေးဇူးများ
ကြက်ဟင်းခါးသီးကိုဟင်းအနေနဲ့ချက်စားကြပေမဲ့ဖျော်ရည်အနေနဲ့သောက်သုံးနိုင်တယ်ဆိုတာကိုတော့ သိရှိသူနည်းပါးပါတယ်။ ဖျော်ရည်မှာခါးတဲ့အရသာရှိနေမှာကတော့မလွဲမသွေပါ။ အရသာခါးပေမယ့်သွေးတိုးကျခြင်း၊ အရေပြားလှပခြင်းစတဲ့ ကျန်းမာရေးအတွက်အကျိုးကျေးဇူးများစွာရရှိတာကြောင့် နောက်ပိုင်းမှာဖျော်ရည်အဖြစ်သုံးစွဲလာကြပါတယ်။ ဆက်လက်ပြီးကြက်ဟင်းခါးသီးရဲ့အာဟာရများနဲ့ ကျန်းမာရေးအကျိုးကျေးဇူးများအကြောင်းရေးသားဖော်ပြလိုပါတယ်။
ကြက်ဟင်းခါးသီးကိုသိပ္ပံအမည်အရ Momordica charantia လို့ခေါ်ဝေါ်ပါတယ်။ ပြင်ပပုံစံအရကြမ်းတမ်းပြီး တရုတ်မျိုးနဲ့အိန္ဒိယမျိုးဆိုပြီး နှစ်မျိုးရှိပါတယ်။
ပါဝင်သောအာဟာရဓာတ်များ
ကြက်ဟင်းခါးသီးဖျော်ရည်မှာ အရေးကြီးတဲ့အာဟာရဓာတ်များစွာပါဝင်ပါတယ်။ ဥပမာအားဖြင့်ကြက်ဟင်းခါးသီးဖျော်ရည်တစ်ခွက်(၁၁၈မီလီမီတာ)မှာ အာဟာရဓာတ်အားဖြင့်...
-ကယ်လ်လိုရီ ၁၆ ယူနစ်
-ကာဗိုဟိုက်ဒရိတ် ၃.၄ ဂရမ်
-အမျှင်ဓာတ် ၂.၆ ဂရမ်
-ပရိုတင်း ၀.၉ ဂရမ်
-အဆီဓာတ် ၀.၂ ဂရမ်
-ဗီတာမင်စီ တစ်နေ့တာလိုအပ်ချက်၏ ၉၅ %
-ဖောလိတ် တစ်နေ့တာလိုအပ်ချက်၏ ၁၇%
-ဇင့်ဓာတ် တစ်နေ့တာလိုအပ်ချက်၏ ၉၅ %
-ပိုတက်ဆီယမ် တစ်နေ့တာလိုအပ်ချက်၏ ၉၅ %
-သံဓာတ် တစ်နေ့တာလိုအပ်ချက်၏ ၉၅ %
-ဗီတာမင်အေ တစ်နေ့တာလိုအပ်ချက်၏ ၄ % စတာတွေပါဝင်ပါတယ်။
ကိုယ်ခံစွမ်းအား မြင့်တက်စေခြင်း
ကြက်ဟင်းခါးသီးဖျော်ရည်ဟာ ဗီတာမင်စီကြွယ်ဝပြီး ဓာတ်တိုးဆန့်ကျင်တဲ့ဂုဏ်သတ္တိတွေရှိတာကြောင့် ကိုယ်ခံစွမ်းအားမြင့်တက်စေခြင်း၊ ဦးနှောက်ကိုအကျိုးပြုခြင်း၊ တစ်ရှူးများအနာကျက်မြန်စေခြင်း စတဲ့အကျိုးကျေးဇူးတွေပေးပါတယ်။
အမြင်အာရုံကောင်းစေခြင်း
ဗီတာမင်အေလည်းကြွယ်ဝတာကြောင့် အမြင်အာရုံကောင်းစေခြင်း၊ အရေပြားကျန်းမာရေးကောင်းခြင်း စတဲ့အာနိသင်တွေရှိပါတယ်။ ဒါ့အပြင် ကြက်ဟင်းခါးသီးဖျော်ရည်တစ်ခွက်မှာ တစ်နေ့တာလိုအပ်တဲ့ အမျှင်ဓတ်ရဲ့၈%ပါဝင်တာကြောင့် အစာခြေစနစ်ကိုအကျိုးပြုပါတယ်။ သွေးတွင်းသကြားဓာတ်ကိုလည်းထိန်းပေးပါတယ်။
သွေးတွင်းသကြားဓာတ်ကိုထိန်းပေးခြင်း
သွေးတွင်းသကြားဓာတ်ကိုထိန်းနိုင်တာနဲ့ပတ်သတ်ပြီး သုတေသနတွေပြုလုပ်ထားပါတယ်။ ကြက်ဟင်းခါးသီးမှာ polypeptide-p ၊charantin နဲ့ vicine စတဲ့ဓာတ်ပစ္စည်းတွေပါဝင်ပါတယ်။ polypeptide-p ဟာသွေးတွင်းသကြားဓာတ်ကိုထိန်းရာမှာ အင်ဆူလင်လိုပဲလုပ်ဆောင်ပေးပါတယ်။ ဒါ့အပြင်ကြက်ဟင်းခါးသီးဖျော်ရည်ဟာ အင်ဆူလင်ဟော်မုန်းထုတ်ပေးတဲ့ ပန်ကရိယရဲ့ဆဲလ်တွေကိုကာကွယ်ပေးခြင်း၊ အသစ်ပြန်ဖြစ်စေခြင်းစတဲ့နည်းတွေနဲ့အကျိုးပြုပါတယ်။
အရေပြားကျန်းမာရေးကောင်းစေခြင်း
ကြက်ဟင်းခါးသီးဖျော်ရည်ဟာ အသားအရေကိုကြည်လင်တောက်ပစေတဲ့ဂုဏ်သတ္တိရှိတယ်လို့ ဆိုပါတယ်။ ဓာတ်တိုးဆန့်ကျင်ပစ္စည်းတွေဖြစ်တဲ့ ဗီတာမင်စီနဲ့ဗီတာမင်အေဟာ အရေပြားကိုလှပစေခြင်း၊အနာကျက်မြန်စေခြင်းစတဲ့ အကျိုးကျေးဇူးတွေပေးပါတယ်။ တိုင်းရင်းဆေးပညာအချို့မှာ နှင်းခူအပါအဝင် အရေပြားမှာဖြစ်တက်တဲ့ယားနာများ၊ အနာများအတွက် ကုသရာမှာသုံးစွဲကြတယ်လို့ဆိုပါတယ်။
