အစိမ်းရောင်လမ်း
Greenovator
၂ဝ၁၆ ခုနှစ်အတွင်း ကမ္ဘာတစ်ဝန်း၌ဖြစ်ပေါ်ခဲ့သော လေထုညစ်ညမ်းမှုအန္တရာယ်ကြောင့် ကလေးငယ်ခြောက် သိန်းခန့် သေဆုံးခဲ့သည်ဟု ကမ္ဘာ့ကျန်းမာရေးအဖွဲ့၏အစီရင်ခံစာတစ်ရပ်အရ သိရသည်။
အသက် ၁၅ နှစ်အောက်အရွယ်ကလေးငယ် ၉ဝ ရာခိုင်နှုန်းကျော်သည် ညစ်ညမ်းသောလေများကို ရှူရှိုက် ခဲ့ခြင်းကြောင့် ကျန်းမာရေး ထိခိုက်စေပြီး ကြီးထွားဖွံ့ဖြိုးမှုကို နှောင့်နှေးစေခဲ့သည်ဟု အစီရင်ခံစာတွင်ပါရှိကြောင်း သိရသည်။
ကမ္ဘာတစ်ဝန်းရှိ အသက် ၁၅ နှစ်အောက် ကလေး ငယ် ၉၃ ရာခိုင်နှုန်းခန့်သည် ကမ္ဘာ့ကျန်းမာရေးအဖွဲ့၏ သတ်မှတ်ထားသော လေထုအရည်အသွေးထက်နိမ့်ကျ သော လေများကို ရှူရှိုက်ခဲ့ကြရသည်ဟု ယင်းအစီရင်ခံစာ တွင် ထည့်သွင်းရေးသား ထားသည်။
ယင်းသို့ ညစ်ညမ်းသောလေထုကို ရှူရှိုက်ရသော ကလေးငယ်များသည် ပန်းနာရင်ကျပ်နှင့် ကင်ဆာရောဂါ များကို ရင်ဆိုင်ရ ဖွယ်ရှိကြောင်း အစီရင်ခံစာတွင် ဖော်ပြ ထားသည်။ ထို့ပြင် ယင်းကလေးငယ်များသည် အရွယ် ရောက်ပြီးသူများထက် အသက်ရှူနှုန်း ပိုမိုမြန်ဆန်သော ကြောင့် ခုခံအားလျော့ကျခြင်းကို ဖြစ်ပေါ်စေနိုင်သည်ဟု ရေးသားထားသည်။
ထို့ကြောင့် လေထုညစ်ညမ်းမှုကို ဖြစ်ပေါ်စေသော လုပ်ရပ်များကို လျှော့ချကြရန် ကမ္ဘာ့နိုင်ငံများအား အစီ ရင်ခံစာတွင် သတိပေးတိုက်တွန်းထားကြောင်း သိရသည်။
ကမ္ဘာ့ကျန်းမာရေးအဖွဲ့ ပြည်သူ့ကျန်းမာရေးဌာန ဒါရိုက်တာ မာရီယာနိုင်ယာက ကလေးငယ်များသည် အဆိပ်အတောက်များ ရောပြွမ်းနေသည့် လေထုကို နေ့စဉ် ရှူရှိုက်နေရသည့်အတွက် လေထုညစ်ညမ်း မှုပြဿနာကို အမြန်ဆုံးဖြေရှင်းရန် လိုအပ်ကြောင်း ပြောကြားခဲ့သည်။
အင်န်အိတ်ချ်ကေ ၂-၁၁-၂၀၁၈(ကြေးမုံ)
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}