ငှက်ဖျားပိုးကာကွယ်ပေးခြင်း
ယနေ့ခေတ်လိုဆေးဝါးအများအပြားမပေါ်ပေါက်ခင်က ငှက်ဖျားရောဂါကို ရပ်ရွာထဲတွင်အလွယ်တကူရရှိနိုင်တဲ့ကြက်ဟင်းခါးရွက်ကိုထောင်းပြီး(သို့) ကျိုပြီးသောက်သုံးခြင်းဖြင့် ကုသခဲ့ကြပါတယ်။
အခြားအကျိုးကျေးဇူးများ
ကြက်ဟင်းခါးသီးဖျော်ရည်ဟာ ကိုယ်အလေးချိန်လျှော့ချရာမှာ အထောက်အကူပြုပါတယ်။ အမျှင်ဓာတ်များပြီးကယ်လိုရီနည်းလို့ဖြစ်ပါတယ်။ ဒါ့ကြောင့်အချိန်အတော်ကြာကြာဗိုက်ပြည့်နေတဲ့ခံစားချက်ကို ပေးပါတယ်။ ကြက်ဟင်းခါးသီးဟာ အကျိုးပြုကိုလက်စထရောဖြစ်တဲ့HDL ကိုလက်စထရောကိုတက်စေပြီး မကောင်းတဲ့LDLကိုလက်စထရောနဲ့triglycerideကို လျော့ကျစေတယ်လို့လည်းသိရပါတယ်။ တိရစ္ဆာန်များနဲ့စမ်းသပ်တဲ့သုတေသနအရ ကင်ဆာရောဂါအချို့ကိုကာကွယ်နိုင်တဲ့အစွမ်းရှိတယ်လို့လည်းသိရပါတယ်။
ဒါ့ကြောင့်ကြက်ဟင်းခါးသီးဖျော်ရည်ဟာ အရသာခါးပေမယ့် ကျန်းမာရေးအတွက်ကောင်းမွန်တဲ့အချက်တွေရှိနေတာကြောင့် မြည်းစမ်းသောက်သုံးသင့်ပါတယ်။ ကြက်ဟင်းခါးပင်ဟာအသီးတင်မဟုတ်ပဲအရွက်ကပါအသုံးဝင်တာဖြစ်တဲ့အတွက်ကြောင့် အိမ်တိုင်းစိုက်ထားသင့်သလို အလေ့ကျပေါက်ပင်လေးများကိုလည်းဂရုစိုက်ပေးသင့်ပါတယ်။
ကိုးကားချက်
https://www.healthline.com/nutrition/karela-juice
ဆက်စပ်ဆောင်းပါးများ
ကျန်းမာရေးနှင့်ညီညွတ်သော အစာစားနည်းများ (အပိုင်း-၈)
ဒေါက်တာမျိုးကြွယ်
အသက် ၁၀၀ ကျော် ရခြင်း၏လျှို့ဝှက်ချက် - ဥယျာဉ်ခြံစိုက်ပျိုးပြုစုခြင်း
Thein Soe Min
ဟင်းသီးဟင်းရွက်တွေကို ချက်ပြုတ်တဲ့အခါ အာဟာရဓာတ်တွေ မဆုံးရှုံးအောင် ဘယ်လိုလုပ်မလဲ?
Dr. Kyaw Phyo Lwin
ဆက်စပ်မေးခွန်းများ
လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။
U BHONE THWE HTAN • ဖြေကြားချက် 0 ခု
မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။
Nyi Nyi Aung • ဖြေကြားချက် 0 ခု
ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့
Saung • ဖြေကြားချက် 0 ခု
မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့
Hlaing Min Tun • ဖြေကြားချက် 1 ခု
ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ
မောင်ခိုင်လင်းထွန်း • ဖြေကြားချက် 1 ခု
နောက်ဆုံး ဆောင်းပါးများ
ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)
10/11/2026
နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ
09/11/2026
အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး
09/11/2026
တစ်ပတ်စာ ဈေးကွက်သုံးသပ်ချက် (2-6.11.2026)
06/11/2026
စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)
06/11/2026
More from မထက်ယမင်းဦး
အားလုံး
